logo

иҷтимоиёт

НУСРАТУЛЛО МАХСУМ. ОБ ВА ЗАМИН

Нусратулло Махсум аз рӯзҳои нахустини фаъолият дар вазифаҳои масъули давлатӣ, аз ҷумла солҳои 1926 - 1929 раиси Кумитаи Иҷроияи Марказии Ҷумҳурии Мухтори Шӯравии Сотсиалистии Тоҷикистон ва аз соли 1929 то 1933 раиси Комиҷроияи Марказии ҶШС Тоҷикистонро ба уҳда доштанаш, ба масъалаи обу замин таваҷҷуҳи хос дошт.

Мекӯшид, ҳар як ваҷаб замин оқилона ва самаранок истифода шавад. Вай ба мавзеъҳои дурдаст сафар карда, медид, ки зиндагии мардуми кӯҳистон чандон хуб нест. Пешниҳод кард, ки танҳо бо роҳи муҳоҷиркунонии аҳолии кӯҳистон ба таҳдашт метавон заминҳои нави бекорхобидаро азхуд карда, ба кишти  пахтаю дигар зироатҳои кишоварзӣ оғоз намуд. Ӯ дар ин бора чунин навиштааст. «Дар кишвари мо замини бекорхобида зиёд аст. Бояд масъалаи ба водиҳо кӯчондани деҳқононе, ки дар кӯҳсор зиндагӣ ба сар мебаранду хоҷагии худро ба роҳ монда наметавонанд, ҳал карда шавад». 
Дар натиҷа соли 1931 бунёди калонтарин сохтмони Тоҷикистон - системаи обёрии водии Вахш оғоз гардид, ки он ҳамон солҳо бояд 94 ҳазор гектарро обшор менамуд. Баъди ин иқдому ташаббуси ватандӯстонаи Нусратулло Махсум ба  сохтмони овозадори Вахш ихтиёриёни деҳоти кӯҳистон ва ҷавонони зиёде ҷалб гардиданд. Маҳз бо дастони бунёдкоронаи халқи тоҷик ин иншооти муҳим пеш аз муҳлат мавриди истифода қарор гирифт. Чунин ташаббусҳои наҷиби Нусратулло Махсум аз ҷониби аҳли адаб ва рӯзноманигорон низ сари вақт дастгирӣ ёфт. Қаҳрамони Тоҷикистон, устод Садриддин Айнӣ  аз нахустин адибоне буд, ки дар ин мавзӯъ достоне бо номи «Ҷанги одаму об» - ро эҷод кард. Ин достон дар вазни «Шоҳнома» - и Абулқосим Фирдавсӣ иншо гардида, хонандаро ба таърихи обёрӣ ва чашмасорону водиҳои сарсабзу хуррам ошно менамуд.
Ҳамон солҳо дар Осиёи Миёна ислоҳоти обу замин гузаронда мешавад, вале дар Тоҷикистони навтаъсис он пурра амалӣ намегардад. Ин ҳолатро Нусратулло Махсум чун масъалаи доғи рӯз маънидод намуда, аз ҷумла навиштааст: «Боиси зикр аст, ки бо як қатор сабабҳо ислоҳоти замин дар ҷумҳурӣ мисли кишварҳои ҳамсоя сурат нагирифт. Мо аз ҷиҳати замин танқисӣ намекашем, аз як тараф заминҳои фарохи бой дорем, аз тарафи дигар, дар баъзе ноҳияҳо барзиёднуфусӣ дида мешавад. Бинобар ин, вазифаи кунунии мо на ислоҳоти замин, балки обёрии заминҳои бекорхобида ва муҳоҷиркунонии дохилӣ мебошад».
Дар айёми Истиқлолияти давлатӣ бо иқдоми бевоситаи Асосгузори сулҳу ваҳдатӣ миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон кишвари мо чун саргаҳи обҳои зулолу тоза дар ҷаҳон шинохта шуд. Акнун он иқдомеро, ки ҳанӯз солҳои 30-юми асри гузашта ҷонфидои миллат Нусратулло Махсум оғоз кард, имрӯз идома дорад. Чашмаҳои софу зулол ва дарёҳои фаровони диёр, аз ҷумла рӯди пуртуғёни Вахш, дар хизмати халқ қарор гирифтааст.
Маҷид САЛИМ, нависанда


Баёни ақида (0)    Санаи нашр: 10.04.2017    №: 73    Мутолиа карданд: 398

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе

Ба иштирокчиёни ҶБВ кумаки моддӣ расонда мешавад

Нахустини Форум байналмилалии санъати мақом баргузор хоҳад гашт

ЛЕВАКАНТ. Тантанаҳои истиқлолият

ФАЙЗОБОД. Ҳиммати як соҳибкор

ИШТИРОКИ ТИМИ МИЛЛӢ ДАР МУСОБИҚАИ BANGABANDHU GOLD CUP"

«ДИ» тахрибкоронашро ба Русия, Аврупо ва Осиё мефиристад

ХФА: "Даромади «Давлати исломӣ» 10 маротиба коҳиш ёфт"

Чин барои рушди ҶАҶ $60 миллиард ёрии молиявӣ мерасонад

Таҳримоти ғарбӣ метавонанд садди барқарорсозии Сурия гарданд

ҶАҲОН ДАР ЯК САТР


Дар сомонаҳои дигари Тоҷикистон хонед