logo

сиёсат

САБАҚИ ТАЪРИХӢ

Бо имзои Созишномаи умумии истиқрори сулҳ ва ризоияти миллӣ дар Тоҷикистон дар дили мардуми сулҳпарвару тамаддунофари тоҷик  шуълаи умед ва боварӣ ба ояндаи неку дурахшони Ватан ва давлати соҳибистиқлоламон аз нав фурӯзон шуд. Халқи шарафманди тоҷик бори дигар ба ақлу заковати азалии фарзандони барӯманди миллат, ки аз давраи Иҷлосияи XVI Шӯрои Олии Ҷумҳурии Тоҷикистон сарварии онро роҳбари хирадманд, дурандеш ва ватандӯсту меҳанпараст Эмомалӣ Раҳмон ба зимма дошт, итминони комил ҳосил намуд.
Ваъдаи дар ин иҷлосияи таърихӣ додаи Сарвари муаззами давлат, ки ман кори худро аз сулҳ оғоз хоҳам кард ва ба Тоҷикистон сулҳ меорам, дар натиҷаи бедорхобию талошҳои шабонарӯзиаш ҷомаи амал пӯшид. Ӯ дар қалби мардум ҳамчун Сарвари сулҳовар ва сулҳофар роҳ ёфт. Бовари мардум нисбат ба роҳбари хирадманди худ афзун гардида, онҳо ба хотири ояндаи миллат дар атрофаш муттаҳид гардиданд.
Ба сулҳу ваҳдат расидани тарафҳои даргир дар Тоҷикистон дар таърихи давлатдориамон аҳамияти беназирро касб намуд. Он  нишонаи ақлу заковат ва хиради азалии мардуми тоҷик аст, ки дар лаҳзаҳои ҳассостарини давлатдории худ хавфу хатари аз байн рафтани давлати миллиро дарк намуда, проблемаро аз муқовимати ҳарбию мусаллаҳона ба роҳи гуфтушунид ва музокирот ворид сохт. Ҳамзамон, халқи шарафманди тоҷик таҳти роҳбарии Эмомалӣ Раҳмон роҳи ҳалли низомӣ надоштани мухолифат ва муноқишаи дохилӣ, ба гирдоби фалокат дучор намудани давлат, зери таъсири бегонагон афтодан ва аз даст додани давлатро сари вақт дарк карда, бо вуҷуди душвориҳои мавҷуда, ба зербинои сулҳу ваҳдат заминаи воқеӣ гузошт.
Аз он рӯзи таърихии ба имзо расидани созишномаи сулҳ бист сол сипарӣ мешавад. Ин санади таърихӣ дар баробари хотима гузоштан ба ҷанги шаҳрвандӣ, ҳар як фарди баору номуси Ватанро водор месозад, ки аз он рӯйдоди талхи ба сари халқ омада, сабақи созанда бардорад.  Он санаи таърихӣ ҳамасола бо мазмуну мундариҷаи нав рӯи кор меояд, арзишу нуфузаш рӯз ба рӯз боло меравад, мардумро ба ватансозиву ватандорӣ, худшиносиву худогоҳӣ ва ҳувияти миллӣ ҳидоят менамояд. Меҳру садоқат ва вафодориамонро нисбат ба ҳаммиллатон меафзояд, моро ба зиракӣ, ҳушёрии сиёсӣ ва ҳамдигарфаҳмӣ раҳнамун месозад.
Ҳақ ба ҷониби Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон мебошад, ки ҳанӯз  27 июни соли 1997 гуфта буданд: «Ҷидду ҷаҳд ва умедвориҳои 5 - 6 соли охир барои нигоҳ доштани давлати миллии тоҷикон маҳз дар ҳамин рӯзи саид ҷомаи амал пӯшид. Ман имрӯз гуфта метавонам, ки насли ҳозираи миллати тоҷик ҳарчанд аввал пешпо хӯрд, имрӯз пирӯз аст. Зеро ин насл тавонист васвасаи аҳриманиро, ки дар майнаи халқи мо ҷо гирифта буд, аз худ дур андохта, морони заҳҳокиро, ки ҷони ҷавони садҳо фарзандони моро қурбон мекарданд, саркӯб созад. Ақли солим ва хиради дурбин пирӯз шуд».
Бигзор сулҳу ваҳдати тоҷикон ҷовидонӣ бошад, зеро он рӯи сурху сари баланди мо мебошад. Он ваҳдати дар ҳамон шабу рӯзҳо барои халқ чун обу ҳаво зарур ниятҳои нопоки бадхоҳони миллати сарбаландамонро ботил баровард. Санги маломат ва ҷаҳолат аз бағали онҳо афтид. Садои нағмаю сурурашон хомӯш гашт. Умедашон дар хусуси дуру дароз идома ёфтани ҷанги шаҳрвандӣ ва ба ҳамин васила ба қисматҳо ҷудо шудани давлати ҷавони Тоҷикистон барбод рафт.
Сабаб ва омилҳои сар задани даргириҳои дохилӣ бояд барои ҳар як тоҷику тоҷикистонӣ мисли оина равшан бошанд. Мо бояд аз онҳо сабақи таърихӣ бардошта, минбаъд нисбат ба тақдири давлату миллатамон бетараф набошем.
Карим КАРИМЗОДА,
муовини раиси Суди конститутсионии
Ҷумҳурии Тоҷикистон, номзади илмҳои сиёсӣ


Баёни ақида (0)    Санаи нашр: 12.04.2017    №: 75    Мутолиа карданд: 496

21.08.2019


Путин 4 сентябр бо Сарвазири Ҳиндустон музокирот мегузаронад

Амири Қатар даъвати Путинро ба ФИБП пазируфт

Даҳ ҳазор нафар бинобар сӯхтор дар пойтахти Бангладеш бе сарпаноҳ монд

Токио имкони ба мадор баровардани радифҳои ҳарбиро баррасӣ дорад

Ҷаҳон дар як сатр

ШИНОВАРӢ. Варзишгарони тоҷик ба Чемпионати ҷаҳон рафтанд

19.08.2019


Баррасии асосноккунии техникиву иқтисодии роҳи Қалъаи Хумб – Ванҷ

Баргузории ҳамоиши "Ҷавонони эҷодкор – парчамбардорони миллат ва пайравони Пешвои миллат"

15.08.2019


Муносибатҳои Ҳиндустон ва ҶМЧ бояд суботи ҷаҳонро таъмин созанд

Дар Япония бар асари гармии ҳаво наздики 13 ҳазор кас бистарӣ шуд

Мулоқоти сарони Россия, Эрон ва Туркия моҳи сентябр доир мешавад

Ҷаҳон дар як сатр

05.08.2019


Ҷаҳон дар як сатр

01.08.2019


Вохӯрии Сироҷиддин Муҳриддин бо Кан Ҷе - квон

Масоили муҳоҷират матраҳ гардид

Фестивали яхмос ва обҳои ташнагишикан дар Душанбе

АКАДЕМИЯИ ИЛМҲО. Аз таъсиси маркази тарҷума то ҷашни Саразм

64 дарсади зарари молиявӣ барқарор шуд

ШАҲРИ ТУРСУНЗОДА. Корҳои ободонӣ вусъат мегиранд

ҲИСОР. Саноатикунонӣ дар мадди аввал

ФАЙЗОБОД. Афзоиши истеҳсоли маҳсулоти кишоварзӣ

НОҲИЯИ РӮДАКӢ. Саноат рӯ ба беҳбудӣ дорад

ДДТТ. Нуфузи байналмилалӣ меафзояд

Ҷаҳон дар як сатр

30.07.2019


Фестивали тобистонаи Душанбе доир мешавад

Мулоқоти Шодихон Ҷамшед бо Хуанг Деҳаи

Соҳибкорони ватанию хориҷӣ дар Бадахшон ҷамъ меоянд

БЕҲСОЗИИ ТАЪМИНОТ БО ОБ. Барои он зиёда аз 27 миллион ҷудо гардид

ШАҲРИНАВ. 160 иншооти ҷашнӣ ба истифода дода шуд

Трамп то интихоботи соли 2020 артишашро аз Афғонистон бароварданист

Душанбе 80 шаҳрванди Афғонистонро, ки дар Тоҷикистон ҳукм гирифтааст, ба Кобул истирдод намуд

Ҷаҳон дар як сатр

29.07.2019


ҲИФЗИ ИҶТИМОӢ. Як нишасти муҳим

ДУШАНБЕ. Рушди саноат дар мадди аввал


Дар сомонаҳои дигари Тоҷикистон хонед