logo

сиёсат

ДУШАНБЕ. АЗНАВСОЗИИ БОҒҲО ВА БУНЁДИ МАЙДОНҲОИ ВАРЗИШӢ

Дар доираи иҷрои дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зимни мулоқот бо роҳбарону фаъолони пойтахт дар шаҳри Душанбе ободонии боғҳои фарҳангию  фароғатӣ ва  бунёди майдонҳои варзишию бозии кӯдакон ба роҳ монда шудааст.  Сарвазири кишвар Қоҳир Расулзода ва  раиси шаҳр Рустами Эмомалӣ ҳафтаи гузашта бо  рафти корҳои сохтмонии иншооти номбурда   дар  маҳаллаҳои пойтахт  шинос шуданд.

Сарвазири мамлакат ва раиси шаҳр нахуст бо лоиҳаи азнавсозии Муассисаи давлатии «Боғи фарҳангию  фароғатии Айнӣ" - и ноҳияи Исмоили Сомонӣ шинос гардиданд.
Тавре Фарҳод Қодирзода, муовини раиси ноҳияи Исмоили Сомонӣ, зимни суҳбат  изҳор дошт,  корҳои сохтмонӣ дар боғи номбурда бо Фармоиши Ҳукумати Ҷумҳурии Тоҷикистон аз 22 феврали соли ҷорӣ оғоз ёфтаанд. Татбиқи лоиҳа аз ҷониби  ширкати ватании сохтмонию меъмории "Суғдшаҳрофар" ва сохтмончиёни 5 ширкати вилояти Суғд роҳандозӣ шудааст. Тибқи тарҳи нав дар боғи ба номи устод Садриддин Айнӣ сохтмони иншооти нав,  аз қабили даромадгоҳ, истгоҳи воситаҳои нақлиёт, амфитеатр, бинои маъмурӣ, ду шипанг ба андозаи 12 бар 12 метр,  таҷдиди муҷассамаҳои Садриддин Айнӣ ва Бобоҷон Ғафуров, инчунин, ифтитоҳи марказҳои  фарҳангиву фароғатии дигар  пешбинӣ гардидааст.

Бунёди 78 майдони варзишӣ ва бозии кӯдакон дар Душанбе
Тибқи нақша - чорабиниҳои шаҳрдорӣ  дар гӯшаю канори пойтахт бунёди 78 майдони варзишӣ ва бозии кӯдакон ба нақша гирифта шудааст.  Иқдоми мазкур аз ҷониби вазорату идораҳо ва соҳибкорони алоҳида хуш пазируфта шуда, онҳо корҳои созандагиро дар ин ҷода  бо маром  идома дода истодаанд. Сарвазири мамлакат   ва раиси шаҳр бо ҷараёни бунёди майдони варзишӣ ва бозии кӯдакон дар ҳудуди хонаҳои хиёбони Рӯдакӣ - 96 ва кӯчаи Маҳмадулло Холов - 4, ки бо ибтикори Хадамоти гумруки назди Ҳукумати ҷумҳурӣ ба роҳ монда шудааст, аз наздик шинос гардиданд. Зимни боздид ба масъалаи истифодаи самараноки унсурҳои бинокорӣ ва масолеҳи хушсифати сохтмон  аҳамияти ҷиддӣ дода шуд.
Масъулони  Палатаи ҳисоби  Ҷумҳурии Тоҷикистон   баҳри  ободонии маҳаллаи 11,  кӯчаи Шерализода,  назди биноҳои истиқоматии 14 ва 16 - и ноҳияи Сино тасмим гирифта,  корҳои сохтмонӣ,  аз ҷумла майдонҳои футбол, волейболу баскетбол,  машқкунӣ ва  барои  кӯдакон  дар масоҳати 3675 метри мураббаъ ба нақша гирифтаанд. Мутассадиёни корҳои созандагии ин макон бо итминон изҳор намуданд, ки иншооти варзишию истироҳатии пешбинигардидаро дар муҳлати кӯтоҳтарин ба истифода хоҳанд дод.
Сарвазири кишвар ва раиси шаҳр ҳамчунин, аз рафти  бунёди майдони варзишӣ ва бозии кӯдакон, воқеъ дар маҳаллаи 23, назди бинои истиқоматии рақами 79 - и кӯчаи Мушфиқии  ноҳияи Фирдавсӣ, ки онро Кумитаи андози назди Ҳукумати мамлакат ба уҳда дорад, дидан намуданд.
Дар корҳои созандагию бунёдкории пойтахт, хусусан майдончаҳои варзишию бозии наврасону хурдсолон, кормандони Агентии хариди давлатии мол, кор ва хизматрасонӣ низ саҳми намоён мегузоранд. Ҳоло бо ташаббуси масъулони агентӣ  дар шафати  бинои 76 - уми  кӯчаи Неъмат Қарабоев сохтмони  маҷмааи варзишӣ - истироҳатӣ ҷараён дорад.
Дар баробари вазорату идораҳои дигар мақомоти иҷроияи ҳокимияти давлатии вилояти Хатлон азнавсозии иншооти муассисаи давлатии боғи "Дӯстии халқҳо" - и ноҳияи Фирдавсии шаҳри Душанберо дар масоҳати 24 гектар ба зимма гирифтааст.        

Дуои пирони барнодил
Ифтитоҳи   маркази истироҳати пиронсолон, майдони варзишӣ ва бозии кӯдакон дар маҳаллаи 72 – юми ноҳияи Сино аз ҷониби роҳбари  шаҳр   мӯҷиби хушҳолии беҳаду канори сокинони ин гӯшаи пойтахт гашт.  Мардони   рӯзгордида,  собиқадорони соҳаҳои гуногун  зиёд гардидани чунин ободкориҳоро аз файзу баракати сулҳу амонии мамлакат арзёбӣ намуданд. Ба гуфтаи ин пирони барнодил, халқи тоҷик  бо саъю талоши Пешвои миллат, Президенти кишвар  муҳтарам Эмомалӣ Раҳмон ба имрӯзи ободию  муттаҳидӣ расид. Ифтитоҳу азнавсозии иншооти маишию хизматрасонӣ дар арафаи Ҷашни Ваҳдати миллӣ туҳфаи басо арзанда ба мардуми шарафманди тоҷик мебошад.
Ташрифулло Саъдуллоев, «Ҷумҳурият»


Баёни ақида (0)    Санаи нашр: 11.04.2017    №: 74    Мутолиа карданд: 599

03.05.2019


 ТАВСЕАИ ҲАМКОРИҲОИ СОХТОРҲОИ ГЕОЛОГИИ ТОҶИКИСТОНУ ӮЗБЕ-КИСТОН

 МУЛОҚОТИ ИСМАТУЛЛО НАСРЕДИН БО МЕҲР ХОЛИД

 ФИЛМИ «ТАНГНО» АЗ ҚАЗОН БО ҶОИЗА БАРГАШТ

 ИҶОЗАТНОМА БАРОИ ФАЪОЛИЯТИ ОПЕРАТОРИ НИЗОМИ ПАРДОХТӢ

 ЁВОН. БУНЁДИ 341 ИНШООТ ТО ҶАШНИ ФАРХУНДА

 ВАРЗОБ. ФАРДО АЗ ИМРӮЗ ЗЕБОТАР ХОҲАД ШУД

 ОЛМОН ЗИДДИ ВУРУДИ НИЗОМИЁН БА ВЕНЕСУЭЛА

 ДАР ҲИНДУСТОН АЗ ХАТАРИ ТУНДБОДИ «ФАНИ» БЕШ АЗ 800 ҲАЗОР НАФАР КӮЧОНДА ШУД

 ПАРЛАМЕНТИ ҚИРҒИЗИСТОН КОРКАРДИ КОНҲОИ УРАНРО БОЗДОШТ

 ДАР ТУРКМАНИСТОН НАРХИ ЧИПТАИ ҲАВОПАЙМОҲО ДУ БАРОБАР БОЛО РАФТ

ТУРКИЯ СЕЮМ КИШВАРИ САБЗТАРИНИ ДУНЁ ЭЪТИРОФ ШУД

02.05.2019


 Ҳадияи раиси шаҳр ба ифтихори 74 – умин солгарди Рӯзи Ғалаба

 Мулоқоти Хусрав Нозирӣ бо Муҳаммад ибни Абдураҳмон

 Баррасии фаъолияти ҳуқуқэҷодкунӣ дар кишвар

 ҶОМИ КФО. Пирӯзии «Истиқлол» бар «Дордой»

 Баргузории мизи гирд доир ба дипломатияи мардумӣ дар Тошканд

 Ҷонибҳои тақобули Сурия қисме аз масоили баҳсиро ҳал намуданд

 ЮНИСЕФ: "Беш аз 2 миллион нафар мардуми Ангола аз хушксолӣ дар азоб аст"

Дар Ҷопон давраи нави Рэйва оғоз ёфт

 Ҷаҳон дар як сатр

01.05.2019


Ноболиғони тоҷик ба Ватан баргардонда шуданд

Вохӯрии Сироҷиддин Муҳриддин бо Ҳамад Солим

Рушди иҷтимоиву иқтисодии минтақаҳои кишвар матраҳ гардид

Се собиқадори тоҷик дар паради Ғалаба дар Москва ва Санкт - Петербург ширкат мекунанд

Дар Венесуэла исён зидди ҳукумат бебарор анҷом ёфт

Дар Либия 345 нафар қурбони бархӯрди мусаллаҳона гашт

Истеҳсоли рекордии чой дар Кения

Дар Париж ба барҷастатарин занҳои олим арҷгузорӣ намуданд

ҶАҲОН ДАР ЯК САТР

23.04.2019


ДЗЮ – ДО. Медали нуқраи Темур Раҳимов аз Чемпионати Осиё

Тиб. Муваффақияти камназири ҷарроҳони рус

Пирӯзии Зеленский дар интихоботи Украина

Фоҷиа дар Шри-Ланка Теъдоди қурбониён ба 300 нафар расид

Лукашенко Россияро ҳомии истиқлолияти Беларус номид


Дар сомонаҳои дигари Тоҷикистон хонед