logo

иқтисод

ТАМАЪ Ё МУШКИЛИ ЯК СОҲИБКОР

Бо вуҷуди кӯшишҳои ҳамешагии давлату Ҳукумат ҷиҳати дастгирии соҳибкорӣ ва рушди истеҳсолот ҳанӯз ҳам ниҳодҳое ҳастанд, ки  ба ҷои мусоидат, баръакс барои рушди соҳибкорӣ монеаҳои сунъӣ эҷод мекунанд. Муассисаи давлатии Фонди дастгирии соҳибкорӣ аз зумраи чунин мақомот ба ҳисоб меравад.  Давлат ҳар сол миллионҳо сомониро тариқи қарзи имтиёзнок дар ин ташкилоти соҳибнуфуз барои соҳибкорон ҷудо менамояд, то кишоварзон тавассути бунёди корхонаҳои хурди саноатӣ дастранҷашонро коркард бикунанд ва маҳсулоти тайёрро пешкаши  муштариён намоянд, аммо...

Далелеро аз сарсониҳои хеш, ки ба идораи мазкур иртибот дорад,  зикр  мекунам. Аз соли 1999 хоҷагии деҳқонӣ ташкил намудем. Вобаста ба шароит чорвопарвариро ба роҳ мондем. Аз 16 сар гови ҷӯшо шир ҷӯшида, онро ба корхонаҳои коркарди шири шаҳри Кӯлоб месупурдем. Дар ин муддат маҳсулоти хоми супоридаи мо ба 290 - 300 тонна мерасад. Порсол баъди андешаю таҳлилҳо ба хулосае омадем, ки дар хоҷагӣ корхонаи хурди коркарди шир бунёд кунем. Зеро бо тақозои сохти бозорӣ ва зиёд гардидани хоҷагиҳои деҳқонӣ дар деҳоти гирду атроф чорводорон хеле зиёд шуданд ва дар бисёр ҳолатҳо намедонанд, ки шири истеҳсолнамудаашонро куҷо баранд.
Аввал дар  даргоҳи соҳибнуфуз ба мо не нагуфтанд. Фармуданд, ки «бизнес – план» омода намоем, нақшаю талаботамонро бо графики харҷ намудани маблағи қарзӣ дарҷ намоем. Сарвари идора Фирдавс Усмонов маслиҳат дод, ки агар корхонаро фарзандатон Шоҳрух  Ҳалимов бунёд карданӣ бошад, пас, бигузор ӯ машғули ин кор шавад. 
Шоҳрух, ки ҷавон аст, бо  ду - се сафараш ба пойтахт бо кормандони ҷавони идора филфавр забон ёфт. Онҳо аз Шоҳрух барои омода кардани як лоиҳаи пурхато  яке ҳафт ҳазор, дуюмӣ панҷ ҳазор, боинсофтарашон се ҳазор сомонӣ хизматона талаб кардаанд. Лек бо пардохти хизматона ҳам кор буд нашуд. Ночор бо димоғи сӯхта дигарбора  ба зиёрати Ф. Усмонов даромадам ва фасодкориҳои кормандони идораашро якто намонда фош кардам. Бо дахолату таҳдидҳои сахти  раис  маблағи моро баргардонданд. Аммо ташвишҳои нимсолаи мо ҳама барабас  рафтанд. Супориши додаи раис дар хусуси дидани оғилхонаҳои хоҷагӣ ва амволи барои гарав пешниҳодшуда иҷро нашуда монд. Ходими ин идора ба деҳа сафар карда, бо баҳонаи «дар Ховалинг корам заруртар аст», ба хонаҳо,  техника ва ҳайвоноти ба гаравгузошта  на аҳамият доду на онҳоро аксбардорӣ намуд. Бо вуҷуди ин, Ф. Усмонов ба ходими бемасъулияташ  бовар намуда, бо имзои хеш ба номи хоҷагидор  ҷавоб гардонд, ки «гаравпулиатон  нокифоя будаасту додани қарз салоҳ дониста намешавад».
Деҳқонон талош мекунанд, ки бо заҳмати шабонарӯзӣ ҳарчи бештар ҳосилнокиро зиёд, ҳам зиндагии худро беҳтар созанд, ҳам бозорро  ғанӣ гардонанд.  Роҳбарони ҳокимияти маҳаллӣ низ кӯшиш доранд, ки дар паҳлуи заҳматкашон бошанд, хурдтарин ташаббуси эшонро дастгирӣ намоянд. Раиси ноҳияи Восеъ Ғафурзода Мӯсо нақшаи корхонасозии муаллими ҷавон Шоҳрух Ҳалимовро бо хурсандӣ истиқбол намуд. Вале Фирдавс Усмонов ба нияти нек хати батлон кашид.
Пас чӣ бояд кард? То кай як мақомоти алоҳида метавонад дар татбиқи сиёсати созандаи Ҳукумат саҳлангорӣ кунад?!
Ғайбулло ҲАЛИМОВ, ноҳияи Восеъ


Баёни ақида (0)    Санаи нашр: 17.04.2017    №: 78    Мутолиа карданд: 493

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед