logo

сиёсат

СИРОҶИДДИН АСЛОВ: "РАВОБИТИ ТОҶИКИСТОНУ ПОКИСТОН ТАВСЕА МЕЁБАД"

Ҷумҳурии Исломии Покистон тасмим гирифтааст, ки барои барқарор намудани инфрасохтори манотиқи аз офати табиат, бахусус тармарезиҳои моҳи феврал зарардидаи Тоҷикистон ба маблағи  5 миллион доллар кумак расонад.

Дар ин бора Тариқ Иқбол Сумро, сафири фавқулода ва мухтори Ҷумҳурии Исломии Покистон дар ҳамоише бахшида ба Рӯзи миллии ин кишвар иттилоъ дод. Ин чорабинӣ 29 март дар меҳмонхонаи  «Ҳаят реҷенсӣ»-и шаҳри Душанбе бо иштироки Сироҷиддин Аслов, вазири корҳои хориҷии мамлакат ва дигар намояндагиҳои корпуси димломатӣ  баргузор гардид.
Вазири корҳои хориҷии Ҷумҳурии Тоҷикистон бо тавсиф аз муносибатҳои неку ҳасанаи ду кишвар изҳор дошт, ки феълан мо шоҳиди тавсеаи беш аз пеши равобити дӯстона ва дастовардҳои арзишманди ҳамкориҳои дуҷониба ва бисёрҷонибаи Тоҷикистону Покистон ҳастем. Зикр шуд, ки дар доираи таҳкими равобити судманди ду давлати ба ҳам дӯст татбиқи лоиҳаҳои гуногун, аз ҷумла дар бахши энергетика нақши муҳим бозидаанд. Намунаи беҳтарини ҳамкориҳо дар ин бахш татбиқи тарҳи CASA – 1000 арзёбӣ шуд, ки 12 майи соли 2016 дар шаҳри Турсунзода бо иштироки Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, Сарвазири Ҷумҳурии Исломии Покистон Муҳаммад Навоз Шариф, Раиси иҷроияи Ҳукумати ваҳдати миллии Ҷумҳурии Исломии Афғонистон Абдулло Абдулло ва Сарвазири Ҷумҳурии Қирғизистон Соронбой Жээнбеков оғоз ёфт. Лоиҳаи мазкур барои банақшагирӣ ва татбиқи як қатор тарҳҳои инфрасохторӣ заминаи мусоид фароҳам оварда, дар рушду устувор гардондани муносибат ва ҳамкориҳои иқтисодии кишварҳои минтақа саҳми арзишманд хоҳад гузошт.
Қобили зикр аст, ки 6 июни соли 1992 байни Ҷумҳурии Тоҷикистон ва Ҷумҳурии Исломии Покистон муносибатҳои дипломатӣ ба роҳ монда шуданд. Соли 1993 Ҷумҳурии Исломии Покистон дар Ҷумҳурии Тоҷикистон сафорати худро боз намуд ва фаъолияти он аз ибтидои соли 1994 шурӯъ гардид. 23 феврали соли 2005 Сафорати Ҷумҳурии Тоҷикистон дар Ҷумҳурии Исломии Покистон ба фаъолият оғоз кард. Дар ин давра байни ду кишвари дӯст зиёда аз 30 санади меъёрии ҳуқуқӣ ба имзо расид.
Мунаввари САФАР, «Ҷумҳурият»


Баёни ақида (0)    Санаи нашр: 03.04.2017    №: 69    Мутолиа карданд: 374

21.01.2019


Фестивали байналмилалии «Наврӯз – мероси фарҳангии сайёҳӣ» баргузор хоҳад шуд

"Парасту - 2019" – ҷашнвораи ҷумҳуриявии театрҳои касбӣ

ҶАҲОН ДАР ЯК САТР

Баргузории ҷашнвораи байналмилалии «Рӯзи барф» дар Калуга

Дар Арабистони Саудӣ ҷалби бонувон ба корҳои ҷамъиятӣ меафзояд

Соли 2018 прокуратураи Қазоқистон ба буҷети кишвар $90 миллион талофӣ кард

Дар Тошканд хазинаи қадима ёфт шуд

Дороии 26 шахси сарватмандтарини дунё ба даромади 3,8 миллиард ниёзманд баробар аст

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар


Дар сомонаҳои дигари Тоҷикистон хонед