logo

иҷтимоиёт

ЗАФАР: "ҒАЙРАТИ ХУДРО БА РУШДИ ВАТАНИ АЗИЗ РАВОНА ХОҲАМ СОХТ"

Тайи солҳои соҳибистиқлолӣ дар натиҷаи сиёсати маорифпарваронаи Асосгузори сулҳу ваҳдати миллӣ – Пешвои миллат муҳтарам Эмомалӣ Раҳмон ҷавонони зиёди лаёқатманду боистеъдод ба воя расидаанд. Яке аз онҳо Зафар Воҳидов мебошад, ки пас аз сохтани экскаватори хурд дерест таваҷҷуҳи олимону мутахассисони соҳаро ба худ ҷалб кардааст.
Бино ба гуфтаи ӯ, ин экскаваторро дар муддати ду моҳ таҳти роҳбарии устодаш Мамадамон Абдуллоев сохта пешниҳод намудааст. Қаҳрамони мо дар натиҷаи мушоҳидаву омӯзиши хусусиятҳои табиати Тоҷикистон ба хулосае омад, ки мошини месохтаи ӯ бояд ба шароити кӯҳӣ, пасту баландиҳо ва кандани ҷӯйборҳо дар минтақаҳои релйефашон мураккаб мувофиқ бошад.
Экскаватор ҳамагӣ 800 килограмм вазн дошта, иқтидори борбардориаш зиёда аз ним тоннаро ташкил медиҳад.  Хароҷоташ нисбати дигар экскаваторҳо ду баробар кам буда, дар 2 соат 1,5 литр сӯзишвории дизелӣ сарф менамояд. Ба ҷуз ин, онро метавон барои анҷом додани корҳои сохтмонӣ дар дохили биноҳо, пайроҳаҳо, гузаргоҳҳо, инчунин, кандани чуқурӣ барои кабелҳо, лӯлаҳои газу об, симҳои барқ ва тоза кардани ҷӯйборҳо истифода бурд.
Дар назар аст, ки экскаватор баъд аз ташхиси ҳаматарафаи коршиносон мавриди баҳрабардорӣ қарор гирад. 
Солҳои мактабхонӣ Зафар Воҳидов бештар ба фанҳои дақиқ таваҷҷуҳ дошт. Пайваста дониш меандӯхт, аз навгониҳои олами техника бохабар мегашт, то ихтирооте ба номи худ сабт кунад.
Ӯ соли 2009 пас аз итмоми мактаби миёна ҳуҷҷатҳояшро ба литсеи алоқаи шаҳри Душанбе супурда, онро бо ихтисоси «радиомеханик» хатм намуд. Айни ҳол донишҷӯи соли сеюми факултети нақлиёти Донишгоҳи техникии Тоҷикистон ба номи Муҳаммад Осимӣ мебошад.
Ду ихтирои дигаре, ки ҳоло ҷавони умедбахш дар пайи такмили онҳо ҷаҳд дорад, микроавтобуси бо неруи офтоб ҳаракаткунанда ва дастгоҳи парвозкунандаи дорупошӣ мебошад.
Микроавтобус дорои 8 ҷои нишаст буда, мехоҳад онро соли равон  ба ифтихори Соли ҷавонон сохта ба Маркази патенту иттилооти Вазорати рушди иқтисод ва савдо барои гирифтани патент пешниҳод намояд. 
- Сарвари давлат муҳтарам Эмомалӣ Раҳмон ҳамеша дар ҳаққи ҷавонон ғамхориҳои зиёд зоҳир менамоянд. Мо - ҷавонон пайваста саъю кӯшиш менамоем, ки сазовори боварии ҷомеа бошем ва тамоми ғайрати хешро барои рушду нумӯи Ватани азиз ва боло рафтани мақоми он дар арсаи байналмилалӣ равона хоҳем сохт,- афзуд Зафар Воҳидов.
Боиси тазаккур аст, ки Зафар Воҳидов дар чандин  фестивалу озмунҳои ихтироъкорони ҷавон ширкат намуда, соҳиби ифтихорнома ва дипломҳои дараҷаи аввал гардидааст.
Раҳматулло КАРИМЗОДА, «Ҷумҳурият»


Баёни ақида (0)    Санаи нашр: 25.04.2017    №: 84    Мутолиа карданд: 394

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр

БОКС. Иштироки варзишгарони тоҷик дар Чемпионати Осиё

12.04.2019


Бо иштироки Сарвазири мамлакат дар шаҳри Кӯлоб як қатор иншоот ба истифода дода шуд

Ҷаласаи Шӯрои ҳамоҳангсозони миллии давлатҳои аъзои СҲШ

Форуми байналмилалии рушди сармояи инсонӣ доир мегардад

ЧЕМПИОНАТИ ОСИЁ – 2019 ОИД БА ФУТЗАЛ. Рақибони Тоҷикистон муайян гаштанд

"Кашшофи падидаҳои наврас"

НОҲИЯИ РӮДАКӢ . Сафи соҳибкорони ватандӯст меафзояд

НУРОБОД . Эҳтиром ба шахсиятҳои таърихӣ

Ҷаҳон дар як сатр

11.04.2019


"Тоҷикон" ба забони ӯзбекӣ нашр шуд


Дар сомонаҳои дигари Тоҷикистон хонед