logo

фарҳанг

ХУБ МЕШУД, КИ... АНДЕШАҲО ДАР АТРОФИ ИДИ КИТОБ БАРОИ КӮДАКОН

Ҳамасола дар ҷумҳурӣ Фестивали ҷумҳуриявии  «Ҳафтаи китоби кӯдакону наврасони Тоҷикистон» гузаронда мешавад. Ташаббускор ва ташкилкунандаи он Китобхонаи давлатии бачагонаи ҷумҳуриявии ба номи Мирсаид Миршакар  мебошад.

Дар доираи фестивал на танҳо намоиши китоб, балки вохӯрии бачагон бо шоиру нависандагон низ ташкил карда мешавад. Ин ҷо мехостам таассурот ва баъзе андешаҳои худро  оид ба  фестивали имсола  баён намоям.
Боиси хурсандист, ки ин маъракаи фарҳангии кӯдакон аз шарофати масъулияту  вазифашиносии  кормандони китобхонаҳои шаҳру ноҳияҳо ва муассисаҳои таълимӣ   сол аз сол пуршукӯҳу пурмазмунтар мегардад. Имсол  дар ин маърака  тарбиятгирандагони кӯдакистонҳо низ  ширкат варзиданд.  Ҳунарнамоӣ ва шеърхонии хурдтаракон на фақат ба калонсолон хуш омад, балки дида мешуд, ки худи онҳо низ аз ин кору амали мақбули  хеш  рӯҳбаланду хушнуд  гардиданд. Инро дар толори муассисаи таҳсилоти миёнаи умумии № 50 - и ноҳияи Синои шаҳри Душанбе, ҳангоме ки мутаваҷҷеҳи ҳунарнамоии шогирдон менишастам, пай бурдам.
Дар муассисаи таълимии № 48 - и ноҳияи Шоҳмансури пойтахт бошад, хонандагони синфҳои поёни он қадар бо эҳсосоту шавқ  шоҳномахонӣ мекарданд, ки  шуниданаш ба ҳар кас  хуш меомад. 
Адибоне, ки дар муассисаҳои таълимии шаҳру навоҳии кишвар ширкат доштанд, ҳамагон бо таассуроти хуб баргаштанд.  Аз пазироии гарму самимонаи  кӯдакону наврасон аён буд, ки  эшон ташнаи чунин ҷамъомаду суҳбатҳо оид ба китобу  дониш ҳастанд.  Агар дар таълимгоҳҳо ва ё китобхонаҳои шаҳру ноҳияҳо  чунин вохӯриву ҷамъомадҳо мунтазам барпо шаванд, кори тарбия беҳтар ва сатҳи маърифати кӯдакону наврасон болотар хоҳад гашт. Барои иҷрои ин амали хайр дар доираи фестивал маҳдуд шудан шарт нест. 
Хуб мешуд, ки дар радифи чунин тадбирҳои пурарзиш боз як кори нек - маҳфили сайёри навқаламон  ва рассомони наврас бо ширкати адибону рассомони шинохта ташкил  меёфт. Адибони барои кӯдакон эҷодкунанда  башумор мондаанд ва синнашон низ ба ҷое расида. Бояд тарбияи насли нави адибон тариқи ҷудо намудану таҳти сарпарастӣ қарор додани истеъдодҳо ба роҳ монда шавад.
Нашри китоб барои кӯдакону наврасон бидуни ороиши хуб  берангу бӯст. Дар нашри он барои бачагон мо адибон ва ноширон ҳамеша  ба рассоми нозукхаёл ниёз дорем. Дар ин ҷода мушкилтар аз ҳама ҳамдигарфаҳмиву ҳамгироии рассому адиб аст. Тариқи ташкили дурусти раванди тарбияи якҷояи адибу рассом метавон ба ин ҳадаф зудтар расид. Аминам, ки ин орзу низ  рӯзе  ҷомаи амал хоҳад пӯшид.                                                  
Сафияи НОСИР, адиба


Баёни ақида (0)    Санаи нашр: 18.04.2017    №: 79    Мутолиа карданд: 633

23.04.2019


ДЗЮ – ДО. Медали нуқраи Темур Раҳимов аз Чемпионати Осиё

Тиб. Муваффақияти камназири ҷарроҳони рус

Пирӯзии Зеленский дар интихоботи Украина

Фоҷиа дар Шри-Ланка Теъдоди қурбониён ба 300 нафар расид

Лукашенко Россияро ҳомии истиқлолияти Беларус номид

Ёрии низомию техникии Қазоқистон ба Тоҷикистон

Ҷаҳон дар як сатр

22.04.2019


НИММАРАФОНИ БАЙНАЛМИЛАЛИИ ДУШАНБЕ. Фенти Тилахан дар мақоми аввал

Ваҳдат ҳусни тоза мегирад

ХОРУҒ. Бунёди бинои шабакаи ёрии таъҷилӣ

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр


Дар сомонаҳои дигари Тоҷикистон хонед