logo

ҳуқуқ

ТЕРРОРИЗМ. ПУРЗӮР КАРДАНИ МУҚОВИМАТ ТАҚОЗОИ ЗАМОН АСТ

Торафт шиддат гирифтани равандҳои ҷаҳонишавӣ, дар минтақаҳои гуногуни олам доман паҳн кардани таҳдиду хатарҳои нав, назири терроризму ифротгароӣ, ҷинояткории муташаккили байналмилалӣ ва дигар зуҳуроти хатарнок моро водор месозанд, ки дар ин самт муборизаро пурзӯртар намуда, дастовардҳои Истиқлолияти давлатӣ, арзишҳои миллӣ ва устувории пояҳои давлатдориамонро ҳифз намоем.
Шоҳин Талбакзода, прокурори Раёсати муқовимат ба терроризм, экстремизм ва назорати иҷрои қонунҳо дар самти амнияти миллии Прокуратураи генералӣ, ин матлабро дар ҳамоише, ки ахиран дар шаҳри Душанбе таҳти унвони «Мушкилоти амнияти Осиёи Марказӣ: омилҳои минтақавӣ ва таҳдидҳои нав» баргузор гашт, ироа намуд. Ба гуфтаи ӯ, Прокуратураи генералӣ ҷиҳати муқовимат бо экстремизм, терроризм, ҷинояткории фаромиллӣ ва дигар зуҳуроти ба ҷомеа хавфнок дар ҳамбастагӣ бо дигар ниҳодҳои давлатӣ, бавижа субъектҳои бо даҳшатафканию ифротгароӣ муборизабаранда мунтазам санҷиш гузаронда, баъд аз таҳлил ва ҷамъбаст чораҳои амалӣ меандешад. Дар ин раванд, аз ҷониби Прокуратураи генералӣ Стратегияи миллии Ҷумҳурии Тоҷикистон оид ба муқовимат ба экстремизм ва терроризм барои солҳои 2016-2020 ва нақшаи амалҳои дахлдор таҳия гардида, бо Фармони Президенти Ҷумҳурии Тоҷикистон, аз 12 ноябри соли 2016, таҳти № 776 тасдиқ шудааст. Стратегия ҳамчун ҳуҷҷати муҳими барномавии миллӣ  баҳри тақвияти муқовимат бо экстремизм ва терроризм заминаи ҳуқуқӣ гузошта, дар доираи он аксари масоил, бо назардошти вазъи муқовимат бо ин зуҳурот дар кишвар ва таҷрибаи ниҳодҳои ҳифзи ҳуқуқи давлатҳои узви ИДМ, пешбинӣ гардидааст.
Ба назари Шоҳин Талбакзода, хушунати экстремизм ва терроризм сол ба сол вусъат ёфта, барои инсоният, ҳуқуқу озодиҳои ӯ, амнияти миллӣ ва зиндагии осудаи мардум хатари ҷиддӣ эҷод кардааст. Тоҷикистон, ки аз нигоҳи мавқеи ҷуғрофӣ ва геосиёсии худ дар чорсӯи бархӯрди манфиатҳои кишварҳои абарқудрат ва низомҳои оштинопазири сиёсию идеологӣ қарор дорад, аз оқибатҳои номатлуби муқовиматҳои ошкору ниҳонии терроризми байналмилалӣ ва ифротгароии динӣ дар канор буда наметавонад. Аз ин лиҳоз, ба вуҷуд овардани фазои оштинопазири аҳли ҷомеа нисбат ба ин хатарҳо ва афзун намудани фаъолияти мақомоту сохторҳои муваззаф дар самти пешгирии заминаҳои ба терроризму ифротгароии динӣ мусоидаткунанда мувофиқи мақсад дониста мешавад. Мавсуф иброз дошт, ки Ҷумҳурии Тоҷикистон бо терроризм ва экстремизм, дар доираи санадҳои байналмилалӣ ва қонунгузории миллӣ, муборизаи беамон мебарад. Дар ин раванд, бо қарори Суди Олии Ҷумҳурии Тоҷикистон, аз 29 сентябри соли 2015, Ҳизби наҳзати исломии Тоҷикистон ташкилоти террористӣ - экстремистӣ эътироф гардида, фаъолияти он дар қаламрави кишвар мамнуъ эълон гардидааст. Номи собиқ раиси ҳизби мамнуъшуда Муҳиддин Кабирӣ ва ҳаммаслакони ӯ дар рӯйхати шахсони дар кофтуков қарордоштаи Созмони байналмилалии политсияи ҷиноятии «Интерпол» бо бурҷи сурх ҷой дода шудааст. Вале онҳо ҳанӯз ҳам дар зери қаноти хоҷагони хориҷии худ ҷой гирифта, дар баъзе кишварҳо озодона гаштугузор доранд.
Таъкид гардид, ки вақтҳои охир, баъди фаъол гардидани амалиётҳои ҷангӣ дар Афғонистон, Сурия, Ироқ ва дигар мамлакатҳо тамоюли баргаштани теъдоди муайяни ҷангиён ба кишварҳои сукунат мушоҳида мешавад. Дар ин росто, ҷиҳати таъмини амнияти ҷамъиятӣ, роҳ наёфтани шахсони тахрибкор ва даҳшатафкан ба қаламрави ҷумҳурӣ тавассути гузаргоҳҳои сарҳадӣ ва дигар масирҳо андешидани тадбирҳои зарурии пешгирикунанда, аз ҷумла санҷиши дақиқи шахсияти онҳо ба мақсад мувофиқ аст.
Додоҷон РӮЗИЕВ, «Ҷумҳурият»


Баёни ақида (0)    Санаи нашр: 13.04.2017    №: 76    Мутолиа карданд: 620
25.09.2020


ТОҶИКИСТОН. 8 ҲАЗОРУ 296 СИРОЯТШУДАИ КОРОНАВИРУС ШИФО ЁФТ

СУҒД. ЭҲЁИ КОРХОНАҲОИ АЗ ФАЪОЛИЯТ БОЗМОНДА

КӮҲИСТОНИ МАСТЧОҲ. ОМОДАГӢ БА ИНТИХОБОТ ДАР САТҲИ БАЛАНД ҶАРАЁН ДОРАД

23.09.2020


НОҲИЯИ АЙНӢ. ҲАВЗА ВА УЧАСТКАҲО ОМОДА ШУДААНД

ХОРУҒ. ОЯНДАРО АЗ ИМРӮЗ БОЯД СОХТ

АВАО. ЯК ҲАМОИШИ МУҲИМ

ХУҶАНД. ШИНОСОИИ РАҶАББОЙ АҲМАДЗОДА АЗ КОРХОНАИ “ФАЙЗИ РАСУЛ”

СУҒД. ҶАМЪОВАРИИ ПАХТА ВУСЪАТ МЕГИРАД

22.09.2020


НОҲИЯИ ФИРДАВСӢ. ҲАВЗАИ № 1 ОМОДА МЕШАВАД

ВОХӮРИИ НОМЗАДҲО БА МАНСАБИ ПРЕЗИДЕНТӢ БО СОКИНОНИ ХАТЛОН

ТОҶИКИСТОН. АЗ КОРОНАВИРУС БОЗ 44 БЕМОР ШИФО ЁФТ

«ОИНИ НОЗ»

ТОҶИКОБОД ВУСЪАТИ ТОЗА МЕГИРАД

SARS-CoV-2. ШАШ ШАКЛИ ЗУҲУРИ ОН МУҚАРРАР ГАШТ

НАМОЯНДАҲОИ ДУШАНБЕ ВА ТОШКАНД ИМКОНИЯТИ ИФТИТОҲИ РОҲҲОИ НАВРО БАРРАСӢ НАМУДАНД

ҶАҲОН ДАР ЯК САТР

21.09.2020


БАРРАСИИ МАСОИЛИ МУБОРИЗА АЛАЙҲИ ҶИНОЯТКОРИҲО

ДУРНАМОИ МУНОСИБАТҲО МАТРАҲ ГАРДИД

ҶАЛАСАИ НАВБАТИИ СИТОДИ ВИЛОЯТӢ ОИД БА ПУРЗӮР НАМУДАНИ ТАДБИРҲОИ ЗИДДИЭПИДЕМИЯВӢ

ОЗМУН БАРОИ ДАРЁФТИ СТИПЕНДИЯИ ПРЕЗИДЕНТИ ҶУМҲУРИИ ТОҶИКИСТОН

ТОҶИКИСТОН. 86,7 ДАРСАДИ БЕМОРОНИ COVID – 19 ШИФО ЁФТАНД

МАРЗҲОИ ӮЗБЕКИСТОН АЗ АВВАЛИ МОҲИ ОКТЯБР БОЗ МЕШАВАНД

ҶАҲОН ДАР ЯК САТР

17.09.2020


ТОҶИКИСТОН. АЗ COVID – 19 БОЗ 45 БЕМОР ШИФО ЁФТ

РОҒУН БА ИНТИХОБОТ ОМОДА АСТ!

ИНТИХОБОТИ ПРЕЗИДЕНТӢ. БА НОМЗАДҲО ШАҲОДАТНОМА СУПУРДА ШУД

16.09.2020


ТОҶИКИСТОН. 86,5 ДАРСАДИ ГИРИФТОРОНИ КОРОНАВИРУС ШИФО ЁФТАНД

ФАЙЗОБОД. ЧОРАБИНИИ СИЁСӢ ДАР САТҲИ БАЛАНД ХОҲАД ГУЗАШТ

ҶОМИ ТОҶИКИСТОН. ҶУФТҲОИ ДАВРИ НИМФИНАЛ МУАЙЯН ГАРДИДАНД

ИНТИХОБОТ. ВУСЪАТИ КОРҲОИ ОМОДАГӢ ДАР НОҲИЯИ РӮДАКӢ

ҶАВОНОН – ПАЙРАВОНИ ПЕШВОИ МИЛЛАТ. ҲАМОИШИ ИЛМӢ - СИЁСӢ ДАР АКАДЕМИЯИ ИДОРАКУНИИ ДАВЛАТӢ

ЛЕВАКАНТ. ПАХТАЧИНӢ ВУСЪАТ МЕГИРАД

ТОҶИКИСТОН НОЗИРОНИ ИДМ-РО БА ИНТИХОБОТИ ПРЕЗИДЕНТӢ ДАЪВАТ КАРД

ҶАҲОН ДАР ЯК САТР

15.09.2020


ТОҶИКИСТОН. 86,4 дарсади беморон шифо ёфтанд


Дар сомонаҳои дигари Тоҷикистон хонед