logo

маориф

МУЪМИНОБОД. МАКТАБИ МУСИҚӢ БА ДАСТГИРӢ НИЁЗ ДОРАД

Ҳамасола аз ҷониби Ҳукумати кишвар теъдоди зиёди муассисаҳои наву замонавӣ бавижа мактабу литсей ва қасрҳои фарҳанг сохтаву мавриди истифодаи умум қарор дода мешаванд.

Бо вуҷуди ин, теъдоди зиёди муассисаҳои фарҳангие низ ҳастанд, ки аз назари масъулони навоҳии кишвар дур мондаю рӯ ба нестӣ оварда истодаанд.
Мактаби бачагонаи мусиқии ноҳияи Муъминобод аз соли 1975 - ум фаъолият намуда, теъдоди зиёди мутахассисонро дар соҳаи фарҳангу мусиқӣ омода намудааст. Имрӯз ҳеҷ кас аз он ёд намекунаду бинои муассиса ба харобазор табдил ёфтааст. Норасоии ҷойҳои нишаст, мизу курсӣ, синфхонаҳо ва асбобҳои мусиқӣ аз зумраи мушкилотест, ки хонандагону омӯзгорони ин муассисаро ба ташвиш овардааст.
Рамазон Саидов, директори муассисаи мазкур, мегӯяд, ки «Барои ҳалли мушкилот борҳо ба раиси ноҳия бо мактуб муроҷиат кардем. Дар мактубҳо сабабҳои ба чунин ҳолат афтодани муассисаро баён намудем. Мутаассифона, аз ҷониби мақомоти иҷроияи маҳаллии ҳокимияти давлатӣ ҳеҷ вокунише ба миён наомад. Дар мактаб танҳо як асбоби мусиқӣ боқӣ мондааст, он ҳам пианино мебошад. Дар муассиса 15 нафар омӯзгор ба 146 нафар толибилм дарс мегӯянд. Барои шогирдон бошад, теъдоди муайяни асбоби мусиқӣ лозим аст. Айни ҳол ин мушкилиро худи хонандагон ва волидони онҳо ҳал намуда истодаанд. Аммо асбобҳое низ ҳастанд, ки ба харидории онҳо на имконияти волидон мерасаду на маъмурияти мактаб».
Феълан бинои муассиса дар бинои собиқ таваллудхонаи ноҳия  қарор дорад, ки барои гузарондани машғулиятҳо мувофиқ нест. Аз норасоии синфхонаҳо як қатор омӯзгорон машғулиятҳоро дар бинои муассисаҳои таҳсилоти миёнаи умумии рақамҳои 2 ва 50, хонаи ятимон ва бепарасторони ноҳия ва бинои бахши фарҳанг мегузаронанд.
Р. Саидов иброз медорад, ки шумораи зиёди волидон барои маълумоти мусиқӣ гирифтани фарзандонашон дари мактабро мекӯбанд. Бо сабаби надоштани шароити мусоид талаботи онҳо қонеъ гардонда намешавад.
Новобаста аз камбудию нуқсонҳои ҷойдошта омӯзгорону хонандагони ин даргоҳи ҳунар дар тамоми чорабиниҳои ноҳиявӣ, вилоятӣ ва ҷумҳуриявӣ фаъолона ширкат меварзанд.
Сорбони Ҷӯрахон, аз хонандагони муассиса, ки дар синфи 3 - юм бо тахассуси  рубоб ҳунар меомӯзад, мегӯяд, ки мушкили асосии онҳо надоштани ҷой барои гузарондани машғулиятҳои инфиродӣ ва тамрин мебошад. «Мо дар як синфхонаи хурди назарногир таълим мегирем. Он ҳам бошад, деворҳояш кафида. Дар ноҳияи дурдасти мо дастрас намудани асбобҳои хушсифат мушкили дигар мебошад. Шароити аз пойтахт овардани асбоби хушсифатро на ҳар хонанда дорад. Бинобар ин, бо асбобҳои фарсуда машқ мекунем», - мегӯяд С. Ҷӯрахон.
Бинобар иттилои Нурулло Аврангов, мудири бахши фарҳанги ноҳияи Муъминобод, мушкилоти мазкур ба набуди маблағ вобаста аст. «Ба ҳама маълум аст, ки фаъолияти муассиса ба талабот ҷавобгӯ нест. Аммо ин маънои онро надорад, ки дар ноҳия ба мушкилоти муассисаи мазкур аз паси панҷа менигариста бошанд. Барои сохтани бинои замонавӣ  ва ё таъмири бинои ҳозираи он маблағи калон лозим аст. Мо айни замон ин гуна маблағро надорем. Дарёфти маблағ ва ба мушкилоти муассиса рӯ овардани мақомоти ҳокимияти давлатӣ кори вақт аст», - гуфт ҳини суҳбат Н. Аврангов. 
Дар минтақа ба чунин муассисаҳои фарҳангӣ ниёз доранд. Зарур аст, ки дар роҳи ҳифз ва равнақи онҳо аз тамоми имкониятҳо истифода барем.
Исломи РАҶАБАЛӢ, рӯзноманигор


Баёни ақида (0)    Санаи нашр: 30.03.2017    №: 67    Мутолиа карданд: 813

24.06.2019


Президенти Филиппин моҳи октябр ба Россия меояд

Трамп бо Эрон омодаи гуфтушунид буданашро тасдиқ намуд

Дар Ҳиндустон афтидани хайма боиси марги 14 нафар шуд

СУҒД. Оғози мусобиқаи байналмилалӣ

"ФИЛОСОФИЯ ОТДЫХА" имкониятҳои сайёҳии Тоҷикистонро таҳлил намуд

Ҷаҳон дар як сатр

21.06.2019


Мулоқоти Хайринисо Юсуфӣ бо Валериу Кивер

Ҳамоиш бахшида ба таъмини устувории макроиқтисодӣ

Муаррифии натиҷаҳои фаъолият дар самти безараргардонии башардӯстонаи минаҳо

20.06.2019


Гумерова: «Омӯзгорони рус дар Тоҷикистон мондан мехоҳанд»

СММ: «Ҳиндустон дар нуфуси аҳолӣ баъди 8 сол аз Чин мегузарад»

Пекин тавсеаи ёрии иқтисодӣ ва башарӣ ба Сурияро зарур мешуморад

Дар Ҷопон ҷазои ҷисмонии кӯдаконро манъ карданд

Ҷаҳон дар як сатр

19.06.2019


Дар Кӯлоб Фестивали ҷумҳуриявии дӯстии ҷавонон баргузор шуд

Баррасии вазъ ва дурнамои ҳамкориҳо

Боздид аз Муассисаи давлатии «Боғи миллии Ваҳдат”

ПАНҶАКЕНТ. Омодагиҳо ба ҷашни фархунда

Писарбачаи тоҷик дар Хабаровск дӯсташро аз чоҳи оби ҷӯш наҷот дод

Тоҷикистону Беларус: «Муҳокимаи тақвияти ҳамкориҳои низомӣ»

Си Ҷинпин азми сафари Ҷумҳурии Халқии Демократии Корея дорад

Ҷаҳон дар як сатр

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад


Дар сомонаҳои дигари Тоҷикистон хонед