logo

ҳуқуқ

ДУ РОҲБАРИ НАШЪАҶАЛЛОБ РАВОНАИ ЗИНДОН ШУД

Мақомоти судии кишвар ахиран шаҳрванди Ҷумҳурии Тоҷикистон Нуралӣ Бобоев ва шаҳрванди Ҷумҳурии Исломии Афғонистон Муҳаммад Зиракро бо ҷурми муомилоти ғайриқонунии воситаҳои нашъаовар аз ҷониби гурӯҳи муташаккил ба миқдори махсусан калон, равонаи зиндон карданд.
Ин гурӯҳи муташаккили ҷиноятии фаромиллӣ моҳи декабри соли гузашта аз ҷониби кормандони Агентии назорати маводи нашъаовари назди Президенти Ҷумҳурии Тоҷикистон ошкор гардида, роҳбарони гурӯҳ - Нуралӣ Бобоев ва Муҳаммад Зирак бо 203 килограмму  622 грамм воситаи нашъаовари навъи ҳашиш дастгир шуданд. Дар асоси маълумоти мавҷуда, Нуралӣ Бобоев, бо тахаллуси «Нури - Қарағоч» вазифаи  роҳбари тоҷикистонии гурӯҳи муташаккили ҷиноятиро ба зимма дошта, солҳои зиёд ба муомилоти ғайриқонунии воситаҳои нашъаовар ба миқдори махсусан калон машғул шудааст. Номбурда соли 2005 ҳамроҳи писари амакаш бо 191 килограмм маводи мухаддир, ки 101 килограммашро героин ва боқимондаашро афюн ташкил медод, дастгир ва ба ҷавобгарии ҷиноятӣ кашида шуда буд. Вале  ин ба ӯ сабақ нашуд ва пас аз адои ҷазо фаъолияти ҷиноятии худро давом дод. 
Дар вақти гузарондани чорабиниҳои фаврӣ - ҷустуҷӯӣ  муайян шуд, ки ин гурӯҳи муташаккили ҷиноятӣ маводи мухаддирро аз Афғонистон ба Тоҷикистон, Қирғизистон ва минбаъд ба Федератсияи Русия интиқол медодааст. Ҳамзамон, тафтишот собит сохт, ки Муҳаммад Зирак  роҳбарии умумии гурӯҳи муташаккилро ба зимма дошта, охирҳои моҳи ноябри соли гузашта  интиқоли маводи мухаддири аз ҷониби кормандони агентӣ мусодирашударо аз Афғонистон ба Тоҷикистон шахсан назорат кардааст. Баъд аз ин, ӯ аз Афғонистон ба Тоҷикистон омада, воситаҳои нашъаоварро қабул намудааст. Мавсуф, аз рӯи маслиҳати пешакӣ, барои дар ҷойи бехавф нигоҳ доштани маводи мухаддир онро бояд ба Нуралӣ Бобоев медод.
Роҳбари тоҷикистонии  гурӯҳи муташаккили ҷиноятӣ бо мақсади ғайриқонунӣ соҳиб шудан, нигоҳ доштан ва минбаъд интиқол додани 203 килограмму  622 грамм воситаи нашъаовар ба  хориҷи кишвар, автомашинаеро ба ихтиёри Муҳаммад Зирак гузошта, талаб кардааст, ки маводро ҳар чи зудтар ба ӯ дастрас намояд. 13 декабри соли 2016 ҳангоми ба Нуралӣ Бобоев додани воситаҳои нашъаовар ҳар ду дар ҷойи ҳодиса дастгир ва нисбаташон  парвандаи ҷиноятӣ оғоз шуд.
Пешбурди тафтиши пешакии парвандаи ҷиноятӣ  7 феврали соли равон анҷом ёфта, қочоқчиён бо моддаҳои 200 қисми 4 бандҳои «г, д» (муомилоти ғайриқонунии воситаҳои нашъаовар аз ҷониби гурӯҳи муташаккил, ба миқдори махсусан калон) ва 289 қисми 4 (қочоқи воситаҳои нашъаовар аз ҷониби гурӯҳи муташаккил) Кодекси ҷиноятии Ҷумҳурии Тоҷикистон айбдор дониста шуданд. Фикри айбдоркунӣ бо парвандаи ҷиноятӣ, 13 феврали соли 2017 аз ҷониби Прокуратураи генералӣ тасдиқ  шуда, барои моҳиятан дида баромадан ба мақомоти судӣ ирсол гардидааст.
Бино ба иттилои Агентии назорати маводи нашъаовари назди Президенти Ҷумҳурии Тоҷикистон, мақомоти судӣ, 10 марти соли равон, шаҳрванди Ҷумҳурии Тоҷикистон Нуралӣ Бобоев ва шаҳрванди Ҷумҳурии Исломии Афғонистон Муҳаммад Зиракро бо моддаҳои дар боло зикргардидаи кодекси ҷиноятӣ гунаҳгор дониста, аввалиро ба муҳлати 20 сол ва дувумиро  ба муҳлати 25 сол аз озодӣ маҳрум намуданд. Инчунин, бо ҳукми суд ду автомашинаи гаронарзиши тамғаҳои «БМВ» ва «ОПЕЛ», 6000 доллари амрикоӣ, ҷамъ ба маблағи 385  ҳазор сомонӣ мусодира шуд.
Агентии назорати маводи нашъаовари назди Президенти Ҷумҳурии Тоҷикистон ба Вазорати умури дохилии Ҷумҳурии Исломии Афғонистон бо мақсади дастгир ва ба ҷавобгарии ҷиноятӣ кашидани саркарда ва аъзои боқимондаи ин гурӯҳи муташаккили ҷиноятӣ, ки ҳоло дар қаламрави ҳамсоякишвар фаъолият менамоянд, мактуб ирсол намуд.
Додоҷон РӮЗИЕВ,  «Ҷумҳурият»


Баёни ақида (0)    Санаи нашр: 14.04.2017    №: 77    Мутолиа карданд: 513

22.10.2019


Иштироки ҳайати Тоҷикистон дар Форуми ҳамкориҳои Чин – Осиёи Марказӣ

Вохӯрии Сироҷиддин Муҳриддин бо Ҳейти Мяемеэс

Тоҷикистон дар раддабандии «AFAR» ҷойи аввалро гирифт

Дар Исфара машварати омӯзишӣ баргузор мешавад

9 ноябр - бозии дӯстонаи мунтахаби Тоҷикистону Малайзия

Амалиёти Туркия дар Сурия боиси тарки манзил кардани 70 ҳазор кӯдак шуд

Дар Қазоқистон ба собиқ Президент Назарбоев ваколатҳои бештар доданд

ВКХ Туркия: «Мо амалиётро идома медиҳем, агар террористон нараванд»

Омодашавии ИМА барои аз Афғонистон пурра баровардани артиш

Громов: «Имтиёзҳои андозбандиву гумрукӣ метавонанд “Газпром”- ро ба Тоҷикистон ҳавасманд кунанд

Ҷаҳон дар як сатр

21.10.2019


Баррасии рушди ҳамкориҳои байнипарлумонии Тоҷикистону Россия

Вохӯрии Давлаталӣ Саид бо Шэн Юэюэ

Ҷаласаи Шӯрои ҳамоҳангсозии фаъолияти мақомоти ҳифзи ҳуқуқ

Ҷонсон аз Иттиҳоди Аврупо то январи соли 2020 мавқуф гузоштани Брекситро хоҳиш намуд

Трамп умед дорад, ки ба қарибӣ бо Чин шартномаи тиҷоратӣ мебандад

Кандашавии сарбанд дар қарибии Красноярск боиси марги 15 нафар гашт

ИМА аз Афғонистон 5 ҳазор низомиашро мебарорад

Володин: «Россия ба кормандон аз Тоҷикистон ниёз дорад»

Ҷаҳон дар як сатр

18.10.2019


Дар Арабистони Саудӣ садамаи автомобилӣ боиси ҳалокати 35 зоир гашт

Нигаронии муовини Дабири кулли СММ аз афзудани хавфи сарзании ҷанги ядроӣ

Артиши Сурия бори аввал дар панҷ сол вориди Раққа шуд

Таллин барои дучархасавор шудани сокинон 195 миллион евро харҷ мекунад

Ҷаҳон дар як сатр

Қонунгузорӣ. Ҷазо барои шиканҷа пурзӯр мегардад

Суғд. 557 ҳодисаи фавқулода дар нуҳ моҳ

Хуҷанд мизбони Чемпионати Осиё оид ба самбо - 2022

15.10.2019


Иштироки низомиёни тоҷик дар машқҳои СААД дар вилояти Нижегород

Иттиҳоди Аврупо аз Туркия баровардани сипоҳашро аз Сурия талаб намуд

Ҷоизаи Нобел оид ба иқтисодро барои талоши мубориза бо қашшоқӣ супурданд

Назарбоев ва иштиёқи расмкашӣ

Ҷаҳон дар як сатр

14.10.2019


Роҳи Помир ба панҷгонаи зеботарин роҳҳои дунё шомил гардид


Дар сомонаҳои дигари Тоҷикистон хонед