logo

ҳуқуқ

АМНИЯТИ МИЛЛӢ. АНДЕШИДАНИ ТАДБИРҲОИ САРИВАҚТӢ ТАҚОЗОИ ЗАМОН АСТ

Вазъи ҷамъиятию сиёсӣ ва низомӣ дар вилоятҳои ба Ҷумҳурии Тоҷикистон ҳамсарҳади Ҷумҳурии Исломии Афғонистон, бахусус дар вилоятҳои Балху Қундуз ва Тахору Бадахшон бинобар афзоиш ёфтани фаъолияти созмонҳои ифротгароӣ ва гурӯҳҳои террористӣ, идомаи задухӯрдҳои мусаллаҳона миёни дастаҳои тахрибкор ва қувваҳои ҳукуматии ин кишвар дар минтақаҳои ҳаммарз бо Тоҷикистон, инчунин, муомилоти маводи мухаддир аз тарафи қочоқбарони афғон, то ҳол мураккаб боқӣ мемонад.

Ин матлабро Миралӣ Розиқов, намояндаи Қӯшунҳои сарҳадии Кумитаи давлатии амнияти миллии Ҷумҳурии Тоҷикистон, дар конфронси илмию амалӣ, ки бо ибтикори Маркази тадқиқоти стратегии назди Президенти мамлакат таҳти унвони «Мушкилоти амнияти Осиёи Марказӣ: омилҳои минтақавӣ ва таҳдидҳои нав» баргузор гашт, ироа намуд. Мавсуф, ки мавзӯи «Вазъи сарҳади давлатии Ҷумҳурии Тоҷикистон бо Ҷумҳурии Исломии Афғонистон»-ро ба меҳвари баҳс кашида буд, изҳор намуд, ки ниҳодҳои ҳифзи ҳуқуқ ва қудратии Ҷумҳурии Исломии Афғонистон, пеш аз ҳама, политсияи сарҳадии Вазорати умури дохилии ин кишвар барои аз нуфузи гурӯҳҳои Толибон пок сохтани вилоятҳои зикршуда ва барбод додани нақшаҳои тарҳрезинамудаи онҳо муборизаро давом дода истодаанд. 
Дар ҳамоиш, ки олимону коршиносони масоили сиёсию амниятӣ, намояндагони корпусҳои дипломатии кишварҳои Осиёи Марказӣ ва Федератсияи Русия дар Ҷумҳурии Тоҷикистон, вазорату идораҳои дахлдор, созмонҳои ҷамъиятӣ ва доираи васеи хабарнигорони дохилию хориҷӣ иштирок доштанд, паҳлуҳои гуногуни марбут ба мушкилоти амниятӣ дар минтақаи Осиёи Марказӣ мавриди таҳлил ва баррасӣ қарор гирифтанд. Таъкид шуд, ки зуҳури баъзе равандҳои номатлуби замони муосир, ба мисли терроризми байналмилалӣ, ифротгароии динӣ, гардиши ғайриқонунии  маводи мухаддир ва дигар ҷиноятҳои фаромиллӣ на танҳо ба амният ва суботи минтақа, балки ҷаҳон таҳдид менамояд.
Хуршед Шозедов, намояндаи Вазорати мудофиаи кишвар, ки дар мавзӯи «Сенарияҳои эҳтимолии инкишофи вазъият дар Афғонистон ва таъсири он ба амнияти минтақавӣ» суҳбат мекард, бо такя ба маводи расмӣ, вазъи ҳарбӣ-сиёсии Ҷумҳурии Исломии Афғонистонро таҳлил намуда, иброз дошт, ки сенария ё раванди инкишофи минбаъдаи вазъиятро дар кишвари ҳамсоя пешгӯӣ кардан мушкил аст. Зеро таҳлили фаъолияти гурӯҳҳои радикалӣ-экстремистӣ нишон медиҳад, ки бо фарорасии фасли гармо ҷангиён саъю талоши худро барои зери назорат даровардани якчанд маркази маъмурии минтақавӣ равона месозанд. Ҳамзамон, фаъолияти гурӯҳҳои террористию экстремистӣ дар шимоли ин кишвар фаъол мегардад, ки ин раванд андешидани тадбирҳои саривақтии минтақавиро тақозо дорад.
Прокурори Раёсати муқовимат ба терроризм, экстремизм ва назорати иҷрои қонунҳо дар самти амнияти миллии Прокуратураи генералӣ Шоҳин Талбакзода таваҷҷуҳи иштирокдорони ҳамоишро ба мавзӯи «Нақши мақомоти прокуратура дар пешгирии таҳдидҳои навин ба амнияти миллӣ дар шароити ҷаҳонишавӣ» ҷалб намуда, зикр кард, ки гаравидани наврасону ҷавонон ба созмону ҳаракатҳои ифротӣ, чи дар дохил ва чи дар хориҷи кишвар, аз ҷумла ба равияи динии манъшудаи «Салафия» ба манфиатҳои миллӣ хатар эҷод менамояд. Ба андешаи ӯ, олимони диншинос ва коршиносони соҳа бояд сабабҳои афзоиш ва шиддат гирифтани таъсири ғояҳои ифротӣ, баланд бардоштани нақши ақоиди анъанавӣ, дунявӣ ва диниро бори дигар, бо назардошти равандҳои муосир, мавриди омӯзиш ва таҳлил қарор диҳанд.
Дар конфронс, инчунин, самтҳои муҳимтарини таъмини амнияти минтақавӣ дар Осиёи Марказӣ дар шароити ҷаҳонишавӣ, омилҳои минтақавии проблемаи амният ва таҳдидҳои нави муосир, аз қабили тафаккури ифротгароӣ ва тундгароӣ, мубориза бо фаъолияти гурӯҳи «Давлати исломӣ» ҳамчун самти асосии таъмини амнияти минтақавӣ, шабакаҳои иҷтимоӣ ҳамчун омили паҳнкунии ғояҳои радикализми динӣ ва ифротгароӣ дар доираи амнияти минтақавӣ ва усулҳои мубориза бо онҳо, қочоқи маводи мухаддир ҳамчун омили таҳдиди минтақавӣ баррасӣ ва таҳлил шуданд. Перомуни масъалаҳои рафъи мушкилоти мавҷуда дар таъмини амнияти минтақа, ҳалли мусолиҳатомези муноқишаи Афғонистон, ҳамкориҳои мақомоти қудратӣ ва ҳифзи ҳуқуқи кишварҳои Осиёи Марказӣ дар самти мубориза бар зидди терроризми байналмилалӣ, ифротгароии динӣ ва дигар мавзӯъҳои муҳим мубодилаи афкор сурат гирифт.
Додоҷон РӮЗИЕВ, «Ҷумҳурият»


Баёни ақида (0)    Санаи нашр: 05.04.2017    №: 70    Мутолиа карданд: 739
10.07.2020


ТОҶИКИСТОН. АЗ COVID – 19 БОЗ 56 КАС ШИФО ЁФТ

41 000 СОМОНӢ БАРОИ МУБОРИЗА БО COVID – 19

ҚОҲИР РАСУЛЗОДА АЗ ШАҲРИ НОРАК ВА НОҲИЯИ ЁВОН ДИДАН НАМУД

ХОРУҒ. РӮ БА РУШД

ҶОМИ КФО – 2020. БОЗИҲОИ МАРҲИЛАИ ГУРӮҲӢ ДАР ТОҶИКИСТОН ДОИР МЕШАВАД?

09.07.2020


ТОҶИКИСТОН. ШУМОРАИ ШИФОЁФТАГОН АЗ COVID – 19 АЗ 5000 ГУЗАШТ

«ОИЛА, КӮЧА, МАҲАЛЛА, ДЕҲА, ДЕҲОТ ВА ШАҲРАКИ БЕҲТАРИН». ОЗМУНЕ, КИ СОКИНОНИ СУҒДРО БА ОБОДОНӢ ТАЛҚИН МЕКУНАД

ДУШАНБЕ. ТАҲТИ РАЁСАТИ АЗИМ ИБРОҲИМ ҶАЛАСАИ КОРӢ БАРГУЗОР ШУД

ШАҲРИ ТУРСУНЗОДА. КОРҲОИ ФАҲМОНДАДИҲӢ САМАР ДОРАНД

«ОВОЗИ САМАРҚАНД» КИТОБҲОИ ХУДРО РӮНАМОӢ КАРД

ВАНҶ. ОБ АСТ, КИ ОБОДИСТ

ТАБИБОНИ ЛАХШ: «ҒАМХОРИҲОИ ПЕШВОИ МИЛЛАТ БА МО НЕРУ МЕБАХШАД»

ФУТЗАЛ. БОЗИИ СУПЕРҶОМИ ТОҶИКИСТОН – 2020 КАЙ БАРГУЗОР МЕГАРДАД?

ТАЪКИДИ СИ ҶИНПИН АЗ ЗАРУРАТИ ҲАМКОРИИ ГУСТУРДАИ ЧИНУ РОССИЯ

ҶАҲОН ДАР ЯК САТР

08.07.2020


ИСФАРА. КОРХОНАИ ПОЙАФЗОЛДӮЗИИ «САМАНД» БА ФАЪОЛИЯТ ШУРӮЪ НАМУД

ДАР ТОҶИКИСТОН АЗ КОРОНАВИРУС 4965 БЕМОР ШИФО ЁФТ

Сафари гурӯҳи ҳукуматӣ ба ВМКБ

«МАЪРИФАТ. ВАҚТЕ КИ КИТОБХОНА ҲОЛИ ТАБОҲ ДОРАД»

ВМКБ. ВАЗИР АЗ ҶАРАЁНИ СОХТМОНҲО ДИДАН КАРД

“СОМОН ЭЙР” БА ДУБАЙ ВА МИНСК ПАРВОЗҲОИ МАХСУС АНҶОМ МЕДИҲАД

САДОҚАТИ «САДОҚАТ»

ЛИГАИ ОЛӢ. КОРШИНОСИ ВАРЗИДА САРМУРАББИИ ДАСТАИ "КӮКТОШ" ТАЪЙИН ГАРДИД

ДАР ОЛМОН БА ТАҲКИМИ МУНОСИБАТ БО РОССИЯ АВЛАВИЯТ МЕДИҲАНД

ҶАҲОН ДАР ЯК САТР

07.07.2020


ТОҶИКИСТОН. 4914 ГИРИФТОРИ БЕМОРИИ COVID – 19 ШИФО ЁФТ

БОЗГАШТИ ШАҲРВАНДОНИ ТОҶИКИСТОН АЗ ҚАЗОҚИСТОН ВА ӮЗБЕКИСТОН

FINA МЕХОҲАД МАВҚЕАШРО ДАР БО МУСТАҲКАМ НАМОЯД

СУТ БА ВАКСИНАИ РОССИЯ АЛАЙҲИ COVID - 19 ЭЪТИМОД ДОРАД ВА ДАР ИН САМТ ХОСТОРИ ҲАМКОРИСТ

ҶАҲОН ДАР ЯК САТР

06.07.2020


ТОҶИКИСТОН. ШУМОРАИ СИҲАТШУДАГОН АЗ КОРОНАВИРУС БА 4858 НАФАР РАСИД

НОҲИЯИ ДАРВОЗ. СОҲАИ ФАРҲАНГ БА ДАСТГИРӢ НИЁЗ ДОРАД

РАШТ. КИШТИ КАРТОШКА ДАР 3047 ГЕКТАР

КӮЛОБ. БА МАҲАЛЛАИ ЛОҲУТӢ ОБИ ТОЗА ОМАД

ЧЕМПИОНАТИ ТОҶИКИСТОН – 2020. ҒАЛАБАИ НАВБАТИИ "ИСТИҚЛОЛ"


Дар сомонаҳои дигари Тоҷикистон хонед