logo

иҷтимоиёт

АЗ ТАБОРИ ҲУНАР

Дар  Театри  давлатии ҷавонони  Тоҷикистон ба номи Маҳмудҷон  Воҳидов хатмкунандагони  тоҷикистонии  Омӯзишгоҳи олии театрии  Москва  ба номи Шепкин асарҳои дипломии худро ба намоиш гузоштанд. Дар ин миён,  ҳунарманди ҷавон Умед Хисравов бо иҷрои самимиву заминии  нақши Аметистов дили мухлисонро тасхир кард.
Қаҳрамони намоиши «Ҳуҷраи Зояхонум»-и Михаил Булгаков дар даврони гузариш, дар ҳоле ки чоплусиву дурӯягӣ дар ҷомеа реша давонда буд, зиндагӣ дошт ва ба хотире, ки  чун инсони росткору ростқавл ва некандеш дар мавқеи иҷтимоиаш устувор монад, барояш лозим омад, ки маҳрумиятҳои зиёдеро паси сар намояд. Тинати қаҳрамон ба олами ботинии бозигар мувофиқат мекарду ин ҳамбастагӣ тасвирро дар саҳна боз ҳам ҷаззобтару барҷаста месохт.
Бо поён ёфтани намоиш садри  Омӯзишгоҳи олии театрӣ, Артисти халқии СССР Всеволод Осталский дасти волидони ҳунарпешагони ҷавонро, ки дар қатори тамошогарон ҷой гирифта буданд,  як-як    фишурда онҳоро табрик гуфт. Ба ӯ ҳунарпешаҳои шинохтаи тоҷик – Майсара Дилдорова ва Бовар Хисравовро чун волидони офарандаи нақши Аметистов муаррифӣ намуданд. “Сипос ба шумо, барои тарбияи чунин фарзанд,  ҳунарманд ва  коргардони болаёқат”, - гуфт Осталский. Волидон меболиданд, ки умедашон аз фарзанд бор овард ва тамошобинон дар сиришти фарзандашон ҳунарманди болаёқатро дарёфтанд. Аз ҳама муҳимаш ӯ   идомадиҳандаи касбашон хоҳад буд.
Ҳамин тавр, Умед Хисравов фаъолияташро дар Театри давлатии ҷавонон оғоз карда, давоми як сол се нақши ҷолиб офарид. Фаъолияти минбаъдаи ҳунарманди ҷавон дар  Театри вилоятии  мусиқӣ-мазҳакавии  ба номи Меҳрубон  Назарови шаҳри Хоруғ идома ёфт. Дар як муддати кӯтоҳ навовариҳои коргардонҳои варзида Мирзоазиз Мирзоазизов ва Баҳодур Миралибеков  ба ҳаёти фарҳангии вилоят насими тоза оварданд. Намоишҳои   “Отелло”-и Уилям  Шекспир ва “Шоҳ Носири Хусрав”-и Ҷумъа Қуддус , ки Умед Хисравов дар онҳо нақшҳои асосиро иҷро мекард, дар ҷумҳурӣ хуш пазируфта шуданд. Ҳунарпешаи ҷавон аз ин устодон сабақ  меомӯхту маҳораташро сайқал медод.  
Дар спектакли «Шоҳ Носири Хусрав» коргардон Баҳодур  Миралибеков  барои иҷрои   нақши  асосӣ  Умед Хисравовро интихоб намуд ва хато накард. Шахсият ва қобилияти  фитрии ҳунарманди ҷавон  такмил меёфт. Мавзӯъҳои фалсафӣ ва орифонаи саршор аз панду ахлоқ ба афкор ва роҳи минбаъдаи эҷодиаш бетаъсир намонд. 
Минбаъд,  Умед Хисравов худ низ ба сифати  коргардон  намоиш рӯйи саҳна меовард. Аз соли 2003  саркоргардони ин театр  таъйин мегардад.
Ҳунарманд бо заҳмату бедорхобиҳо обутоб меёбад. Дар  драмаи   “Исмоили  Сомонӣ”-и Сафармуҳаммад Айюбӣ Умед Хисравов нақши Исмоили Сомониро бо маҳорати баланд  офарид ва санъатшиносон ин муваффақияти ӯро қадами устувор дар  ҷодаи ҳунар унвон карданд. Инчунин, тамошогарон симои  Қаҳрамони Тоҷикистон   Шириншоҳ Шоҳтемурро  аз намоиши   “Дурахши  ахтар“-и  Қ. Аламшоев хуш пазируфтанд. Барои таҳияи  спектакли   «Калила  ва Димна» ӯ ба сифати коргардони ҷавон бо дипломи Фестивал-озмуни театрҳои касбии ҷумҳуриявии “Парасту – 2001” қадр шуд. Соли 2013 бошад, ҳунармандони  театри Хоруғ аввалин бор  дар фестивали 4-уми байналмилалии  театрҳои  Осиёи Марказӣ дар шаҳри Алма-Атои Ҷумҳурии Қазоқистон ширкат варзида, бо намоиши  “Парӣ”  сазовори ҷоизаи “Беҳтарин  ороиши мусиқӣ дар театр” гардиданд. Ӯ, ҳамчунин, дар филмҳои “Муҳаббат”-и  коргардон У. Мирзоширинов, “Ангуштарии арӯсӣ”-и коргардон С. Солеҳов, “Тарафи чоруми секунҷа”-и коргардон В. Мирзоянс нақшҳои асосиро иҷро намудааст.
Соли 2015   ҳунарвари умедбахш бо асари “Сияҳпӯш”-и  Сафармуҳаммад Айюбӣ дар Фестивал-озмуни театрҳои касбии ҷумҳуриявии “Парасту – 2015” ширкат варзида, сазовори Шоҳҷоиза шуд. Ҳоло Умед Хисравов ва аҳли эҷодии театр ба таҳияи намоиши  “Ширинтар аз афсона”-и Лутфишо Қиматшоев машғуланд, ки дар он ишқи поки инсонӣ  тараннум мешавад.
Барои саҳми арзанда дар рушду нумӯи санъати театрӣ ва кино Умед Хисравов  бо медали  «Хизмати шоиста»  сарфароз гардидааст.
Дар  ҷаҳони пуртазодди  имрӯз, ки  бархӯрди   манофеи  сиёсӣ ва адёну мазоҳиб бо шаклҳои  гуногун  ва бо тундӣ  аз худ дарак медиҳанд, башарият бештар ба гуфтугӯи тамаддунҳо  ниёз дорад. Асоси эҷодиёти коргардони ҷавонро ғояҳои инсондӯстӣ, таҳаммулпазирӣ, эҳтироми ҳамдигарӣ, накӯкорӣ  ва ҳамзистии  осоишта ташкил медиҳанд ва ӯ бо боварӣ  ба нақши театр  дар тарғиби ин арзишҳо дар   уфуқҳои нави эҷодӣ  омирона қадам мезанад.
Мирзоҷалол ШОҶАМОЛОВ


Баёни ақида (0)    Санаи нашр: 19.04.2017    №: 80    Мутолиа карданд: 568
10.07.2020


ТОҶИКИСТОН. АЗ COVID – 19 БОЗ 56 КАС ШИФО ЁФТ

41 000 СОМОНӢ БАРОИ МУБОРИЗА БО COVID – 19

ҚОҲИР РАСУЛЗОДА АЗ ШАҲРИ НОРАК ВА НОҲИЯИ ЁВОН ДИДАН НАМУД

ХОРУҒ. РӮ БА РУШД

ҶОМИ КФО – 2020. БОЗИҲОИ МАРҲИЛАИ ГУРӮҲӢ ДАР ТОҶИКИСТОН ДОИР МЕШАВАД?

09.07.2020


ТОҶИКИСТОН. ШУМОРАИ ШИФОЁФТАГОН АЗ COVID – 19 АЗ 5000 ГУЗАШТ

«ОИЛА, КӮЧА, МАҲАЛЛА, ДЕҲА, ДЕҲОТ ВА ШАҲРАКИ БЕҲТАРИН». ОЗМУНЕ, КИ СОКИНОНИ СУҒДРО БА ОБОДОНӢ ТАЛҚИН МЕКУНАД

ДУШАНБЕ. ТАҲТИ РАЁСАТИ АЗИМ ИБРОҲИМ ҶАЛАСАИ КОРӢ БАРГУЗОР ШУД

ШАҲРИ ТУРСУНЗОДА. КОРҲОИ ФАҲМОНДАДИҲӢ САМАР ДОРАНД

«ОВОЗИ САМАРҚАНД» КИТОБҲОИ ХУДРО РӮНАМОӢ КАРД

ВАНҶ. ОБ АСТ, КИ ОБОДИСТ

ТАБИБОНИ ЛАХШ: «ҒАМХОРИҲОИ ПЕШВОИ МИЛЛАТ БА МО НЕРУ МЕБАХШАД»

ФУТЗАЛ. БОЗИИ СУПЕРҶОМИ ТОҶИКИСТОН – 2020 КАЙ БАРГУЗОР МЕГАРДАД?

ТАЪКИДИ СИ ҶИНПИН АЗ ЗАРУРАТИ ҲАМКОРИИ ГУСТУРДАИ ЧИНУ РОССИЯ

ҶАҲОН ДАР ЯК САТР

08.07.2020


ИСФАРА. КОРХОНАИ ПОЙАФЗОЛДӮЗИИ «САМАНД» БА ФАЪОЛИЯТ ШУРӮЪ НАМУД

ДАР ТОҶИКИСТОН АЗ КОРОНАВИРУС 4965 БЕМОР ШИФО ЁФТ

Сафари гурӯҳи ҳукуматӣ ба ВМКБ

«МАЪРИФАТ. ВАҚТЕ КИ КИТОБХОНА ҲОЛИ ТАБОҲ ДОРАД»

ВМКБ. ВАЗИР АЗ ҶАРАЁНИ СОХТМОНҲО ДИДАН КАРД

“СОМОН ЭЙР” БА ДУБАЙ ВА МИНСК ПАРВОЗҲОИ МАХСУС АНҶОМ МЕДИҲАД

САДОҚАТИ «САДОҚАТ»

ЛИГАИ ОЛӢ. КОРШИНОСИ ВАРЗИДА САРМУРАББИИ ДАСТАИ "КӮКТОШ" ТАЪЙИН ГАРДИД

ДАР ОЛМОН БА ТАҲКИМИ МУНОСИБАТ БО РОССИЯ АВЛАВИЯТ МЕДИҲАНД

ҶАҲОН ДАР ЯК САТР

07.07.2020


ТОҶИКИСТОН. 4914 ГИРИФТОРИ БЕМОРИИ COVID – 19 ШИФО ЁФТ

БОЗГАШТИ ШАҲРВАНДОНИ ТОҶИКИСТОН АЗ ҚАЗОҚИСТОН ВА ӮЗБЕКИСТОН

FINA МЕХОҲАД МАВҚЕАШРО ДАР БО МУСТАҲКАМ НАМОЯД

СУТ БА ВАКСИНАИ РОССИЯ АЛАЙҲИ COVID - 19 ЭЪТИМОД ДОРАД ВА ДАР ИН САМТ ХОСТОРИ ҲАМКОРИСТ

ҶАҲОН ДАР ЯК САТР

06.07.2020


ТОҶИКИСТОН. ШУМОРАИ СИҲАТШУДАГОН АЗ КОРОНАВИРУС БА 4858 НАФАР РАСИД

НОҲИЯИ ДАРВОЗ. СОҲАИ ФАРҲАНГ БА ДАСТГИРӢ НИЁЗ ДОРАД

РАШТ. КИШТИ КАРТОШКА ДАР 3047 ГЕКТАР

КӮЛОБ. БА МАҲАЛЛАИ ЛОҲУТӢ ОБИ ТОЗА ОМАД

ЧЕМПИОНАТИ ТОҶИКИСТОН – 2020. ҒАЛАБАИ НАВБАТИИ "ИСТИҚЛОЛ"


Дар сомонаҳои дигари Тоҷикистон хонед