logo

иқтисод

СОҲИБКОРОНИ РОСТОВ: "ТОҶИКИСТОН АЗ НИГОҲИ ЗАХИРАҲО БЕҲТАРИН МИНТАҚАИ САНОАТИЮ ТИҶОРАТИСТ"

Фазои мусоиди сармоягузорию соҳибкорӣ, хусусан имтиёзҳои зиёди соҳа дар минтақаҳои озоди иқтисодии Тоҷикистон, имрӯзҳо боиси ҳавасмандии бештари ширкатҳои тиҷоратию саноатӣ барои фаъолият дар кишвар гаштааст. Ширкатҳои зиёди  мамлакатҳои гуногуни ҷаҳон дар гӯшаю канори ҷумҳурӣ ба истеҳсолот ва тиҷорат машғул буда, сол аз сол домани фаъолияти худро васеъ месозанд. Давоми соли гузашта нисбат ба соли 2015 сармоягузории мустақими хориҷӣ ба Тоҷикистон 48, 5 миллион доллари ИМА ё 15 дарсад афзудааст.

28 марти соли равон дар Палатаи савдо ва саноати мамлакат  соҳибкорони вилояти   Ростови  Федератсияи Русия  зимни вохӯрӣ бо доираҳои тиҷоратию  иқтисодии кишвар  изҳор доштанд, ки аз лиҳози имкониятҳои маъмурию андозӣ ва захираҳои табиӣ Тоҷикистон яке аз беҳтарин минтақаҳои саноатию тиҷоратӣ мебошад.
Ба гуфтаи Юрий Шекатурин, директори ташкилоти «Маркази дастгирии содирот» - и вилояти Ростов,  соҳибкорони русиягӣ   омодаанд, ки дар доираи ҳамкорӣ дар мамлакат, бавижа минтақаҳои озоди иқтисодӣ, фаъолияти хешро ба роҳ монанд.
- Мулоқоти навбатии мо гувоҳи он  аст, ки   дар  вохӯриҳои гузашта, соҳибкорону намояндагони иқтисодии Ростов   Тоҷикистонро барои тиҷорату истеҳсолот  кишвари муносиб дарёфтанд  ва ҳоло мехоҳанд фаъолияташонро   дар он густариш бахшанд. Чунин дидору суҳбатҳои дуҷонибаи соҳибкорони ду кишвар  ҷиҳати пайдо кардани шарикони ҳамкор ва гузоштани заминаҳои устувори муносибатҳо  имконияти васеъ фароҳам меорад, - иброз дошт ӯ.
Манзура Рустамова, муовини  раиси Палатаи савдо ва саноат, гуфт, ки айни замон палата бо бахшҳои иқтисодию тиҷоратии  Федератсияи Русия барои фаъолияти муштараки корхонаҳои саноатӣ   беш аз 100 созишномаи ҳамкорӣ  ба имзо расондааст. Дар заминаи қарордодҳои мазкур зиёда аз 300 ширкати тиҷоратӣ   низоми  харид ва интиқоли маҳсулоти Тоҷикистонро  ба гӯшаю канори Русия роҳандозӣ намуданд.  Ташкили намоишгоҳҳои бузурги маҳсулот,  ҳамоишҳо, вохӯрии соҳибкорони ду кишвар ва таъсиси марказҳои пешбурди савдо дар шаҳру навоҳии ҷумҳурӣ ба пешрафти муносибатҳои тиҷоратии соҳибкорону  ташкили корхонаҳои муштарак мусоидат намудааст.
Дар ҷараёни вохӯрӣ намояндагони ширкатҳои «Дил - Лоджик»  дар соҳаи тамғагузорию захираи  маҳсулот,  «Еврологистик» доир ба хизматрасонии воситаҳои нақлиёт,  «Интер - Транс»  барои боркашонӣ,  «СИЭЛ» дар самти истеҳсоли таҷҳизоти электрикӣ ва «РОСТ»  дар соҳаи тавлиди шишачаҳои доруи ҳайвонот бо соҳибкорони тоҷик муколамаи судбахш анҷом доданд. 
Ташрифулло САЪДУЛЛОЕВ,  «Ҷумҳурият»


Баёни ақида (0)    Санаи нашр: 30.03.2017    №: 67    Мутолиа карданд: 347

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд

Мулоқоти Зубайдулло Зубайдзода бо Амал Муҷрин ал - Ҳамад

Конференсияи гиромидошти Бобоҷон Ғафуров

Путин ва Абэ дар асоси қатъномаи соли 1956 гуфтушунид хоҳанд кард

Таҳлилгарони Nomura сустшавии суръати рушди иқтисоди ҷаҳониро пешгӯӣ намуданд

Frontex: ба Аврупо омадани гурезаҳо 31 дарсад коҳиш ёфт

Назарбоев соли 2019-ро Соли ҷавонон эълом дошт

Ҷаҳон дар як сатр

14.11.2018


Вусъати корҳои ободонӣ дар ноҳияи Восеъ

Ҷамъоварии $482 миллион ба ёрии мардуми Ироқ

Назарбоев ташкили Созмони амнияти дастаҷамъии Осиёро пешниҳод дорад

Ҷонибдории Ангела Меркел аз ташкили артиши ягонаи аврупоӣ

Дар Тошканд Ҳафтаи соҳибкории глобалӣ шурӯъ шуд

Ҷаҳон дар як сатр

ЧЕМПИОНАТИ ҶАҲОН – 2018. Иштироки се бонуи муштзани тоҷик

БОНКИ МИЛЛӢ. Иқдоми наҷиб

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид

БӮСТОН. Таҷдиди шуъбаи урология

ВАҲДАТ. 5 иншооти ҷашнӣ ба истифода дода шуд

ЁВОН СИМОИ ТОЗА МЕГИРАД

НОҲИЯИ ШАМСИДДИНИ ШОҲИН. Кӯшишҳо самар медиҳанд

"Дар ин дунё Карим Девонае буд"

Ҳузури бераводиди тоҷикистониён дар Туркия 3 баробар дароз шуд

Аврупо дар бозёбии партовҳои уран дар Тоҷикистон саҳм мегирад

Москва аз ҷумлаи даҳ шаҳри беҳтарини дунёст

Гунаҳгорони ҳалокати 52 ӯзбекистонӣ зиндонӣ шуданд

Чин дар ҷаҳон калонтарин воридкунандаи газ

Ҷаҳон дар як сатр

ҚУБОДИЁН. 48 медали варзишгарон дар нуҳ моҳ

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад


Дар сомонаҳои дигари Тоҷикистон хонед