logo

фарҳанг

МУТОЛИА НАМУДАМУ...

Мақолаи «Китобҳои шахсӣ то ва баъд аз ман» - ро, ки зери рубрикаи «Проблема ва мулоҳиза» дар шумораи 26 декабри соли 2016, дар рӯзномаи «Ҷумҳурият» ба табъ расидааст, гаштаю баргашта мутолиа намудаму ба гирдоби дарёи андеша ғарқ шудам. Гузаштаеро, ки дидаму бисёр корҳоро бо дасту ақли худ иҷро кардам, пеши чашмонам ҷилвагар гардиданд. Ҳақ ба ҷониби муаллифи мақола А. Исмоил аст.
Муаллифи мақола аз андешаҳои бисёр тира, ки вақтҳои охир оиди пас аз сари ӯ китобҳои шахсии зиёдаш мунису ғамхоре меёбанд ё не, шикоят менамояд.
Дар ҳақиқат, фоҷиаи маънавии беэҳтиётӣ нисбат ба китоб хеле гарону дилрешкунанда аст. Муаллиф бо таассуф аз он, ки бархе аз олимону адибони маъруфу номии кишвар бо фарорасии даврони пирӣ, ҳатто бо тағйири ҷойи зист қиматтарину нодиртарин китобҳои дар солҳои шадид ҷамъовардаашонро ба фурӯш мебароранд ва фарзандонашон пас аз вафоти онҳо барои «кушод» - у «барҳавотар» кардани «хонаи падарӣ» китобҳоро ба ҷойҳои аз чашмҳо дур беаҳамиятона мегузоранд, гила менамояд…
Ман дар ин навиштаҳо аз вазъи гузаштаву имрӯзаи китобхонаҳои шахсии гузаштагону имрӯзиён ёдовар шуданро раво надониста, чанд ишораҳоеро аз дидаву ба даст иҷрокардаам ишора менамоям.
Дар умри шастушаш солаам, бештар аз шаст солашро бо китоб гузаронда, зиёда аз чилу шаш соли онро бо ҷамъоварии китоб, ташкил кардани китобхонаи шахсӣ ва истифодаи ин канзи бузург гузаронидам.
Ҳоло бештар аз панҷ ҳазор китоб, рӯзномаю маҷалла, мактубу дастхат, соядаст ва садҳо навиштаҳои дигари нодир китобхонаи шахсиамро, ки аз соли 1974 то имрӯз арзи вуҷуд дорад, боғановат гардонидаанд. Дар байни онҳо ҳамаи ҷилдҳои энсиклопедияҳои советии тоҷик, энсиклопедияҳои адабиёт ва санъати тоҷик, даҳҳо донишномаю китобҳои нодир, фарҳангҳо, садҳо асарҳои арзишманди бебаҳо, мактубҳои зиёди олимону адибон, журналистону мактабиёни тоҷику хориҷӣ ки қимати бузурги илмӣ, адабӣ, фарҳангӣ ва таълиму тарбиявӣ доранд, дар ду ҳуҷра маҳфуз мебошанд.
Ростӣ, ман ҳам мисли дигарон дар ташвишу фикру ҳарос мебошам.
Мисол. Чанд сол пеш, рӯзе аз кор баргаштам, дидам ки ду китобе даридаю дар фарш партофта шудаанд. Бинам, китоби «Китоб – ут – таҳфим» - и Абурайҳони Берунӣ ва «Наводири зиёия» - Садри Зиё мебошанд. Китобҳои мазкурро гирифта, варақҳои дарондаашонро ҷо ба ҷо кардаму сабаб пурсидам. Маълум гашт, ки меҳмоне аз шаҳри Душанбе пас аз тамошои китобхона барои аз гиря бозмондани писарчааш ин ду китоби нодирро барои ором намудани кӯдакаш додаасту аз қадру қимати ин китобҳо бедарак.
Дар он солҳои ҷанги таҳвилӣ низ бо вуҷуди муҳри расмиву варақчаҳои бақайдгирии (карточкаҳо) махсус доштани китобхонаам, бисёр китобҳоро шахсони алоҳида бурда, барнагардониданд.
Воқеан, баъди сари шахс китобхонаи шахсии ӯ дар чӣ ҳол мемонад?!
Хулоса, масъалаи китобу китобхонаҳои бузурги шахсӣ зимни ҳифзу истифодабарӣ тадбирҳои муҳимро тақозо доранд.
Амир Сайиди МУНКӢ,
адиб, узви Иттифоқи нависандагони Тоҷикистон, ноҳияи Ховалинг


Баёни ақида (0)    Санаи нашр: 29.03.2017    №: 66    Мутолиа карданд: 603
02.04.2020


МАШВАРАТИ КОРИИ МУОВИНИ РАИСИ МАҶЛИСИ НАМОЯНДАГОН БО ВАКИЛОНИ МАРДУМӢ

ҶАВОНОНИ ТОҶИКОБОД БА САФИ ҚУВВАҲОИ МУСАЛЛАҲ ПАЙВАСТАНД

САЙЁҲӢ. ТАШКИЛИ 12 ХАТСАЙРИ НАВ

ШИРКАТИ 42 ЛЕГИОНЕР ДАР ЧЕМПИОНАТИ НАВБАТИИ ТОҶИКИСТОН

СУТ РАСМАН ДАР ТОҶИКИСТОН НАБУДАНИ КОРОНАВИРУСРО ТАСДИҚ НАМУД

ГАРДИШИ МОЛ МИЁНИ ТОҶИКИСТОН ВА КИШВАРҲОИ СҲШ АЗ НИМ МИЛЛИАРД ДОЛЛАР БОЛО РАФТ

АРАБИСТОНИ САУДӢ: "АЗ САФАР БА ҲАҶ ХУДДОРӢ КУНЕД!"

СОКИНИ 101 - СОЛАИ НИДЕРЛАНД АЗ COVID-19 ҶОН БА САЛОМАТ БУРД

Ҷаҳон дар як сатр

01.04.2020


ХАТЛОН. ҶОИЗА БАРОИ МУҲАҚҚИҚОНИ ИЛМҲОИ ТАБИАТШИНОСӢ ВА ДАҚИҚ

СУҒД. БЕШ АЗ 30 КОРХОНАИ ИСТЕҲСОЛИ ОРДУ РАВҒАН

НУФУЗИ САЙЁҲИИ ТОҶИКИСТОН МЕАФЗОЯД

ФАЪОЛИЯТИ ҲУҚУҚЭҶОДКУНӢ БА МАРҲИЛАИ СИФАТАН НАВ ВОРИД ШУД

«ҚАҲРАМОНИ АБАДӢ - ТЕМУРМАЛИК» ДАР ҶУМҲУРИИ КОРЕЯ БА ТАБЪ РАСИД

ТОКИО. САНАИ БАРГУЗОРИИ БОЗИҲОИ ОЛИМПӢ МАЪЛУМ ШУД

ТАНТАНАҲОИ НАВРӮЗӢ ДАР ЛАХШ

ҲИФЗИ МУҲИТИ ЗИСТ. ИҶРОИ БАРНОМА МУҲОКИМА ГАРДИД

СУТ: 165 ҲАЗОР БЕМОРИ COVID-19 ШИФО ЁФТ

ЧИН БАРОИ ПЕШГИРӢ АЗ КОРОНАВИРУС БА ТОҶИКИСТОН АФЗОРИ ЗАРУРӢ ФИРИСТОД

ДАР УХАН БЕШ АЗ 60 БЕМОРХОНА БА НИЗОМИ МУҚАРРАРИИ ФАЪОЛИЯТ БАРГАШТ

ТАБИБОНИ ОЛМОНӢ 16 ҲАЗОР БЕМОРРО АЗ КОРОНАВИРУС НАҶОТ ДОДАНД

ПУТИН ВА ТРАМП НАРХИ КУНУНИИ НАФТРО БА МАНФИАТИ ДУ КИШВАР СОЗГОР НАМЕШУМОРАНД

ДАР ТУРКМАНИСТОН ИСТИФОДАИ КАЛИМАИ КОРОНАВИРУС МАНЪ ГАШТ

Ҷаҳон дар як сатр

31.03.2020


РОҒУН. ВАРЗИШ РӮ БА РУШД ДОРАД

КОРРУПСИЯ РОҲБАРИ АССОТСИАТСИЯРО БА КУРСИИ АЙБДОРӢ НИШОНД

ОДАМКУШӢ. ХУШУНАТИ ОИЛАВИЕ, КИ БО МАРГ АНҶОМ ШУД

ДУЗДӢ. ГУМОНБАР БОЗДОШТ ГАРДИД

Ҷаҳон дар як сатр

РОССИЯ РОҲИ ТАБОБАТИ КОРОНАВИРУСРО ПАЙДО КАРД

ДАР ҚИРҒИЗИСТОН НАХУСТИН БЕМОРОНИ ВИРУСИ НАВ ШИФО ЁФТАНД

ПУТИН ВА ТРАМП МАСОИЛИ COVID-19 ВА НАРХИ НАФТРО БАРРАСӢ НАМУДАНД

ИНДУСТРИЯИ МӮДИ ИТАЛИЯ РӮЗЕ 1,5 МИЛЛИОН НИҚОБИ ТИББӢ ХОҲАД БАРОВАРД

30.03.2020


"АЗ НАВРӮЗ ТО НАВРӮЗ"

БӮСТОН. АВЛАВИЯТ БА РУШДИ САНОАТ


Дар сомонаҳои дигари Тоҷикистон хонед