logo

иҷтимоиёт

ИФРОТГАРОӢ. МУБОРИЗАИ БЕАМОН БОЯД БУРД

Ҷавонон ҳамчун сарчашмаи идеяву назарияҳои нави илмӣ, созандагӣ, ободкорию бунёдкорӣ барои пешрафти Тоҷикистони тозаистиқлол нақши муҳим доранд. Бинобар ин, барои насли имрӯз зарур аст, ки ҳисси баланди миллӣ дошта, бо Ватан, миллат ва забону фарҳанги хеш ифтихор намоянд ва барои ҳимояи онҳо ҳамеша омода ва ҳушёру зирак бошанд.
Мутаассифона, сатҳи тафаккури ҳамаи ҷавонон яксон нест. Солҳои  охир даҳшатафканӣ, таблиғи ғояҳои тахрибӣ дар байни баъзе ҷавонон ба хатари глобалӣ табдил ёфта, ҷаҳони муосирро ба ташвиш овардааст.
Имрӯзҳо созмону ниҳодҳои динӣ  ва  ҳизбу ҳаракатҳои дорои тамоюли динидошта хеле фаъол ва зиёд гардида, ба ҳаёти сиёсӣ - иҷтимоӣ ва маънавӣ бештар таъсир мерасонанд. Зеро қудратҳои ҷаҳонӣ аз ин омилҳо хеле моҳирона ба суди худ истифода мебаранд.
Ба андешаи Аслан Муминов, директори ташкилоти ҷамъиятии «Насли нави Тоҷикистон», ҳоло ҷавонон яке аз қишрҳои осебпазири ҷомеа ба ҳисоб мераванд ва гурӯҳҳои сиёсиву динӣ ба хотири амалӣ намудани манофеи сиёсии хеш аз ин гурӯҳ суистифода менамоянд. Эътимоди ҷавонон ба равияҳои экстремистӣ эҳсоси нотавонбинӣ, ҳирси молу ҷоҳ ва дар бисёр маврид нафратро ба миён оварда, метавонад боиси бегонагӣ ва ҷудоӣ аз раванди ягонагӣ, ҳамкорӣ, ҳамзистӣ таҳаммулпазирӣ гардад. Инқилобу бетартибиҳое, ки вақтҳои охир дар давлатҳои дигар ба вуқӯъ омада истодаанд, бо дасти ҷавонон амалӣ  мешаванд. Имрӯз қисми зиёди гурӯҳи террористии ба ном «Давлати исломӣ» - ро асосан ҷавонон ташкил медиҳанд, ки сабаби асосии воридшавии онҳо ба чунин созмонҳои ифротӣ паст будани саводи динӣ ва ҷаҳонбинии тангу торик мебошад.
Ғиёсиддин Достиев, мудири бахши ҷавонон, варзиш ва сайёҳии шаҳри Кӯлоб, дар ин маврид андешаи дигар дорад. Ба ақидаи ӯ, шомил гардидани баъзе аз ҷавонон ба ҳизбу созмонҳои ифротӣ омили иҷтимоӣ, иқтисодӣ ва маърифати динӣ дорад. Хатари созмонҳои ифротӣ, барои аҳли башар бисёр ҷиддӣ буда, бетарафӣ ва бепарво будан нисбат ба ин зуҳурот оқибатҳои ниҳоят бад дорад. Аз ҳамин сабаб Пешвои миллат муҳтарам Эмомалӣ Раҳмон соли 2017 - ро «Соли ҷавонон» эълон намуданд, ки бисёр ба маврид аст. Имрӯз вақти он расидааст, ки ба ҷавонон таваҷҷуҳи хоса зоҳир гардад, то ин ки ин қишри ҷомеа ба самти созандагӣ, бунёдкорӣ, сулҳу субот  ва рушди ҷомеа сафарбар гардида, ба сӯи харобкорӣ ва ифротгароиву тундгароӣ майл намудани онҳо пешгирӣ шавад. Яке аз мушкилоти асосии бархе аз ҷавонон сатҳи пасти дониш ва бемаърифатӣ буда, боқӣ дигар мушкилиҳо ба он сахт вобастагӣ доранд.  Роҳи  ҳалли он аз чӣ гуна идома ёфтани раванди таълиму тарбия дар муассисаҳои таҳсилотӣ вобаста аст. Вале баробари ин, ҳоло ҷавононе, ки соҳиби донишу саводи баланд ҳастанду баҳри соҳиби касбу ҳунар шудан кӯшиш ба харҷ медиҳанд, кам нестанд. Аз ин рӯ, кормандони ташкилоту муассисаҳо ва масъулонро зарур аст, ки нисбат ба ҷавонон таваҷҷуҳи беандоза зоҳир намоянд. Ҳамзамон, мо - ҷавононро зарур аст, ки бо донишу малакаи хубу баланд, касбу ҳунар сазовори чунин қадрдониҳо  шуда,  саҳми худро дар ободии диёрамон гузорем.
Фаромӯш набояд кард, ки мубориза бо нафароне, ки барои даъват ба гурӯҳҳои ифротӣ машғуланд, на танҳо вазифаи мақомоти ҳифзи ҳуқуқ  ва идораҳои давлатӣ аст, балки дар ин корзор тамоми аҳли ҷомеа, бояд бетараф набошанд. Танҳо дар ҳамин маврид мо метавонем пеши роҳи майл намудани ҷавонон ба гурӯҳу созмонҳои тахрибкор ва амалҳои номатлубро гирифта дар онҳо тафаккури созандаро ташаккул диҳем.
Шаҳбоз АБРОР,  «Ҷумҳурият»


Баёни ақида (0)    Санаи нашр: 17.04.2017    №: 78    Мутолиа карданд: 445

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед