logo

иҷтимоиёт

ДУШАНБЕ. ОЯНДАИ ОНРО ЧӢ ГУНА ДИДАН МЕХОҲЕД?

Мулоқоти судманди Асосгузори сулҳу ваҳдати миллӣ – Пешвои миллат, Президенти ҷумҳурӣ муҳтарам Эмомалӣ Раҳмон бо роҳбарону фаъолони шаҳри Душанбе ва матраҳ гардидани  ҳалли  масъалаҳои иҷтимоию иқтисодии пойтахт барои марҳалаи нави рушди   он сокинони шаҳрро ба ояндаи боз ҳам дурахшон хушбин намудааст.
Вобаста ба ин, назари чанд нафар аз сокинони пойтахтро манзури хонандагони рӯзнома менамоем.


Шариф Атобуллоев, рӯзноманигор
- То андозае  танзим гардидани  фаъолияти нақлиёти мусофиркаш аз беҳбудиҳои вазъи иҷтимоию иқтисодии шаҳр аст, ки  имрӯзҳо   мушоҳида мешавад.  Овози  баланду  гӯшхароши пулчинакҳои микроавтобусҳои мусофирбар, ки маданияти шаҳрдориро халалдор месохт, акнун ба гӯш намерасад. Дар  гардишгоҳҳо, аз ҷумла дар шафати бинои  Сирки давлатӣ,  маҳаллаи Зарнисор, хиёбонҳои Неъмат Қарабоев, Сино ва  Айнӣ, ки маконҳои серодаманд,  нозирони роҳ фаъолияти хешро пурзӯр сохта,  ҳолати  тамбашавии воситаҳои наклиёт ва қонунвайронкуниҳоро дар ин самт хеле коҳиш доданд.  Ба ғайр аз ин, таъсиси истгоҳу таваққуфгоҳҳои нави мошинҳо  ба беҳбудии ҳаракати воситаҳои нақлиёту бехатарии гаштугузори одамон мусоидат намуд. Мутаассифона, ҳоло ҳам баъзе соҳибони автомобилҳо, қоидаву муқаррароти соҳаро  риоя намекунанд, вале фикр мекунам, ин мушкил низ ҳалшаванда аст.

Абдухалил Наҷибуллоев, иқтисодшинос
- Дар мулоқоти Пешвои муаззами миллат роҳбарону фаъолони шаҳри Душанбе доир ба марҳалаи нави рушди пойтахт ва  идомаи  корҳои ободонию  созандагӣ  пешниҳодҳои манфиатбахш сурат гирифтанд.  Дар  ин вохӯрӣ доир ба аксарияти самтҳои рушди шаҳр Роҳбари давлат дастуру супоришҳои мушаххас доданд.
Пешвои миллат ба масъалаи камбудиҳо  дар самти  соҳаҳои хизматрасонии тиббӣ, маориф, нақлиёт,  обтаъминкунӣ, гармидиҳӣ,  истифодаи самараноки неруи барқ таваҷҷуҳ зоҳир намуда, барои рафъи мушкилоти ҷойдошта  масъулони бахшҳои мазкурро   вазифадор сохтанд.  Инчунин,  масъалаҳои рӯзмараи ҷомеа - риояи тартиботи хизматрасонии  нақлиётӣ,  қоидаҳои ҳаракат дар роҳҳои автомобилгард,  баланд бардоштани масъулияти волидайн ва  мактаб дар самти таълиму тарбияи кӯдакону наврасон ироа гардиданд, ки ба беҳбудии ҳаёти сокинони пойтахт мусоидат менамоянд. Айни замон эҳсос мешавад, ки  роҳбарияти шаҳр барои амалисозии дастуру супоришҳои Сарвари давлат талош мекунад. Ин гувоҳи он аст, ки ояндаи пойтахти азизи мо хеле дурахшон хоҳад буд. 

Рустам Талбонов, устоди Донишгоҳи миллии Тоҷикистон
Таъкиду дастурҳои  Пешвои миллат, Сарвари давлат муҳтарам Эмомалӣ Раҳмон барои рушди бахшҳои гуногуни пойтахт зимни мулоқот бо роҳбарону фаъолони шаҳри Душанбе ҳоло фаъолияти масъулони соҳаҳоро такон бахшидааст.  Имрӯзҳо дар пайи супоришҳои Президенти кишвар  хизматрасонии коммуналӣ - яке аз масъалаҳои ҳалталаби шаҳр  мавриди таваҷҷуҳи роҳбарияти шаҳр қарор дорад.  Беҳтар намудани низоми хизматрасонии коммуналӣ  пурзӯр шуда,  корхонаҳо бо техникаю технологияи нав  таъмин гардида истодаанд. Ба кори тозагию ободии маҳалҳо, назорати дуруст истифода бурдани  барқ, таълиму тарбияи кӯдакону наврасон ва   фаъолияти бозору фурӯшгоҳҳои пойтахт  аҳамияти ҷиддӣ дода мешавад. Дар баробари ин, васеъсозии кӯчаю хиёбонҳо ва  бунёди биноҳои нав ба роҳ монда  шудааст. Бо чунин заҳмату талошҳои созанда ва ғамхории ҳамешагии Роҳбари давлат Душанберо дар оянда шаҳри шаҳрҳо хоҳем дид.
Ташрифулло САЪДУЛЛОЕВ, «Ҷумҳурият»


Баёни ақида (0)    Санаи нашр: 28.03.2017    №: 65    Мутолиа карданд: 479

22.07.2019


МЕЪМОРӢ ВА СОХТМОН. Қонуншиканиҳо ҳанӯз зиёданд

ТАҲСИЛОТИ САЛОҲИЯТНОК ТАТБИҚ МЕГАРДАД

ЗАМИН. Камбуди оби полизӣ мушкили ҳалталаб боқӣ мемонад

Гилерми: «Тоҷикон соҳиби кишвари афсонавианд»

Швейтсария дар Тоҷикистон бонк мекушояд

Ҷаҳон дар як сатр

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад


Дар сомонаҳои дигари Тоҷикистон хонед