logo

иқтисод

"ТОҶИКСТАНДАРТ". ҲАДАФ - ҲИФЗИ ҲУҚУҚИ ИСТЕЪМОЛКУНАНДАГОН

Агентии “Тоҷикстандарт” ҷиҳати дар амал татбиқ намудани қонунҳои Ҷумҳурии Тоҷикистон, дастуру ҳуҷҷатҳои меъёрии соҳа, ки бевосита ба ҳифзи бозори истеъмолии мамлакат аз воридшавии молу маҳсулоти бесифат, таъмини риояи талаботи ҳуҷҷатҳои меъёрии техникӣ, ҳимояи ҳуқуқи истеъмолкунандагон нигаронда шудаанд, масъулияти калонро ба зимма дорад.

- Бозори истеъмолии мамлакатро аз маҳсулоти пастсифат ва ба талабот ҷавобгӯ набуда ва саноатро аз истифодаи ашёи хоми пастсифат ва истеҳсоли молҳои ғайристандартӣ ҳифз намудан вазифаи асосии кормандони соҳа мебошад. Барои рафъи ин амалҳои номатлуб ва баланд бардоштани сифати маҳсулоти истеҳсоли ватанӣ саъй дорем, ки ҳамкориро бо истеҳсолкунандагону соҳибкорон тақвият диҳем. Фаъолияти ҳаррӯза ва талошу заҳмати ҳар яки мо ба хотири ободии Ватан ва ҳифзи манфиати мардум аст. Аз ин лиҳоз, кӯшиш менамоем, ки бо масъулияти дучанд фаъолият намуда, дар татбиқи амалии дастуру ҳидоятҳои Сарвари давлат Эмомалӣ Раҳмон саҳми арзанда гузорем, - мегӯяд Ибодулло Қурбониён, директори Агентии “Тоҷикстандарт”.
Бо мақсади баланд бардоштани сифат ва рақобатпазирии маҳсулоти ватанӣ соли 2016 дар Агентии “Тоҷикстандарт” ва зерсохторҳои он “Соли дастгирии маҳсулоти воридотивазкунандаи ватанӣ” эълон карда шуд. Ҳамчунин, бо ҷалби 203 корхонаю ташкилоти ватанӣ озмуни “Маҳсулот ва хизматрасонии беҳтарин дар Ҷумҳурии Тоҷикистон” баргузор гардид. Илова бар ин, ҳамкориҳо бо корхонаҳои истеҳсолӣ мустаҳкам гардида, дар арафаи «Рӯзи соҳибкор» дар агентӣ ва марказҳои вилоятии он 60 нафар соҳибкор барои истеҳсоли маҳсулоти босифат ва рақобатпазир бо мукофотҳои махсус сарфароз гаштанд. Дар заминаи дастгирии истеҳсолкунандагони ватанӣ давоми соли 2016 субъектҳои хоҷагидор бо 5283 саҳифа ҳуҷҷатҳои меъёрӣ таъмин, 62 шарти техникии Ҷумҳурии Тоҷикистон ҳамчун ҳуҷҷати меъёрӣ ба қайд гирифта шуд. Илова ба ин, 461 стандарти байнидавлатӣ қабул шуд, ки 211 адади он (46%) бо стандартҳои байналмилалӣ ҳамоҳанг гардонда шуданд.
Яке аз омилҳои асосии таъмини бехатарии молу маҳсулот дар бозори истеъмолӣ ва пурзӯр намудани назорат дар ин самт таҳия ва қабули Регламентҳои техникӣ мебошад, ки барои баланд бардоштани рақобатпазирии маҳсулоти ватанӣ дар бозори истеъмолӣ ва иқтидори содиротии онҳо, истеҳсоли молу маҳсулоти босифати ба талаботи бозори ҷаҳонӣ ҷавобгӯй ва аз лиҳози экологӣ тоза саҳми муносиб мегузорад.
Қабули ҳуҷҷатҳои меъёрӣ - техникии талаботашон ҳатмӣ дар самти назорати бозори истеъмолӣ мусоидат намуд. Дар натиҷаи гузарондани назорати давлатӣ ба микдори 5890 тонна маҳсулоти гуногуни ғизоӣ ба қайд гирифта шуд, ки як қисми ин маҳсулот аз ҷиҳати бехатарӣ ва қисми дигари он аз рӯи тамғагузорӣ дар борҷомаашон ба талабот ҷавобгӯй набуданд. Ҳамзамон, молу маҳсулоти ғайриғизоӣ, аз қабили 120,8 тонна масолеҳи сохтмонӣ, 3200 метр симноқил, 6653 дона фурӯзонаки тафсон, 3040 дона борҷомаҳои қалбакӣ, 1,4 тонна маводи шустушӯӣ, 1512 қуттӣ тамоку, зиёда аз 13000 дона бозича, 769 парчам, ки ба талаботи ҳуҷҷатҳои меъёрӣ - техникӣ ҷавобгӯй набуданд, ошкор ва аз муомилот гирифта шуданд. Дар раванди гузарондани назорати давлатӣ дар субъектҳои хоҷагидори ҷумҳурӣ аз ҷониби мутахассисони агентӣ масъулон дар 4338 ҳолат барои риоя накардани талаботи ҳуҷҷатҳои меъёрӣ-техникӣ, истифодаи воситаҳои ченаки корношоям, вориду фурӯши маҳсулоти бесифат ва хатарнок ба маблағи умумии 1148240 сомонӣ ҷарима баста шуданд.
Самти фаъолияти Агентии «Тоҷикстандарт» ҳамчун мақомоти назоратӣ ва санҷишӣ ба риояи меъёрҳои стандартии молу маводи дар дохил истеҳсолшаванда ва аз хориҷ воридшаванда, воситаҳои ченаки ягона, ҳимояи ҳуқуқҳои истеъмолкунандагон, истеҳсоли маҳсулоти босифату бехатар, умуман бевосита ба ҳифзи беҳдошти рӯзгори мардум нигаронда шудааст. Махсусан дар самтҳои тарбияи кадрҳо ва баланд бардоштани дараҷаи тахассусӣ пешравиҳои назаррас ба чашм мерасанд. Ташкил ва гузарондани семинару курсҳои такмили ихтисос, фиристодани кормандон барои бозомӯзӣ ба хориҷи кишвар, ташкили озмоишгоҳҳои нав, барқароркунӣ ва таҳкими ҳамкорӣ бо созмонҳои байналмилалӣ дар масъалаи рушди соҳаи назорати давлатии сифати молу маҳсулот дар оянда низ вусъат хоҳад ёфт.
Матлубаи АБДУҚАҲҲОР, “Ҷумҳурият”


Баёни ақида (0)    Санаи нашр: 28.03.2017    №: 65    Мутолиа карданд: 434

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров


Дар сомонаҳои дигари Тоҷикистон хонед