logo

сиёсат

НАБОЯД ФАРОМӮШ КАРД...

Дар ташаккули ҳаёти сиёсӣ, иқтисодӣ ва иҷтимоии халқу миллатҳо шахсиятҳои таърихие ҳастанд, ки ном, фаъолият ва зиндагиномаи онҳо бо таърих ва сарнавишти давлатдории ҳамон халқу миллатҳо пайванди ногусастанӣ дорад. Пешвои муаззам Эмомалӣ Раҳмон аз зумраи шахсиятҳоест, ки на танҳо дар ташаккул ва таҳаввули таърихи навини миллати тоҷик, балки дар эҳёи падидаҳои неку писандида ва арзишҳои волои фарҳангии ниёгонамон хизматҳои барҷаста кардааст.
Доир ба корнамоӣ ва матонату қаҳрамонии ин фарзанди фарзонаи миллати тоҷик ба забонҳои гуногун асарҳои алоҳидаи илмиву оммавӣ ва адабӣ ба табъ расида, дар васоити ахбори оммаи ватанию хориҷӣ матолиби зиёд интишор шудаанд. Вале нафаре, ки дар паҳлуи ин шахсияти худодод фаъолият мекунад, заҳмати шабонарӯзӣ ва созандаи ӯро мебинад, хуб эҳсос менамояд, ки ҳанӯз на ҳамаи ҷанбаҳои фаъолияти ин симои таърихиро ба қалам додаву инъикос кардаанд.
Чуноне воқеаҳои таърихии муборизаҳо баҳри озодӣ ва соҳибистиқлолӣ собит менамоянд, мардум бе пешвои матиниродаву хирадманд ҳаргиз  ба мақсадҳои хеш нахоҳад расид. Дар “Бурҳони қотеъ” - и Муҳаммадҳусайни Бурҳон омадааст: “Пешво – саркарда ва пешрави мардумон бошад ва ба арабӣ муқтадо ... гӯянд”. Бояд тазаккур дод, ки дар ин ҷо вожаи “муқтадо” ба маънои аввал, сараввал ва пешбар омадааст.  Пас, пешво шахсест, ки равандҳои эҳтимолии рушди ҷомеаро нисбат ба дигарон пештару амиқтар дарк намуда, қодир аст онҳоро ба сӯи фатҳи қуллаҳои нави зиндагӣ раҳнамун созад.
Набояд фаромӯш кард, ки озодӣ ва истиқлолият муқаддастарин ва волотарин дастоварди ҳар миллат мебошад ва саҳифаҳои пурифтихори озодихоҳиву ватанпарварии мардуми мо бо хуни ҳазорон далерону родмардони сарсупурда навишта шудаанд. Аз ин лиҳоз, тавре Сарвари давлат борҳо таъкид намудаанд, Истиқлолияти давлатии мо дар умқи таърихи куҳанбунёдамон решаҳои амиқи иҷтимоиву фарҳангӣ дорад. Аз мағз андар мағзи осори безаволи Одамушшуаро Рӯдакиву Ҳаким Фирдавсӣ, ғазалҳои оламгири Ҳофиз, Саъдӣ ва  Камоли Хуҷандӣ, фалсафаи Ибни Сино ва Форобию Аҳмади Дониш рӯҳияи истиқлолхоҳӣ меояд. Ҷоннисориҳои Спитамен, Абумуслим, Темурмалик, Шерак, Восеъ ва дигарон мисоли равшани муборизаи аҷдодони мо баҳри истиқлолият мебошад. Бо итминони комил метавон гуфт, ки талошҳои хастанопазири Пешвои муаззами тоҷикон Эмомалӣ Раҳмон баҳри сулҳу ваҳдат ва ободии Ватан идомаи ҳамон муборизаҳо мебошад.
Пешвои миллат муҳтарам Эмомалӣ Раҳмон ҳанӯз баъд аз 23 рӯзи интихоб шудан ба ҳайси Раиси Шӯрои Олӣ  дар муроҷиатнома ба халқи шарифи Тоҷикистон гуфта буданд: «Бародарон ва хоҳарони азиз, ҳамватанони муҳтарам! Ман ба ҳар яки шумо дар давраи барои Ватан хеле душвор муроҷиат карда, ба ақлу заковати шумо, ки ворисону фарзандони барӯманди тоҷик ҳастед, бовар мекунам. Ман қасам ёд мекунам, ки тамоми донишу таҷрибаамро барои дар ҳар хона ва ҳар оила барқарор шудани сулҳ равона карда, барои гулгулшукуфии Ватани азизам садоқатмандона меҳнат мекунам. Барои ноил шудан ба ин нияти муқаддас агар лозим шавад, ҷон нисор мекунам, чунки ман ба ояндаи неки Ватан ва ҳаёти хушбахтонаи халқи азияткашидаам бовар дорам».
Мартин Лиз, ректори Донишгоҳи сулҳи СММ, зикр намуда буд: «Иҷлосияи XVI қарори хирадмандона ва муҳимеро қабул кард, ки Эмомалӣ Раҳмоновро ба ҳайси Сарвари давлат интихоб намуд. Маҳз, пас аз ин қарори барои кишвар тақдирсоз раванди сулҳ шакли воқеиро касб кард ва пас аз чанд соли ба имзо расидани Созишномаи умумии истиқрори  сулҳ ва ризоияти миллӣ мо дар ин конфронси байналмилалӣ, ки бомуваффақият ва дар сатҳи олӣ дар Душанбе баргузор шуд, онро ҷашн гирифтем. Муҳим аст, ки сиёсатмадорон ва олимони иштирокчии ин конфронс қайд намуданд, ки таҷрибаи ҳалли мусолиҳатомези низоъ дар Тоҷикистон метавонад дар дигар нуқтаҳои даргири мухталифи ҷаҳон бомуваффақият истифода шавад».
Ҳамин тавр, агар ба таърихи пурғановату қадимаи худ бо дидаи таҳқиқ нигоҳ кунем, ба чунин хулоса меоем: агар Рӯдакӣ адабиёти моро поя гузошта, Исмоили Сомонӣ нахустин давлати мутамаркази халқи тоҷикро бунёд намуда, устод Садриддин Айнӣ пас аз ҳазор соли фаромӯшӣ забон ва адабиёти ғановатманди тоҷикро инкишоф дода, аллома Бобоҷон Ғафуров бо офаридани шоҳасари «Тоҷикон» нақши қаҳрамононаи халқи тоҷикро аз саҳифаҳои таърихи гумшудаю тороҷшуда ҷамъоварӣ намуда, роҳи пуршебу фарози таърихии халқро ба илми таърихи ҷаҳонӣ ворид сохта бошад, Эмомалӣ Раҳмон миллатро аз парокандагӣ ва мамлакатро аз фурӯпошӣ наҷот доданд. Кохи муҳташами сулҳро эъмор карда, тоҷиконро ҳамчун миллати дорои забон, фарҳанг ва таърихи қадима ба ҷаҳониён муаррифӣ намуданд ва Тоҷикистони муосирро дар арсаи олам ҳамчун давлати мустақил, дунявӣ ва демократӣ барқарор сохтанд. Аз ин лиҳоз, ба қадри ӯ расидан, ӯро ҳифз кардану  гиромӣ доштан, роҳи интихобкардаашро идома додан, вазифаи ҳар шахси худогоҳу миллатдӯст ва ватанпарвар мебошад.
Шарифхон ТИЛЛОЕВ, рӯзноманигор


Баёни ақида (0)    Санаи нашр: 13.04.2017    №: 76    Мутолиа карданд: 385

22.02.2019


Ҷаласаи Комиссияи сетарафаи танзими муносибатҳои иҷтимоию меҳнатӣ

Забони тоҷикӣ таърихи зиёда аз чорҳазорсолаи хату алифбо дорад

ББТ барои фаъолияти оператори низоми пардохтии “Осон” иҷозатнома гирифт

МАВСИМИ НАВИ ЛИГАИ ОЛӢ МОҲИ АПРЕЛ ОҒОЗ МЕГАРДАД

Путин самтҳои асосии сиёсати хориҷии Россияро тавзеҳ дод

Хадамоти вижаи 7 кишвари ИДМ машқи "Арарат-Антитеррор" мегузаронанд

Чин дар кайҳон неругоҳи барқи офтобӣ месозад

21.02.2019


ХУҶАНД. Оғози сохтмони бинои нави «Тоҷикстандарт»

ФУТБОЛ. Тақвими бозиҳои тими мунтахаби олимпии кишвар муайян гардид

Табибон аз Тотористон бо ҳампешаҳои тоҷики худ мубодилаи таҷриба мекунанд

Роҳандозии лоиҳаҳои инноватсионӣ дар Қазоқистон

Дар Ҳиндустон 13 иштирокдори тӯй зери чархи мошини боркаш монд

Сӯхтор сабабгори марги ҳафт кӯдак дар Канада

Ҷаҳон дар як сатр

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид


Дар сомонаҳои дигари Тоҷикистон хонед