logo

ҳуқуқ

ҶИНОЯТ ва ҶАЗО

Нашъаҷаллобон аз озодӣ маҳрум гаштанд
Шаҳрвандон П. Қодиров, С. Холов ва М. Раҷабов моҳи октябри соли 2016 аз шаҳрванди Ҷумҳурии Исломии Афғонистон Самандар Муҳаммад Амин, ки қаблан бо ӯ шинос шуда буданд,  дар шаҳри Душанбе  воситаи нашъаовари навъи «ҳашиш» ба даст оварда, онро то моҳи ноябри соли 2016 дар деҳаи Ҷавонони Ҷамоати деҳоти Дурбати  шаҳри Ҳисор ғайриқонунӣ нигоҳ доштаанд.
13 ноябр С. Холов ва М. Раҷабов  дар кӯчаи Макарови шаҳри Душанбе ҳангоми гузоштани халтаҳо ба бағоҷи автомашина, дастгир гардида, аз онҳо 74 076 грамм маводи нашъаовари навъи «ҳашиш» дарёфт ва мусодира шуд. Нашъаҷаллоби дигар П. Қодиров аз ҷойи ҳодиса ғайб зада, дар манзили истиқоматии шаҳрванд С. Воҳидов пинҳон шудааст. Дувумӣ барои аз тафтишот пинҳон шудани гумонбар шароит фароҳам оварда, ба мақомоти ҳифзи ҳуқуқ хабар надодааст.
Бо ҳукми суди ноҳияи Исмоили Сомонии шаҳри Душанбе аз 20 марти соли 2017 шаҳрвандон П. Қодиров, С. Холов ва М. Раҷабов бо моддаи 200 қисми 4 банди «д» ва С. Воҳидов бо моддаи 347 қисми 2 Кодекси ҷиноятии Ҷумҳурии Тоҷикистон гунаҳгор дониста  шуда, С. Холов ба муҳлати 16 солу 6 моҳ, П. Қодиров ва М. Раҷабов  ҳар кадом ба муҳлати  15 солӣ ва С. Воҳидов ба муҳлати 4 сол аз озодӣ маҳрум шуданд.
 
Аз роҳ ба «Давлати исломӣ» дастгир шуд
Бо ҳукми суди ноҳияи Исмоили Сомонии шаҳри Душанбе М. Бутаев бо моддаҳои 32 қисми 3 - 401 Кодекси ҷиноятии Ҷумҳурии Тоҷикистон гунаҳгор дониста шуда, ба муҳлати 12 солу 6 моҳ аз озодӣ маҳрум гардид.
Бино ба иттилои маркази матбуоти Прокуратураи генералӣ, ӯ  ҳангоми дар муҳоҷирати меҳнатӣ дар шаҳри Самараи Федератсияи Русия қарор доштанаш тавассути шабакаи интернетии “Зелло” дар барномаи “Роҳнамо ба сӯи давлати исломӣ” бо Муҳаммад Муовия ном узви фаъоли ташкилоти экстремистӣ-террористии “Давлати исломӣ” робита  барқарор намуда, даъвати ӯро дар бораи ба Сурия рафтану ба сафи ин созмони террористӣ пайвастан пазируфтааст. Муҳаммад Муовия барои М. Бутаев чиптаи электронӣ барои парвоз бо ҳавопаймо  тавассути хатсайри Самара - Москва - Кишинёв - Истанбул фиристодааст. Номбурда 27 декабри соли 2016 дар фурудгоҳи шаҳри Самара, ҳангоми савор шудан ба ҳавопаймо аз ҷониби кормандони мақомоти ҳифзи ҳуқуқ дастгир шудааст.
Шуъбаи ҳуқуқи рӯзномаи «Ҷумҳурият»


Баёни ақида (0)    Санаи нашр: 10.04.2017    №: 73    Мутолиа карданд: 529

23.01.2020


ҶОМИ ФФТ. Маросими қуръакашии минтақаи Душанбе доир шуд

Озмуни «Ҳунарҳои ороишӣ аз санг» доир мегардад

Усулҳои муосири муқовимат ба ифротгароии хушунатомез миёни ҷавонон

Мубориза бо коррупсия — кори дастаҷамъона

Ба ҶДММ “РСМ Тоҷикистон” иҷозатнома дода шуд

Ӯзбекистон аз харидорони асосии сементи тоҷик аст

Меркел бо Си Ҷинпин натоиҷи конфронси Берлин оид ба Либияро баррасӣ намуд

Солеҳ ва Трамп масъалаи аз Ироқ баровардани сипоҳи хориҷиро мавриди муҳокима қарор доданд

Котиби давлатии ИМА бори аввал ба Минск меояд

Ба сокинони Ухани бинобар хурӯҷи коронавирус тарки шаҳрро манъ карданд

Ҷаҳон дар як сатр

22.01.2020


Лигаи чемпионҳо. Ғалабаи "Истиқлол" бар "Локомотив"

ОЗМУН БАХШИДА БА РӮЗИ ҚУВВАҲОИ МУСАЛЛАҲ

Гутерреш: «Ҷамъомади кумитаи муштарак оид ба Либия мумкин аст 28 январ баргузор гардад»

Трамп бо Лондон созишномаи тиҷоратиро муҳокима кардан мехоҳад

Барои офаридани ваксинаи русӣ бар зидди коронавируси чинӣ ним сол зарур аст

Дар Лубнон бори нахуст зан вазири мудофиа шуд

Дар Чин собиқ сарвари Интерпол барои пора 13,5 сол паси панҷара меравад

Ҷаҳон дар як сатр

Маъюбон. Махзани ягонаи электронӣ таъсис ёфт

21.01.2020


"ҶОМИ РУШД – 2020". Тоҷикистон тими Исландияро шикаст дод

Россия ва Франсия ба музокирот дар чорчӯбаи «2+2» тайёрӣ мебинанд

Баҳои коршиноси Амороти Муттаҳидаи Араб ба конфронси Берлин оид ба қазияи Либия

Салиби сурх: «Ҷанги Яман боиси фирори се миллион нафар гашт»

Шарқи Канада зери барф монд

Соли гузашта дар Италия ҳар ним соат замин ҷунбид

Ҷаҳон дар як сатр

03.01.2020


 БАЙНИ ТОҶИКИСТОН ВА АФҒОНИСТОН РОҲИ ОҲАН БУНЁД МЕГАРДАД

 ДАР ХОРУҒ КӮДАКИСТОН МАВРИДИ БАҲРАБАРДОРӢ ҚАРОР ГИРИФТ

 ХОВАЛИНГ. БЕМОРХОНАИ РАҚАМӢ БА ИСТИФОДА ДОДА ШУД

 AIRBUS БОРИ НАХУСТ АЗ СОЛИ 2011 АЗ BOEING ПЕШ ГУЗАШТ

 ОБХЕЗӢ ДАР ИНДОНЕЗИЯ БОИСИ ҲАЛОКАТИ 26 НАФАР ГАШТ

 НИДЕРЛАНД РАСМАН АЗ "ГОЛЛАНДИЯ" ДАСТ КАШИД

 ДАР ҚАЗОҚИСТОН МУСОФИРИ ҲАВОПАЙМОИ СУҚУТКАРДАРО МУКОФОТОНДАНД


Дар сомонаҳои дигари Тоҷикистон хонед