logo

ҳуқуқ

ҶИНОЯТҲОИ ИҚТИСОДӢ

Қочоқи бензин
Кормандони Раёсати минтақавии гумруки шаҳри Душанбе  зимни амалиёти фаврӣ – ҷустуҷӯӣ шаҳрванд Ҷ. Э. - ро ҳангоми интиқоли ғайриқонунии маҳсулоти нафтӣ дар шоҳроҳи Душанбе – Хуҷанд боздошт намуданд. Тибқи иттилои маркази матбуоти Хадамоти гумрук, ҳангоми санҷиш дар дохили зарфи махсуси (автосистернаи) воситаи нақлиёти таҳти идораи ӯ қарордошта маҳсулоти нафтие дарёфт гардид, ки ба ҳуҷҷати пешниҳодшуда мувофиқат намекунад. Тавре тафтиши пешакӣ маълум намуд, шаҳрвандон А. А., Ҷ. Э. – сокинони ноҳияи Бобоҷон Ғафурови вилояти Суғд ва дигарон барои интиқоли ғайриқонунии маҳсулоти нафтӣ – бензин аз Ҷумҳурии Қирғизистон ба Ҷумҳурии Тоҷикистон маслиҳат карда, ба воситаи деҳаи Қӯрғончаи ноҳияи Деваштич ба ҳудуди давлати ҳамсоя ворид шудаанд ва аз Чингиз ном шахси номаълум ба маблағи умумии 124 ҳазору 620 сомонӣ 41 тоннаю 540 литр бензин харида, бо роҳи қочоқ ба  Тоҷикистон интиқол додаанд. Пас, тибқи маслиҳати пешакӣ, шаҳрванд Ҷ. Э. ҳуҷҷатҳои қалбакиро гирифта, бори ғайриқонуниро ҳамчун маҳсулоти ҶДММ «Газпромнефт Тоҷикистон» ба Душанбе бурданӣ шудааст. Мувофиқи мактуби расмии «Газпромнефт Тоҷикистон» ҳуҷҷатҳои  бор қалбакианд ва онҳоро мутахассиси бақайдгирии ин ширкат Н. М. ғайриқонунӣ тартиб додааст.
Озмоишгоҳи ташхиси Агентии «Тоҷикстандарт» маҳсулоти қочоқиро санҷида, маълум намуд, ки он бензини навъи «АИ-80» мебошад.
Нисбат ба шаҳрвандон А. А., Ҷ. Э. ва дигарон бо моддаи 289, қисми 2 – и Кодекси ҷиноятии Ҷумҳурии Тоҷикистон парвандаи ҷиноятӣ тартиб дода, ба прокуратураи шаҳри Душанбе супурда шуд. Тафтишот идома дорад.

Саркашӣ аз пардохтҳои гумрукӣ
Кормандони Раёсати мин-тақавии гумруки вилояти Суғд ҳангоми гузарондани амалиёти гумрукӣ ҳолати саркашӣ аз пардохтҳои гумрукиро ошкор сохтанд. Дар ин бора маркази матбуоти Хадамоти гумруки Ҷумҳурии Тоҷикистон хабар додааст.
Муайян гардид, ки аз 5 август то 27 декабри соли 2016 ва 6 январи соли равон аз Ҷумҳурии Мардумии Чин ба суроғаи ҶДММ «Билол Суюмин семент» - и шаҳри Конибодом дар бордони 6 мошини боркаш таҷҳизоти  технологии истеҳсоли семент ворид гардида, муваққатан дар анбори корхона ҷойгир карда шудааст. Директори генералии ширкат Н. Н. бар хилофи талаботи Кодекси гумруки Ҷумҳурии Тоҷикистон амал намуда, дар муддати муқарраршуда оид ба бори воридотӣ декларатсияи бори гумрукӣ пешниҳод накарда, аз супоридани пардохтҳои гумрукӣ саркашӣ намудааст ва бо ин амалаш ба буҷети давлат зарари калон расондааст. Аз рӯи ҳолати мазкур бо моддаи 291, қисми 1 – и Кодекси ҷиноятии Ҷумҳурии Тоҷикистон парвандаи ҷиноятӣ тартиб дода, ба прокуратураи шаҳри Конибодом ирсол гардид.
С. РАҶАБЗОДА, «Ҷумҳурият»


Баёни ақида (0)    Санаи нашр: 06.04.2017    №: 71    Мутолиа карданд: 412

24.06.2019


Президенти Филиппин моҳи октябр ба Россия меояд

Трамп бо Эрон омодаи гуфтушунид буданашро тасдиқ намуд

Дар Ҳиндустон афтидани хайма боиси марги 14 нафар шуд

СУҒД. Оғози мусобиқаи байналмилалӣ

"ФИЛОСОФИЯ ОТДЫХА" имкониятҳои сайёҳии Тоҷикистонро таҳлил намуд

Ҷаҳон дар як сатр

21.06.2019


Мулоқоти Хайринисо Юсуфӣ бо Валериу Кивер

Ҳамоиш бахшида ба таъмини устувории макроиқтисодӣ

Муаррифии натиҷаҳои фаъолият дар самти безараргардонии башардӯстонаи минаҳо

20.06.2019


Гумерова: «Омӯзгорони рус дар Тоҷикистон мондан мехоҳанд»

СММ: «Ҳиндустон дар нуфуси аҳолӣ баъди 8 сол аз Чин мегузарад»

Пекин тавсеаи ёрии иқтисодӣ ва башарӣ ба Сурияро зарур мешуморад

Дар Ҷопон ҷазои ҷисмонии кӯдаконро манъ карданд

Ҷаҳон дар як сатр

19.06.2019


Дар Кӯлоб Фестивали ҷумҳуриявии дӯстии ҷавонон баргузор шуд

Баррасии вазъ ва дурнамои ҳамкориҳо

Боздид аз Муассисаи давлатии «Боғи миллии Ваҳдат”

ПАНҶАКЕНТ. Омодагиҳо ба ҷашни фархунда

Писарбачаи тоҷик дар Хабаровск дӯсташро аз чоҳи оби ҷӯш наҷот дод

Тоҷикистону Беларус: «Муҳокимаи тақвияти ҳамкориҳои низомӣ»

Си Ҷинпин азми сафари Ҷумҳурии Халқии Демократии Корея дорад

Ҷаҳон дар як сатр

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад


Дар сомонаҳои дигари Тоҷикистон хонед