logo

иқтисод

ГУМРУК. ЯК МАВЗӮИ МУҲИМ

Фаъолияти озмоишгоҳи гумрукии марказӣ барои мусоидат ба таъмини декларатсиякунонии пурра ва дурусти молҳои ҳассос равона шуда, дар чаҳорчӯбаи Кодекси гумруки Ҷумҳурии Тоҷикистон, Қонуни Ҷумҳурии Тоҷикистон “Дар бораи экспертизаи давлатии судӣ” ва дигар санадҳои меъёрии ҳуқуқӣ роҳандозӣ мешавад. Санҷиши молҳое, ки монандкунии онҳо экспертизаи гумрукиро талаб мекунанд, ба дӯши ин озмоишгоҳ гузошта шудааст. Таҳлили ҳуҷҷатҳои дастрасшуда нишон медиҳанд, ки соли 2016 дар 30%-и ҳолат нисбат ба 18 намуди моли профили таваккал бе таъйини экспертиза боҷи гумрукии минималӣ, яъне 5%-а татбиқ шудааст.
- Таҳлили бозор нишон медиҳад, ки ҳиссаи намудҳои мухталифи молҳои гурӯҳи таваккал, ки дар нуқтаҳои савдои шаҳру ноҳияҳои мамлакат вомехӯранд, ба маълумоти омории гумрук дар аксари мавридҳо мувофиқат намекунанд.  Ин шаҳодати он аст, ки ҳангоми барасмиятдарории гумрукии молҳои профили таваккал то ҳол суистифода аз вазифаҳои хизматӣ ҷой дорад, инчунин саркашӣ аз  пардохтҳои гумрукӣ дида мешавад, - мегӯяд  сардори озмоишгоҳи гумрукии марказии Хадамоти гумрук  Мансур Саидов.
Чунончи, аз дидбонгоҳи гумрукии “Ҳисор” - и раёсати дар шаҳри Турсунзодабуда қарорҳо оид ба таъйини экспертиза барои муайян кардани рамзи молии маводи ба суроғаи “Комбинати металлургии Тоҷик” ва ҶДММ “АО Санг” ворид гардиданд. Маълум гардид, ки аз Ҷумҳурии Мардумии Чин ба суроғаи “Комбинати металлургии тоҷик” 294016 тонна хокаи ба оташ тобовар ворид ва дар мавқеи молии 3824 тасниф шудааст. Натиҷаи тадқиқоти озмоишгоҳ собит сохт, ки маводи мазкур хокаи ба оташ тобовар буда, дар рамзи молии 3816 тасниф мешавад ва бояд аз он андоз ва боҷҳои гумрукӣ ба пуррагӣ ситонда шавад. Дар асоси хулосаи озмоишгоҳи гумрукии марказӣ аз ҷониби ширкати мазкур ба буҷети давлат 637012 сомонӣ пардохт гардид. Ё ин ки 65 тонна тахтасанги ба суроғаи ҶДММ “АО Санг” воридшуда, дар ҳуҷҷатҳои роҳбаладӣ рамзи молии 2512 сабт гаштааст, ки аз он боҷи ҳадди ақалли 5%-а гирифта мешуд.  Экспертиза ошкор кард, ки тахтасанг аз санги оҳакдор буда, дар мавқеи молии 6802 қарор дошта, аз он боҷи ҳадди ниҳоии 15%-а гирифта шавад. ҶДММ “АО Санг” ба буҷет 84921 сомонӣ пардохти гумрукӣ супурд.
ҶДММ “Амазон” 108406 тонна нӯшокиҳои беалкоголро ворид намуда,  бо рамзи молии 2202 (ҳамчун нӯшокиҳои обии бо консентранти мевагӣ ранг ва хушбӯйкарда) ҳуҷҷатҳо пешниҳод намуд. Тадқиқоти озмоишгоҳ муайян сохт, ки нӯшокиҳо дар таркибаш ҳамагӣ 40% афшураи меваи табиӣ дошта, ба рамзи молии 2009 тааллуқ доранд. Ширкат барои нодуруст декларатсия кардани мол  ба буҷети ҷумҳурӣ 278118 сомонӣ пардохти гумрукӣ супурд.
Озмоишгоҳи гумрукии марказӣ ба мақсади пурзӯр  намудани назорат оид ба пурра ва дуруст ситондани боҷу хироҷи гумрукӣ ва муайян кардани рамзи дурусти молҳо семинарҳои амалӣ мегузаронад, ки ба пешравии кор ва беҳтар гаштани натиҷаҳо мусоидат мекунад.
Дар аксар ҳолатҳо молҳои профили таваккалӣ таҳияшаванда аз ҷониби нозирони барасмиятдарор ва мутахассисон оид ба пур намудани эъломияи гумрукӣ, ба назар гирифта намешаванд, ки боиси кам ситондани пардохтҳо ба буҷет мегардад, - гуфт Мансур Саидов.
Мирзои ФИРӮЗ,  “Ҷумҳурият”


Баёни ақида (0)    Санаи нашр: 03.04.2017    №: 69    Мутолиа карданд: 420

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид

ТОҶИКИСТОНУ ӮЗБЕКИСТОН. Гардиши савдо ду баробар афзуд

Тоҷикистон миёни кишварҳои ИДМ ба афзоиши баландтарини ММД муваффақ гашт

Дар Тошканд конфронси байналмилалӣ оид ба Осиёи Марказӣ баргузор мегардад

Қасри сафед: "Музокироти тиҷоратӣ дар Пекин ба пешравӣ мусоидат кард"

Трамп мехоҳад ҷангиёни «Давлати исломӣ» - ро ба Аврупо барои суд кардан баргардонад

Кумитаи амнияти иттилоотии Қазоқистон беш аз 90 сомонаи хавфнокро ошкор сохт

Ҷаҳон дар як сатр

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд


Дар сомонаҳои дигари Тоҷикистон хонед