logo

ҳуқуқ

ҚАЛЛОБӢ. ҲЕҶ УЗРЕ НАДОШТ, РАСВО ШУД

Дар зиндагӣ як зумра ашхосе вомехӯранд, ки бо дурӯғу фиребу қаллобӣ зиндагии худро ба сар мебаранд ва ғофил аз он, ки ин кирдорҳои бадашон рӯзе ошкор гардида, дар ҷомеа шармандаву расвояшон  мекунад ва он қадар пушаймон мешаванд, ки дигар суде надорад. Шоир дар ин бобат бамаврид фармудааст:
Он фиреби нуҳуфта пайдо шуд, Ҳеҷ узре надошт, расво шуд.      
Насимҷон Раҳимов баъди хатми донишгоҳ соли 2013 дар ҶСК «Ориёнбонк» ба ҳайси корманди шуъбаи қарздиҳӣ чор моҳ фаъолият дошт. Баъди муддате ба Ҷумҳурии Кореяи Ҷанубӣ рафт ва се моҳ дар он ҷо кор карда, ба Тоҷикистон баргашт. Зеро муҳлати раводид ба ин кишвар се моҳ аст. Дар давоми солҳои 2013 - 2014 се маротиба ба Ҷумҳурии Кореяи Ҷанубӣ сафар карда, тартиби рафту омадро омӯхт
Н. Раҳимов моҳи сентябри соли 2015 бо Парвиз Сабуров шинос шуда, мефаҳмад, ки ӯ мақсади ба  Ҷумҳурии Кореяи Ҷанубӣ сафар карданро дорад. Аз ин фурсати  муносиб истифода намуда, бо мақсади ба даст даровардани даромади муфт худро ҳамчун шахси уҳдабаро муаррифӣ карда, дар Ҷумҳурии Кореяи Ҷанубӣ бо ҷойи кори фоиданок таъмин намуданро ваъда дод. Барои омода намудани ҳуҷҷатҳо, гирифтани раводид ба номи Сабуров Парвиз ва дигар хароҷотҳо  1500 долларро гирифта ваъда дод, ки дар давоми 70 рӯз ҳамаи онҳоро омода менамояд. Баъди гирифтани маблағ ягон амалро иҷро накард ва 500 долларро ба онҳо баргардонда, 1000 долларро ба манфиати шахсии худ истифода намудааст.
Боз ӯ  моҳи феврали соли 2016  бо Тилло Баёдов шинос гардида, ёфтани ҷойи кории қулайро дар Ҷумҳурии Кореяи Ҷанубӣ бо пардохти музди меҳнати 100 доллари ИМА дар як шабонарӯз ваъда дода, барои омода намудани ҳуҷҷатҳо, аз қабили раводид, хариди чипта ва дигар хароҷот маблағи 3000 доллар гирифта, гуфт, ки дар давоми 70 рӯз онҳоро омода менамояд. Ӯ ҳуҷҷатҳоро омода карда натавониста, фақат 1000 долларро ба Т. Баёдов   баргардонду халос.
Ба ҳамин тариқ ӯ аз Абдухалил Ваҳидов 520 доллар, Шуҳрат Носиров 3500 доллар, Шамсулло Бегов  3950 доллар гирифтааст.
Суди ноҳияи Шоҳмансури шаҳри Душанбе дар ҳайати раисикунанда Сурайё Ҷобирзода Насимҷон Раҳимовро бо моддаи 247 қисми 4 банди «б» Кодекси ҷиноятии Ҷумҳурии Тоҷикистон гунаҳгор дониста, ба ӯ ҷазои маҳрум сохтан аз озодӣ ба муҳлати 9 сол, бо маҳрум кардан аз ҳуқуқи  ишғоли мансабҳои  ҷавобгарии моддидошта дар ташкилоту муассисаҳо новобаста аз шакли моликияташон ва фаъолияти соҳибкорӣ ба муҳлати 4  сол, бо адо намудани ҷазо дар колонияҳои ислоҳии дорои низоми пурзӯр, таъйин намуд.
Ҳамчунин суди мазкур ҳукм кард, ки аз ҳисоби Насимҷон Раҳимов ба фоидаи ҷабрдидаҳо: А. Сабуров 1000 доллар мутаносибан бо асъори миллӣ 7900 сомонӣ, А. Ваҳидов 520 доллар, Ш. Носиров  3500 доллар мутаносибан бо асъори миллӣ 28 000 сомонӣ, Ш. Бегов  3950 доллар  мутаносибан бо асъори миллӣ 31000 сомонӣ рӯёнида шавад.
Мунаввари САФАР,  “Ҷумҳурият”


Баёни ақида (0)    Санаи нашр: 17.04.2017    №: 78    Мутолиа карданд: 482

23.01.2020


ҶОМИ ФФТ. Маросими қуръакашии минтақаи Душанбе доир шуд

Озмуни «Ҳунарҳои ороишӣ аз санг» доир мегардад

Усулҳои муосири муқовимат ба ифротгароии хушунатомез миёни ҷавонон

Мубориза бо коррупсия — кори дастаҷамъона

Ба ҶДММ “РСМ Тоҷикистон” иҷозатнома дода шуд

Ӯзбекистон аз харидорони асосии сементи тоҷик аст

Меркел бо Си Ҷинпин натоиҷи конфронси Берлин оид ба Либияро баррасӣ намуд

Солеҳ ва Трамп масъалаи аз Ироқ баровардани сипоҳи хориҷиро мавриди муҳокима қарор доданд

Котиби давлатии ИМА бори аввал ба Минск меояд

Ба сокинони Ухани бинобар хурӯҷи коронавирус тарки шаҳрро манъ карданд

Ҷаҳон дар як сатр

22.01.2020


Лигаи чемпионҳо. Ғалабаи "Истиқлол" бар "Локомотив"

ОЗМУН БАХШИДА БА РӮЗИ ҚУВВАҲОИ МУСАЛЛАҲ

Гутерреш: «Ҷамъомади кумитаи муштарак оид ба Либия мумкин аст 28 январ баргузор гардад»

Трамп бо Лондон созишномаи тиҷоратиро муҳокима кардан мехоҳад

Барои офаридани ваксинаи русӣ бар зидди коронавируси чинӣ ним сол зарур аст

Дар Лубнон бори нахуст зан вазири мудофиа шуд

Дар Чин собиқ сарвари Интерпол барои пора 13,5 сол паси панҷара меравад

Ҷаҳон дар як сатр

Маъюбон. Махзани ягонаи электронӣ таъсис ёфт

21.01.2020


"ҶОМИ РУШД – 2020". Тоҷикистон тими Исландияро шикаст дод

Россия ва Франсия ба музокирот дар чорчӯбаи «2+2» тайёрӣ мебинанд

Баҳои коршиноси Амороти Муттаҳидаи Араб ба конфронси Берлин оид ба қазияи Либия

Салиби сурх: «Ҷанги Яман боиси фирори се миллион нафар гашт»

Шарқи Канада зери барф монд

Соли гузашта дар Италия ҳар ним соат замин ҷунбид

Ҷаҳон дар як сатр

03.01.2020


 БАЙНИ ТОҶИКИСТОН ВА АФҒОНИСТОН РОҲИ ОҲАН БУНЁД МЕГАРДАД

 ДАР ХОРУҒ КӮДАКИСТОН МАВРИДИ БАҲРАБАРДОРӢ ҚАРОР ГИРИФТ

 ХОВАЛИНГ. БЕМОРХОНАИ РАҚАМӢ БА ИСТИФОДА ДОДА ШУД

 AIRBUS БОРИ НАХУСТ АЗ СОЛИ 2011 АЗ BOEING ПЕШ ГУЗАШТ

 ОБХЕЗӢ ДАР ИНДОНЕЗИЯ БОИСИ ҲАЛОКАТИ 26 НАФАР ГАШТ

 НИДЕРЛАНД РАСМАН АЗ "ГОЛЛАНДИЯ" ДАСТ КАШИД

 ДАР ҚАЗОҚИСТОН МУСОФИРИ ҲАВОПАЙМОИ СУҚУТКАРДАРО МУКОФОТОНДАНД


Дар сомонаҳои дигари Тоҷикистон хонед