logo

иқтисод

САЙҲУН. ШАҲРАКИ НАВИ ОРЗУҲО

Имрӯзҳо дар вилояти Суғд бунёди шаҳраки наву замонавии Сайҳун  бомаром идома дорад. Санги асос ва номи шаҳрак соли 2015 зимни тантанаҳои наврӯзӣ дар шаҳри Хуҷанд аз ҷониби  Президенти мамлакат муҳтарам Эмомалӣ Раҳмон гузошта шуд. Нақшаи кулли он аз тарафи мутахассисони ҶДММ «Суғдшаҳрофар» омода шудааст.
- Мутобиқи лоиҳа, дар марҳилаи аввали кор масоҳати шаҳрак то 4 ҳазор гектар доман паҳн карда, дар масоҳати 1600 гектар инфрасохтори  маъмурии шаҳрак, аз ҷумла шуъбаҳои амнияти миллӣ, корҳои дохилӣ, прокуратура, суд, нозироти андоз, 668 бинои истиқоматии 4, 9, 12, 16 ва 18 - ошёна, беш аз 5 ҳазор коттеҷ бо қитъаҳои замини наздиҳавлигӣ,  18 - муассисаи таҳсилоти миёнаи умумӣ ва 27 кӯдакистон бунёд хоҳад шуд. Шаҳраки навбунёди замонавӣ барои зист ва шуғли доимии қариб 200 ҳазор нафар имкон медиҳад, - гуфт Муъминҷон Бобоев, директори ҶДММ «Суғдшаҳрофар». 
Шаҳрак бояд дар заминаи талаботи меъёрҳои  муосир, бо такя ба санъати меъмориву шаҳрсозии милливу ҷаҳонӣ бо назардошти рушди соҳаҳои иқтисодӣ, иҷтимоӣ ва фарҳангӣ сохта шавад.
Дар баробари шаҳрак ҳазорҳо гектар замини бекорхобида шодоб гардида, боғҳои интенсивии серҳосили зардолую шафтолу ва олу доман паҳн хоҳанд кард.
Ҳоло чароғонкунии кӯчаҳои марказӣ қариб ба анҷом расидааст. Дар маҳали сохтмон мутахассисон ба васлу насби лӯлаҳои обгузар машғул буда,  дар самти дигар боғпарварон  шоху навдаи  ниҳолҳои мевадиҳандаю сояафканро ба тартиб меоранд.
Барои бунёди шаҳрак кормандони зиёда аз 20 ширкату ташкилот ҷалб  шудаанд.    
Абдуғаффор Ҳайдаров, намояндаи идораи сохтмони асосии вилоят, изҳор дошт, дар ин мавзеъ барои зиёда аз 5 ҳазор оила қитъаи замини наздиҳавлигӣ тақсим шудааст. Дар чор ҳазор гектар бояд боғҳои интенсивӣ бо усули обёрии қатраӣ бунёд шаванд. Ҷиҳати таъмини аҳолии шаҳрак бо оби  нӯшиданӣ  аз масофаи 9,2 километр ва барои оби полизӣ аз масофаи 35 километр бо лӯлаҳои қутрашон гуногун об оварда шуд. Лӯлаҳо истеҳсоли корхонаҳои ватанӣ ва аз лиҳози сифат ҷавобгӯйи меъёрҳои ҷаҳонианд.
Барои таъмини бе каму кости кишоварзон бо оби полизӣ дар нуқтаи баландтарини шаҳрак бо зарфияти 20 ҳазор метри мукааб обанбор сохта шудааст. Дар марҳилаи  дувуму сеюм дар  мавзеи мазкур кашидани 159 метр хатҳои тақсимоти об аз пойгоҳи обкашии Сайҳун - 2 пешбинӣ гардидааст. Тибқи нақша, дар маҳали нави зист дар  масофаи 52 километр хатҳои баландфишори ҳаҷмашон гуногун барои оби нӯшокӣ ба истифода дода мешаванд.
Аллакай дар 1000 гектар боғҳои нави интенсивӣ ниҳолҳои шинондашуда ғарқи гуланд.
- Боғҳои интенсивии бо усули қатраӣ бунёдшаванда бояд то 7 ҳазор гектарро ташкил диҳанд. Солҳои оянда бозорҳои кишвар самари фаровони ин боғҳоро хоҳанд дид, - гуфт Абдулҳамид Ҳошимов, сарагрономи шаҳраки Сайҳун.
Аз рӯи нақша, солҳои баъдӣ дар шаҳрак бунёди корхонаҳои коркарди маҳсулоти кишоварзӣ низ дар назар аст. 
Бунёди хонаҳои истиққоматӣ аз ҷониби соҳибони қитъаҳои замини наздиҳавлигӣ низ оғоз ёфтааст. Дар даромадгоҳи шаҳрак намунаи тарҳҳои биноҳои истиқоматӣ, аз ҷумла коттеҷҳо,  гузошта шудааст ва сокинони шаҳрак метавонанд бо назардошти имкони молиявии худ аз онҳо истифода намоянд.
Ҷовиди АШТӢ, «Ҷумҳурият»


Баёни ақида (0)    Санаи нашр: 25.04.2017    №: 84    Мутолиа карданд: 634
10.07.2020


ТОҶИКИСТОН. АЗ COVID – 19 БОЗ 56 КАС ШИФО ЁФТ

41 000 СОМОНӢ БАРОИ МУБОРИЗА БО COVID – 19

ҚОҲИР РАСУЛЗОДА АЗ ШАҲРИ НОРАК ВА НОҲИЯИ ЁВОН ДИДАН НАМУД

ХОРУҒ. РӮ БА РУШД

ҶОМИ КФО – 2020. БОЗИҲОИ МАРҲИЛАИ ГУРӮҲӢ ДАР ТОҶИКИСТОН ДОИР МЕШАВАД?

09.07.2020


ТОҶИКИСТОН. ШУМОРАИ ШИФОЁФТАГОН АЗ COVID – 19 АЗ 5000 ГУЗАШТ

«ОИЛА, КӮЧА, МАҲАЛЛА, ДЕҲА, ДЕҲОТ ВА ШАҲРАКИ БЕҲТАРИН». ОЗМУНЕ, КИ СОКИНОНИ СУҒДРО БА ОБОДОНӢ ТАЛҚИН МЕКУНАД

ДУШАНБЕ. ТАҲТИ РАЁСАТИ АЗИМ ИБРОҲИМ ҶАЛАСАИ КОРӢ БАРГУЗОР ШУД

ШАҲРИ ТУРСУНЗОДА. КОРҲОИ ФАҲМОНДАДИҲӢ САМАР ДОРАНД

«ОВОЗИ САМАРҚАНД» КИТОБҲОИ ХУДРО РӮНАМОӢ КАРД

ВАНҶ. ОБ АСТ, КИ ОБОДИСТ

ТАБИБОНИ ЛАХШ: «ҒАМХОРИҲОИ ПЕШВОИ МИЛЛАТ БА МО НЕРУ МЕБАХШАД»

ФУТЗАЛ. БОЗИИ СУПЕРҶОМИ ТОҶИКИСТОН – 2020 КАЙ БАРГУЗОР МЕГАРДАД?

ТАЪКИДИ СИ ҶИНПИН АЗ ЗАРУРАТИ ҲАМКОРИИ ГУСТУРДАИ ЧИНУ РОССИЯ

ҶАҲОН ДАР ЯК САТР

08.07.2020


ИСФАРА. КОРХОНАИ ПОЙАФЗОЛДӮЗИИ «САМАНД» БА ФАЪОЛИЯТ ШУРӮЪ НАМУД

ДАР ТОҶИКИСТОН АЗ КОРОНАВИРУС 4965 БЕМОР ШИФО ЁФТ

Сафари гурӯҳи ҳукуматӣ ба ВМКБ

«МАЪРИФАТ. ВАҚТЕ КИ КИТОБХОНА ҲОЛИ ТАБОҲ ДОРАД»

ВМКБ. ВАЗИР АЗ ҶАРАЁНИ СОХТМОНҲО ДИДАН КАРД

“СОМОН ЭЙР” БА ДУБАЙ ВА МИНСК ПАРВОЗҲОИ МАХСУС АНҶОМ МЕДИҲАД

САДОҚАТИ «САДОҚАТ»

ЛИГАИ ОЛӢ. КОРШИНОСИ ВАРЗИДА САРМУРАББИИ ДАСТАИ "КӮКТОШ" ТАЪЙИН ГАРДИД

ДАР ОЛМОН БА ТАҲКИМИ МУНОСИБАТ БО РОССИЯ АВЛАВИЯТ МЕДИҲАНД

ҶАҲОН ДАР ЯК САТР

07.07.2020


ТОҶИКИСТОН. 4914 ГИРИФТОРИ БЕМОРИИ COVID – 19 ШИФО ЁФТ

БОЗГАШТИ ШАҲРВАНДОНИ ТОҶИКИСТОН АЗ ҚАЗОҚИСТОН ВА ӮЗБЕКИСТОН

FINA МЕХОҲАД МАВҚЕАШРО ДАР БО МУСТАҲКАМ НАМОЯД

СУТ БА ВАКСИНАИ РОССИЯ АЛАЙҲИ COVID - 19 ЭЪТИМОД ДОРАД ВА ДАР ИН САМТ ХОСТОРИ ҲАМКОРИСТ

ҶАҲОН ДАР ЯК САТР

06.07.2020


ТОҶИКИСТОН. ШУМОРАИ СИҲАТШУДАГОН АЗ КОРОНАВИРУС БА 4858 НАФАР РАСИД

НОҲИЯИ ДАРВОЗ. СОҲАИ ФАРҲАНГ БА ДАСТГИРӢ НИЁЗ ДОРАД

РАШТ. КИШТИ КАРТОШКА ДАР 3047 ГЕКТАР

КӮЛОБ. БА МАҲАЛЛАИ ЛОҲУТӢ ОБИ ТОЗА ОМАД

ЧЕМПИОНАТИ ТОҶИКИСТОН – 2020. ҒАЛАБАИ НАВБАТИИ "ИСТИҚЛОЛ"


Дар сомонаҳои дигари Тоҷикистон хонед