logo

иҷтимоиёт

ҶАВОНОН. БА ПЕШ БО МАСЪУЛИЯТИ БЕШТАР

Президенти Ҷумҳурии Тоҷикистон муҳтарам Эмомалӣ Раҳмон аз рӯзҳои аввали Сарвари давлат интихоб гардиданашон ба масъалаи тарбияи ҷавонон дар рӯҳияи худшиносиву худогоҳӣ, ватандӯстию меҳанпарастӣ диққати ҷиддӣ дода, дастгирии ҳамаҷонибаи онҳоро пайваста таъкид менамуданд. Ин аст, ки имрӯз дидгоҳ ва ҷаҳонбинии ҷавонон ба куллӣ дигар шуда, дар корҳои давлативу ҷамъиятӣ, баҳри фардои дурахшони кишвар, фаъолона ширкат меварзанд.
Мутаассифона, дар баробари ин, бархе аз ҷавонони кишвар, ҳарчанд роҳбарияти олии мамлакат барояшон имконияту шароити мусоиди таҳсил, кору зиндагӣ ва фароғат муҳайё намудаасту бояд аз онҳо самаранок истифода баранд, даст ба амалҳои ношоиста зада, ҳаёти худ ва дигаронро зери хатар мегузоранд. Гаравидани онҳо ба созмонҳои террористиву экстремистӣ боиси нигаронии аҳли ҷомеа гардидааст. Бинобар ин, дар мубориза ба муқобили ифротгароӣ худи ҷавонон бояд фаъол бошанд. Чунин амал имрӯз аз тарафи созмонҳои  гуногун, гурӯҳҳои ихтиёрии ташвиқотию тарғиботии ҷавонон васеъ ба роҳ  монда шудааст. Дар ин самт фаъолияти созмони “Созандагони Ватан” хеле назаррас буда, аз ҷониби  онҳо дар 18 шаҳру навоҳии вилояти Суғд аксия бо номи “Ҷавонон  ба муқобили  терроризм ва экстремизм” гузаронда шуд.
Дар мубориза бар зидди  ифротгароию даҳшатафканӣ Вазорати корҳои дохилии кишвар бо ҷавонон ҳамкории зич барқарор намудааст. Ҳамзамон, аз ҳисоби кормандони ҷавони вазорат созмони “Пешоҳанг” ташкил гардидааст, ки асоси фаъолияти онро кор бо ҷавонон ташкил медиҳад. Ба ақидаи мо, кору фаъолияти созмону гурӯҳҳои таблиғотии ҷавонон набояд бо ин маҳдуд шавад. Роҳу шеваҳои дигари  ташвиқотиву тарғиботӣ низ мавҷуданд. Масалан, доир намудани озмун ва намоишгоҳҳои рассомӣ, анҷуманҳо, мизҳои мудаввар, мусобиқаҳои гуногуни варзишӣ зери унвони “Ҷавонон ба муқобили ифротгароӣ ва терроризм”, паҳн кардани видеороликҳои ба ин мавзӯъ рабт- дошта дар пешгирӣ аз шомилшавии ҷавонон ба ҳизбу ҳаракатҳои террористию ифротгароӣ нақши муҳим бозида метавонанд.
Неруи ақлонии ҷавононро, инчунин, метавон дар корҳои ташвиқотӣ аз тариқи интернет низ истифода бурд. Дар ин самт, мувофиқи мақсад мебуд, агар  Вазорати корҳои дохилӣ якҷо бо Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон дар корҳои иттилоотиву тарғиботӣ тавассути интернет, шабакаҳои иҷтимоӣ, воситаҳои ахбори омма ҷавонони аз нигоҳи технологӣ ва забонӣ лаёқатмандро ба ин корҳо ҷалб мекарданд. Зеро ба тамоми амалҳои  террористону ифротгароён аз тариқи шабакаҳои иҷтимоӣ, мо бояд бо роҳи паҳн кардани иттилооти асоснок ва муътамади худӣ ҷавоби раднопазир гардонем. Аз ин рӯ, доштани як барномаи мукаммал оид ба тарбияи чунин ҷавонон ба манфияти кор хоҳад буд.
Эълон шудани соли 2017 ҳамчун Соли ҷавонон масъулияти мо - ҷавононро дар пешбурди тамоми соҳаҳои ҳаёти ҷомеа, хусусан мубориза ба муқобили ифротгароӣ ва терроризм дучанд менамояд. Бинобар ин, мо бояд  дар иҷрои дастуру ҳидоятҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон, ки аз Паёмашон ба Маҷлиси Олӣ бармеоянд, фаъол бошем, ҳушёриву зиракиро аз даст надиҳем ва ваҳдати миллию дастовардҳои Истиқлолияти давлатиро ҳамчун гавҳараки чашм ҳифз намоем.
Ҳикматулло ХОҶАЕВ,
мутахассиси пешбари Раёсати
омӯзиши масъалаҳои амнияти минтақавии Маркази тадқиқоти стратегии назди
Президенти Ҷумҳурии Тоҷикистон


Баёни ақида (0)    Санаи нашр: 28.03.2017    №: 65    Мутолиа карданд: 625

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед