logo

фарҳанг

НАВРӮЗ ДАР БАДАХШОН

Бо вуҷуди боришоти зиёди барф ва сардиҳои зимистони имсола дар шаҳри Хоруғ ва дигар навоҳии  Вилояти Мухтори Кӯҳистони Бадахшон низ ба ин  ҷашни миллӣ ҳаматарафа омодагӣ диданд.

Тантанаҳои наврӯзӣ бо баргузории чорабиниҳои фарҳангиву фароғатӣ ва варзишӣ, сайру гашти оммавӣ дар ҳамаи ноҳияҳои вилоят рӯзҳои 22 - 24 март баргузор мегарданд. Дар шаҳри Хоруғ  ва ноҳияи Шуғнон бошад, рӯзи 21  март тантанаи  идона бо намоиши барномаҳои  фарҳангӣ, ки дар он намояндагони аҳли ҳунари тамоми ноҳияҳои вилоят ва шаҳр ҳунарнамоӣ мекунанд, баргузор гардид.
Рӯзҳои ҷашн дар боғи фарҳангӣ - фароғатии шаҳр  ва майдони ба номи Исмоили Сомонӣ баргузории бозиҳои гуногуни варзишӣ дар назар аст. Кормандони раёсати ҷавонон ва варзиши вилоят ва бахшҳои он дар шаҳру ноҳияҳо ба ин чорабинӣ омодагии хуб дидаанд.  Сабқатҳои варзишгарон аз рӯйи баъзе намуди бозиҳо, мисли волейболу тӯби дастӣ, баскетболу шоҳмот дар сатҳи маҳаллаву деҳот оғоз ёфта, то рӯзи ҷашн бозиҳои ниҳоӣ дар сатҳи ноҳияҳо баргузор гардиданд. Бо супориши раиси вилоят имсол низ дар ҷашни Наврӯзи  ноҳияҳои Дарвоз, Мурғоб ва Шуғнон аҳли деҳот аз аспдавонӣ ва човандозии ҳунармандон, ки солҳои охир дар тамоми манотиқи вилоят аз байн рафта буд, аз нав эҳё гардид.
Дар доираи ҷашни Наврӯз  зиёда аз 10 озмуну фестивал, аз ҷумла миёни донишҷӯдухтарони Донишгоҳи давлатии шаҳри Хоруғ, коллеҷҳои тиббии шаҳр ва техникии ноҳияи Шуғнон, хонандагони синфҳои болоии муассисаҳои таҳсилоти миёна, мактабҳои санъат ва кормандони ҷавони раёсату идораҳо  баргузор гардид.
Шуъбаи бадахшонии Иттифоқи нависандагони Тоҷикистон низ байни адибони ҷавони  вилоят дар мавзӯи “Беҳтарин шеър ва ҳикояи наврӯзӣ” озмун эълон намуд, ки он рӯзи 20 март ҷамъбаст гардида, ғолибон дар тантанаи вилоятӣ аз тарафи раиси вилоят бо туҳфаҳои хотиравӣ қадрдонӣ гардиданд.
Тавре роҳбарияти идораи телевизион ва радиои вилоят гузориш дод, он  бахшида ба ҷашни байналмилалӣ дар ҳамкорӣ бо намояндагони шабакаҳои телевизионии ҷумҳуриявӣ доир ба таърихи Наврӯз таҳти унвони «Расму ойинҳои наврӯзии мардуми Бадахшон» ва «Наврӯз - як рукни ойини миллӣ» филми мустанадеро таҳия намудааст, ки имрӯзҳо намоиш дода мешавад.
Дар арафаи ид  дар шаҳри Хоруғ ва ноҳияҳои вилоят як қатор иншооти муҳими иҷтимоӣ - иқтисодии  навбунёд мавриди баҳрабардорӣ қарор гирифтанд.
Раҳмони ГУЛЗОР, “Ҷумҳурият”


Баёни ақида (0)    Санаи нашр: 22.03.2017    №: 62    Мутолиа карданд: 509

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед