logo

фарҳанг

КУРТАИ ЧАКАНИ МАН…

Куртаи чакани ман - нақши сӯзаниҳои очаи чакандӯзам, самараи меҳнати дастони ларзону чашмони камбинаш, нишонаи  духтари тоҷик будан ва ғурури шаҳомати ман. Гӯё дар рангҳои ришта-риштаи ин пираҳан орзуву ормон ва хоставу ниятҳои неки очаи гулкорам, «ки рӯзи тӯй дида дар қади ман бишканад армон», нуҳуфтааст.
Ин куртаи алвони ман бо рангҳои ба ҳам омехтаи сурху сабз, норинҷу бунафш, кабуду гулобӣ... омадани баҳору Наврӯзро пайғом дода, гӯё гулҳояш чун гулҳои наврӯзӣ накҳати умеду зиндагиро дорад. Ин пираҳани миллӣ ба чашми ҳар бинанда завқу шавқ ва ҳисси баланди зебоипарастӣ эҳдо мекунад. Эҳсоси хушию фараҳ арзонӣ бод он бонуи азизеро, ки чакан ба бар кардааст. Имрӯзҳо хушбахтона саҳифаҳои интернетиро, ки шабакаи ҷаҳонист, аксҳои гурӯҳ-гурӯҳ духтарони чаканпӯши тоҷикро дидан мумкин аст, ки ҳамчун намоди озодагӣ ва муаррифгари халқи тоҷик ба тамошо гузошта шудааст. Бавижа, рӯзҳои баргузории Наврӯз кӯчаҳои шаҳру навоҳии кишвар ва наврӯзгоҳи пойтах моломол аз бонувони чаканпӯш мешавад, ки аз тамошояшон чашми кас серӣ намеёбад.
Мо, тоҷикон чӣ толеи накӯе дорем, ки тамоми ҷаҳониён моро бо фарҳанги бисёрсолаи ғаниямон мешиносанд. Вақте ки варзишгардухтари тоҷик Мавзуна Чориева дар Лондон бо куртаи чакан байрақи Тоҷикистонро боло мебардошт, дигар ҷойи муаррифӣ набуд. Зеро чакани ӯ худ як рамзи тоҷикону Тоҷикистон буд. Он лаҳзаҳоро танҳо нафаре метавонад эҳсос кунад, ки ҳисси баланди ватандӯстӣ дошта бошад. Он лаҳзаҳои таърихӣ, ки назари оламиён ба ин варзишгардухтари мо дӯхта шуда буд, кас фарқ намекард, ки чакан зеби Мавзуна аст ва ё Мавзуна зеби чакан.
Куртаи чакан як либоси аз муд нараванда, як пероҳани куҳнанашавандаву зебдиҳанда ва арзанда ба бонуи тоҷик аст. Гулдухтари чаканпӯши тоҷик бо он гесӯвони мушкин, қади расо, ҳусни дар зебоӣ бебаёнаш дар ҳақиқат зеби достону шеъри фаровон дорад.
ШАҲРЗОД


Баёни ақида (0)    Санаи нашр: 06.04.2017    №: 71    Мутолиа карданд: 528

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед