logo

фарҳанг

ШУКӮҲИ НАВРӮЗ ДАР ЧИНУ ҚАЗОҚИСТОН

Дар яке аз бузургтарин толорҳои фарҳангии шаҳри Пекин - осорхонаи Ҷинтай ба ифтихори Ҷашни байналмилалии Наврӯз ва Соли ҷавонон бо ибтикори Сафорати Ҷумҳурии Тоҷикистон дар Ҷумҳурии Мардумии Чин  чорабинии бошукӯҳ доир гардид.

Аз Вазорати корҳои хориҷӣ хабар доданд, ки дар ин ҷашни бостонӣ ва оини зиндагисози миллиамон - Наврӯз намояндагони вазорату идораҳо, донишгоҳҳо, созмонҳои ҷамъиятӣ, олимон, коршиносон, ширкатҳо, собиқ сафирони Чин дар Тоҷикистон, сафирон ва кормандони сафоратҳои кишварҳои узви Иттиҳоди Давлатҳои Мустақил, Афғонистон, Ҳиндустону Покистон дар Чин, донишҷӯёни тоҷик аз шаҳрҳои Пекин, Урумчӣ ва Тинзин, инчунин, доираи васеи хабарнигорон иштирок доштанд. Дастархони ҳафт сину ҳафт шин, намоиши сӯзанию гулдӯзиҳо ва дигар ҳунарҳои дастӣ, атлас, асбобҳои мусиқӣ, сарулибоси мардонаю занонаи минтақаҳои гуногуни кишвар ва мусаввараҳои рассомони Тоҷикистон ба фазои идонаи чорабинӣ шукӯҳу шаҳомат бахшиданд.
Парвиз Давлатзода, сафири фавқулода ва мухтори Ҷумҳурии Тоҷикистон дар Ҷумҳурии Мардумии Чин, доир ба таърихи пайдоиш ва ҳикмату фалсафаи ин ойини нек сухан гуфта, иброз дошт, ки фарҳанги ориёӣ дар тимсоли Наврӯз ба ҷаҳониён ҷашнеро бахшидааст, ки бар пояи меҳру садоқат, хираду заковат ва адолат бунёд гардида, ақлу мантиқро бар ҷаҳлу зулмат пирӯз гардондааст.
Ҳамчунин, сафир бо арҷгузорӣ ба иқдоми Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар бораи Соли ҷавонон эълон гардидани соли 2017 таъкид кард, ки ҷавонони тоҷик дар ҳар ҷое, ки бошанд, бояд шарафу номуси ватандориро ҳимоя карда, худро аз хавфу хатарҳои номатлуби ҷаҳони муосир эмин нигоҳ доранд.
Аз ҷониби донишҷӯёни тоҷик, ки махсус барои таҷлили ҷашни Наврӯз ва Соли ҷавонони Тоҷикистон аз шаҳрҳои Пекин, Тинзин ва Урумчӣ даъват шуда буданд ва бо иштироки яке аз овозхонҳои машҳури Чин Охуник - тоҷики муқимӣ, барномаи фарҳангӣ намоиш дода шуд. Ин чорабинӣ дар расонаҳои хабарӣ ва шабакаҳои телевизионию радиоии Ҷумҳурии Мардумии Чин ба таври васеъ инъикос гардид.
Зимнан, бо ташаббуси Назирмад Ализода, сафири фавқулода ва мухтори Ҷумҳурии Тоҷикистон дар Ҷумҳурии Қазоқистон, дар вилояти Қазоқистони ҷанубӣ, ки зиёда аз 42 ҳазор тоҷики муқимӣ зиндагӣ менамояд, чорабинии идона баргузор гашт. Бо даъвати ҳокими шаҳри Шимкент намояндагони мақомоти иҷроияи маҳаллии ҳокимияти давлатӣ, соҳибкорон ва аҳли фарҳангу ҳунари шаҳри Хуҷанд дар ин  чорабинии наврӯзӣ иштирок намуданд. Дар доираи барномаи фарҳангӣ, гурӯҳи мусиқӣ ва рақсии шаҳри Хуҷанд дар шаҳри Шимкент ва ноҳияи Сариоғоч бо суруд ва рақсҳои миллии тоҷикӣ хотири ҳозиронро шод гардонд.
Д. РӮЗИЕВ, «Ҷумҳурият»


Баёни ақида (0)    Санаи нашр: 28.03.2017    №: 65    Мутолиа карданд: 411

21.01.2019


Фестивали байналмилалии «Наврӯз – мероси фарҳангии сайёҳӣ» баргузор хоҳад шуд

"Парасту - 2019" – ҷашнвораи ҷумҳуриявии театрҳои касбӣ

ҶАҲОН ДАР ЯК САТР

Баргузории ҷашнвораи байналмилалии «Рӯзи барф» дар Калуга

Дар Арабистони Саудӣ ҷалби бонувон ба корҳои ҷамъиятӣ меафзояд

Соли 2018 прокуратураи Қазоқистон ба буҷети кишвар $90 миллион талофӣ кард

Дар Тошканд хазинаи қадима ёфт шуд

Дороии 26 шахси сарватмандтарини дунё ба даромади 3,8 миллиард ниёзманд баробар аст

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар


Дар сомонаҳои дигари Тоҷикистон хонед