logo

маориф

СЕ ОМИЛИ ПЕШРАВӢ: ИЛМ, АМАЛ ВА ТАРБИЯ

Муассисаи давлатии таълимии литсей барои хонандагони болаёқати шаҳри Турсунзода аз ҷумлаи муассисаҳое мебошад, ки дар тарбия ва ташаккули кадрҳои ҷавон саҳми назаррас дорад. Муассисаи мазкур аз  таълимгоҳест, ки дар он фанҳои дақиқ дар доираи равияи табиӣ-математикӣ бо забони англисӣ таълим дода мешаванд. Демократикунонии таълим, ҷорӣ шудани санҷишҳои тестӣ, мавриди истифода қарор гирифтани навтарин васоити техникии таълимӣ, ҷалби омӯзгорон аз хориҷи кишвар аз зумраи навгониҳо дар ин боргоҳи илманд.
 Манучеҳр Маҳмадмуродов, директори МДТ литсей барои хонандагони болаёқати шаҳри Турсунзода, вобаста ба фаъолияти муассиса ба хабарнигори «Ҷумҳурият» чунин гуфт:
Бо назардошти назокатҳои таълиму тарбия мо бачагони болаёқатро ба таҳсил фаро мегирем. Хонанда баъди муваффақ шудан дар ду даври имтиҳони қабул шомили муассиса мегардад. Илова бар ин, мо соли аввали таҳсил мутобиқи нақшаи таълимии муассиса, ки бо Вазорати маориф ва илми Ҷумҳурии Тоҷикистон мувофиқа шудааст, соатҳои таълимии фанни забони англисиро зиёд мекунем, фанни махсусеро бо номи Terminology (истилоҳоти фанҳои дақиқ) бо забони англисӣ дарс медиҳем, то ки хонандагон ба азхудкунии фанҳои дақиқ бо забони англисӣ омода шаванд. Дар баробари ин, дарсҳои иловагӣ аз фанҳои математика, технологияи иттилоотӣ ба роҳ монда мешаванд, то ки хонанда донишҳои пештар андӯхтаи худро фаромӯш накунад.
То имрӯз 915 нафар хонанда литсейи моро хатм кард. 600 нафар соҳиби маълумоти олӣ шуд, 315 нафар таҳсилро дар дохилу хориҷи кишвар идома дода истодаанд. Танҳо соли гузашта аз 44 хатмкунанда 16 нафар ба донишгоҳҳои хориҷӣ қабул гардид. Маҳз бо забони англисӣ таълим додани фанҳои дақиқ барои шогирдон заминаи хуби таҳсил дар хориҷа мебошад.
Иштироки хонандагони муассиса дар олимпиадаҳо ва озмунҳо, ки бахшида ба Соли ҷавонон ва 20 - солагии Рӯзи Ваҳдати миллӣ гузаронда мешаванд, назаррас аст. Шумораи медалҳои шогирдон, ки аз озмунҳо ба даст овардаанд, ба 114  расид.
Мо мекӯшем, то баробари замон қадам монем. Тамоми имконотро барои беҳтар кардани фазои таълиму тарбия истифода мебарем. Хонандагон бо ҷойи хоб, се вақт хӯроки гарм, шароити хуби омодагӣ ба дарс, хизматрасонии аввалияи тиббӣ, оби гарм ва монанди инҳо таъминанд.
Гулнисои САЪДОНШО, «Ҷумҳурият»


Баёни ақида (0)    Санаи нашр: 20.04.2017    №: 81    Мутолиа карданд: 761

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед