logo

иҷтимоиёт

ДАР ҶОДАИ ИХТИРОЪ

Ӯ рӯи варақҳои нафиси болои миз тарҳи берунаи як силсила биноҳои нотамоми сохтмонро кашида, таваҷҷуҳи муаллимону меъморонро ба худ ҷалб менамуд. Устодони Донишгоҳи техникии Тоҷикистон ба номи академик Муҳаммад Осимӣ дар чеҳраи ҷавони хушзеҳн ихтироъкори навоварро медиданд. Ҳамин буд, ки Аҳмадҷон Раҳмоновро баъди хатми факултети сохтмон ва меъморӣ дар донишгоҳ ба кор гирифтанд. Ба муаллими ҷавон, ки пайваста дар пайи ҷустуҷӯю таҳқиқот буд, ниҳоят, муяссар шуд, ки соли 2015 дар Донишгоҳи давлатии меъморию сохтмонии Қазони Федератсияи Русия рисолаи номзадиро таҳти унвони “Мустаҳкамӣ, мазбутӣ ва тарқишустувории болорҳои нобуридаи бетонӣ бо арматураи композитӣ армиронидашуда” дифоъ намояд.
Бино ба гуфтаи олими ҷавон, дар замони муосир ҳангоми бунёди биноҳо дар баробари арматураи анъанавии филизӣ, инчунин, арматураи базалтӣ (полимерӣ) истифода мешавад. Аммо ӯ дар сохтмон истифода намудани арматураи базалтиро авлотар мешуморад. Зеро чунон ки таҷрибаҳои олимони  маъруфи ҷаҳонӣ нишон медиҳанд, 13 дарсади унсурҳои оҳану бетонӣ танҳо аз ҳисоби зангзанӣ вайрон мешаванд. Дар ҳамин ҳол устувории ҷинсҳои кӯҳии базалтӣ нисбати филизӣ  панҷ - шаш маротиба зиёд буда, муҳлати истифодаи онҳо қариб 300 солро ташкил медиҳад. Аз ин рӯ, Аҳмадҷон Раҳмонов дар ҳошияи рисолааш далел меорад, ки истифодаи арматураи базалтӣ аз нигоҳи иқтисодӣ хеле  манфиатовар аст. Масалан, агар як болори арматураи филизиро ба базалтӣ иваз намоем, аз ҳисоби нархи маҳсулот метавон 7,8 дарсад сарфа кард. Бар замми ин, арматураи базалтӣ нисбат ба арматураи филизӣ  мустаҳкамтар ва се маротиба  сабуктар буда, ба зангзанӣ тобовар мебошад.
Чуноне Аҳмадҷон Раҳмонов иброз медорад, захираҳои ҷинсҳои кӯҳии базалтӣ сӣ дарсади қишри заминро ташкил медиҳанд ва сарзамини Тоҷикистони офтобрӯяи мо аз онҳо бой мебошад. Фурсате расидааст, ки бо истифода аз ин  имконот истеҳсоли арматураҳои базалтӣ бештар ба роҳ монда шавад. Вале, алҳол дар кишвар танҳо як чунин коргоҳ, ки моҳи августи соли 2014 дар шаҳри Бӯстони вилояти Суғд мавриди баҳрабардорӣ қарор гирифта буд, фаъолият дорад.
Тайи солҳои охир олими ҷавону умедбахш бо таълифоти илмии хеш оид ба зарурати истифодаи арматураи базалтӣ дар симпозиумҳои байналмилалии шаҳрҳои Чебоксар, Йошкар - Ола, Қазон, Москва  ва Душанбе иштирок карда, сазовори эътирофи олимон гаштааст. Махсусан, дар ҳамоиши олимони ҷавон, ки дар Ҷумҳурии Марий Эли Федератсияи Русия баргузор гашта буд, маърӯзаи илмии ӯ “Истифодаи арматураи базалтӣ дар конструксияҳои сохтмонӣ, методикаи ҳисоби конструксияҳое, ки бо арматураи базалтӣ лоиҳакашӣ карда шудаанд” аз ҷониби донишмандон баҳои баланд гирифт.
Узви вобастаи Академияи муҳандисӣ, сардори идораи корҳои илмию тадқиқотии ДТТ, номзади илмҳои техникӣ Аҳмадҷон Раҳмонов то имрӯз 30 мақолаи илмӣ ва 3 дастури методӣ ба табъ расонда, соҳиби 5 патенти ихтироот мебошад. Алъон, ӯ дар мавзӯи “Истифодаи арматураи базалтӣ дар санҷиши биноҳои баландошёна” рисолаи докториро таълиф намуда истодааст. Олими ҷавон талош бар он дорад, ки тавассути ихтироъ ва навовариҳояш дар пешрафти илму фарҳанг ва техникаи тоҷик  саҳми муносиб ва арзандаи хешро бигузорад.
Сипеҳр  Абуабдуллоҳи ҲАСАНЗОД,
Журналист


Баёни ақида (0)    Санаи нашр: 18.04.2017    №: 79    Мутолиа карданд: 283

22.09.2017


Мулоқоти Сироҷиддин Аслов бо Кай Микканен

Баррасии татбиқи қонун «Дар бораи таҳсилоти калонсолон»

Масоили густариши ҳамкориҳо дар соҳаи маориф матраҳ гаштанд

Ҷаласаи XVI Кумитаи ҳамкории гумрукӣ

10 комбайни нав дар шолизор

21.09.2017


Вохӯрии Сироҷиддин Аслов ва Хосе Гратсиано да Силва

Баргузории конференсияи илмӣ-назариявӣ

Баррасии тавсеаи ҳамкориҳо дар соҳаи таҳсилоти олӣ

Дар Хуросон ҳосили хуб ба даст оварданд

Теъдоди қурбониёни заминларзаи Мексика ба 230 нафар расид

Дар Арабистони Саудӣ ба иди миллӣ бори нахуст занонро даъват намуданд

Насли нави рақамӣ иқтисоди Чинро дигар мекунад

20 миллиони фонди Ди Каприо ба ҳимояи муҳити зист

Дар дунё 40 миллион дар ғуломӣ қарор дорад

20.09.2017


Мулоқоти Сироҷиддин Аслов ва Петер Сиярто

Абдулхалил Бахтиёр: «Мардуми Афғонистон аз кумакҳои халқи тоҷик сипосгузоранд»

Таҷлили 26 - солагии Истиқлолияти давлатӣ дар Япония

Дар Тошканд Рӯзҳои фарҳанги Тоҷикистон баргузор мешавад

5 – УМИН БОЗИҲОИ ОСИЁ. 14 медал дар чаҳор рӯз

«Истиқлол» боз қаҳрамони мусобиқоти футболи кишвар

Истеҳсоли асал меафзояд

ҚАЛЛОБӢ кам, вале худсарона ишғол намудани замин зиёд шудааст

Ҷаҳон дар як сатр

Дар Мексика заминларзаи мудҳиш боиси ҳалокати 139 нафар гашт

Гутерреш ҳафт хатари ҷиддӣ ба инсониятро ном бурд

ИМА дар Сурия бо Русия сабқат намекунад

Макрон: «Созишномаи Париж оид ба иқлим таҷдиди назар нахоҳад шуд»

Минагузории сарҳад бо Бангладеш

Чин ҳуқуқи моликияти зеҳнии ширкатҳои хориҷиро ҳифз мекунад

19.09.2017


Мулоқоти Сарвазир бо намояндагони ширкати «Grupo АСS»

Густариши ҳамкориҳо бо Арабистони Саудӣ

Аввалин воситаи таълимӣ оид ба сиёсати хориҷии Тоҷикистон

Баргузории Форуми байналмилалии «Помир Инвест»

Як нишасти муҳим


Дар сомонаҳои дигари Тоҷикистон хонед