logo

барқияҳо

БАРҚИЯҲОИ ТАБРИКӢ

7 апрел Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Президенти Федератсияи Русия Владимир Путин барқияи табрикӣ ирсол намуданд, ки дар он, аз ҷумла омадааст:

«Муҳтарам Владимир Владимирович!
Санаи хотирмон – 25 - солагии барқарории муносибатҳои дипломатӣ миёни Ҷумҳурии Тоҷикистон ва Федератсияи Русия ба ман имкони хуб медиҳад, ки ба Шумо табрикоти самимӣ ва орзуҳои беҳтаринро ирсол намоям.
Тӯли ин чоряк аср муносиботи Тоҷикистон ва Русия тибқи  хатҳои тулӯъкунанда рушд кардаанд, ошкоро будан ва ҳамдигарфаҳмӣ миёни ду кишвар дар ҳамкории мутақобилаи онҳо, чи дар заминаи дуҷониба ва чи дар шакли бисёрсамта меъёр гардидааст.
Дар Тоҷикистон ба нақши таърихии Русия дар ҷараёни барқарории сулҳ ва ризоияти миллӣ, инчунин, ҳиссаи муҳими он дар рушди иҷтимоӣ - иқтисодии мамлакат баҳои баланд медиҳанд.
Басо гуворост, ки тӯли солҳои гузашта бо кӯшишҳои муштарак мо ҳамкории  Тоҷикистон ва Русияро, ки ба анъанаҳои қадимии дӯстӣ ва робитаҳои дуҷонибаи мардумони мо асос ёфтаанд,  ба сатҳи нави босифати шарикӣ баровардем. Мо тӯли ин солҳо натиҷаҳои амалии ба даст овардашуда дар тамоми соҳаҳои барои ҷонибҳо мувофиқро муътабар медонем.
Тамоми маҷмӯи муносибатҳои байнидавлатиро бо Русия ҳамчун афзалияти калидии сиёсати дохилии худ баррасӣ намуда, мо бо умедҳои нек ба ояндаи қобили мушоҳидаи он нигоҳ мекунем ва ба амалисозии амалҳои пайваста оид ба таҳкими ҳамкории минбаъдаи ду кишвар тибқи қоидаҳои шарикии стратегӣ  устуворона омодаем.
Зимни ин мо онро ба назар мегирем, ки бо мақсади ба муносибатҳои муттаҳидаи мо додани сифати хеле баланд, хусусияти комилӣ ва мутаносибӣ, давом додани корҳо дар тамоми сатҳҳо ҷиҳати ба даст овардани мувозинат миёни паҳлуҳои ҳамкории дуҷониба - сиёсӣ, тиҷоратӣ - иқтисодӣ, ҳарбӣ ва ҳарбӣ - техникӣ, гуманитарӣ - фарҳангӣ ва дигар соҳаҳои ҳамкории мутақобила муҳим аст.
Дар робита ба ин мехостам аҳамияти муҳими амалҳои муштараки минбаъдаро ҷиҳати ба сатҳи татбиқи амалӣ баровардани тавофуқоте, ки чанде пеш   зимни сафари расмии Шумо ба Тоҷикистон сурат гирифтанд, таъкид намоям. Бовар дорам, ки мо якҷоя метавонем иқтидори бузурги ҳамкории мутақобилаи  Тоҷикистон ва Русияро ба манфиати мардумонамон пурра амалӣ намоем.
Ба Шумо, муҳтарам Владимир Владимирович, тансиҳатӣ ва дар амалӣ гардидани тамоми нияту мақсадҳои ба таҳкими амният ва таъмини шукуфоии Русияи бузург равонагардида муваффақиятҳои калон, ба халқи дӯсти он - сулҳ, беҳбудӣ ва саодат орзумандам».

7 апрел Президенти Федератсияи Русия Владимир Путин ба Президенти Ҷумҳурии Тоҷикистон Эмомалӣ Раҳмон барқияи табрикӣ ирсол намуд, ки дар он, аз ҷумла омадааст:

«Муҳтарам Эмомалӣ Шарифович!
Табрикоти самимии маро ба муносибати ҷашни муҳим – 25 - солагии истиқрори муносибатҳои дипломатӣ миёни давлатҳоямон қабул фармоед.
Дар давоми солҳои гузашта робитаҳои Русияву Тоҷикистон дар асоси анъанаҳои неки дӯстӣ, ки мардумони моро ба ҳам меоранд, босамар рушд карданд. Беш аз 150 созишномаҳои дуҷониба ба имзо расиданд, ки ҳамкориро дар соҳаҳои сиёсӣ, иқтисодӣ, низомӣ, илмию техникӣ ва дигар соҳаҳо танзим мекунанд. Ҳамгироии самаранок дар доираи ИДМ, СААД, СҲШ, СММ, САҲА ва дигар сохторҳои бисёрҷониба ба роҳ монда шудааст.
Мутмаинам, ки мо минбаъд низ муносиботи шарикии стратегии миёни Русия ва Тоҷикистонро ҳамаҷониба таҳким бахшида, кӯшишҳоро баҳри мубориза бар зидди терроризми байналмилалӣ, ифротгароӣ, ҷиноятҳои фаромиллӣ ва дигар таҳдидҳои амнияти минтақа ҳамоҳанг месозем, ки ин, бешубҳа, ба манфиатҳои умумии мо ҷавобгӯ буда, ба самти таъмини сулҳу субот дар Осиёи Марказӣ равона мегардад.
Ба Шумо, муҳтарам Эмомалӣ Шарифович аз самими қалб тансиҳатию муваффақият ва ба тамоми шаҳрвандони Тоҷикистон бурдбориву шукуфоӣ таманно дорам».


Баёни ақида (0)    Санаи нашр: 10.04.2017    №: 73    Мутолиа карданд: 2178

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид

ТОҶИКИСТОНУ ӮЗБЕКИСТОН. Гардиши савдо ду баробар афзуд

Тоҷикистон миёни кишварҳои ИДМ ба афзоиши баландтарини ММД муваффақ гашт

Дар Тошканд конфронси байналмилалӣ оид ба Осиёи Марказӣ баргузор мегардад

Қасри сафед: "Музокироти тиҷоратӣ дар Пекин ба пешравӣ мусоидат кард"

Трамп мехоҳад ҷангиёни «Давлати исломӣ» - ро ба Аврупо барои суд кардан баргардонад

Кумитаи амнияти иттилоотии Қазоқистон беш аз 90 сомонаи хавфнокро ошкор сохт

Ҷаҳон дар як сатр

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад


Дар сомонаҳои дигари Тоҷикистон хонед