logo

сиёсат

ШУКРОНА БОЯД КАРД

Шукргузорӣ нисбат ба Ватану неъматҳояш хислати ҳамидаи инсонӣ ва нишоне аз дӯстдориву гиромидошти он аст. Мардуми мо, аз хурд то бузург, ба фазои ороми кишвар, зиндагии шоиставу неъматҳои фаровони замони истиқлолият арҷгузоранд.

Сокини шаҳраки Шайдон Абдулҳақ Воҳидови 90 - сола дар яке аз вохӯриҳо ба ҷавонон муроҷиат карда гуфта буд: "Фарзандони азизам, ҳар рӯз ба ин зиндагии ба қавле чор мучалаш бутун шукр кунед. Шукр кардан кори хуб аст. Агар ин хислатро дошта бошед, Худованд дар ҳама кор пеши роҳи шуморо мекушояд, яъне барори кор насибатон мегардад. Аммо, ношукрӣ кори бад аст, ҳеҷ вақт бандаи носипос нашавед. Зеро соҳиби ин хислат ҳатто чизи дар дасташбударо бой медиҳад. Барои ҳамин, ба ризқу рӯзӣ ва тинҷии ҳаррӯзаи мамлакатамон сад бор шукр кунед..."
Хушбахтона, кулли ҷавонони мо низ, ки худро пайрави Пешвои миллат медонанд, ба қадри чунин фаровониву осоиш мерасанд, аз Истиқлолияти давлатию ваҳдати миллӣ, сулҳу суботи пойдор ва сиёсати хирадмандонаву ояндасози Сарвари давлатро якдилона ҷонибдорӣ мекунанд.
Набояд фаромӯш созем, ки ин рӯзҳои дурахшону хуррам ба осонӣ насибамон нагаштаанд. Дар паси онҳо чӣ қадар муборизаву ҷонфидоиҳои сулҳпарварон ва амалҳои даҳшатангези ситезкорон ниҳонанд. Пеши назар меорем ҷанги таҳмилии ибтидои солҳои навадуми асри гузаштаро. Бадхоҳони миллат бо дастгирии хоҷагони дохилию хориҷиашон мардумро бар зидди якдигар шӯронданд. Беш аз сад ҳазор куштаву наздик ба як миллион нафар фирорӣ шуд. Ана, дар чунин шароити вазнин шахсе зимоми давлатдориро ба даст гирифт, ки номаш дар таърихи давлатдории навини тоҷикон бо ҳуруфи заррин сабт гардид. Маҳз ҳамин шахси таърихӣ дар қалбҳои халқи худ донаҳои меҳру муҳаббат ва ҳамбастагиву рафоқатро пошид, ки онҳо тадриҷан сабзидаву самари нек ба бор оварданд.
Сокинони ноҳияи Ашти вилояти Суғд шукрона мекунанд, ки ин гӯшаи дурдасти диёр дар баробари дигар шаҳру навоҳии кишвар аз доираи таваҷҷуҳи Ҳукумати кишвар берун намонда, рӯз ба рӯз ободу зебо гашта истодааст. Дар ноҳия корҳои ободониву созандагӣ равнақи тоза мегиранд. Ба ин якчанд иншооти солҳои охир бунёдгашта мисоли равшан шуда метавонад. Аз ҷумла, бинои сеошёнаи беморхонаи марказии ноҳия барои 150 кат, ки сохтмонаш соли 1983 оғоз шудаву солҳои 90 бо сабабҳои маълум қатъ ёфта буд, бо харҷи 11 миллион сомонӣ комилан бунёд гардид ва соли 2013 бо иштироки Сарвари давлат мавриди баҳрабардорӣ қарор гирифт. Аз маблағи зикршуда 2 миллиону 600 ҳазор сомонӣ барои харидани таҷҳизоти муосири  тиббӣ сарф шуд. Беморхонаи замонавӣ дар самти беҳсозии хизматрасонии тиббӣ ба аҳолӣ, ба иборае марҳами ҷон гардид.
Пешвои миллат муҳтарам Эмомалӣ Раҳмон субҳи 4 апрели соли 2014 ба бунёди хати интиқоли барқи 220 - киловолтаи «Гулистон - Ашт» оғоз бахшида, 19 октябри соли 2015 худашон ин иншооти барои ноҳияи мо ҳаётан муҳимро ба истифода доданд. Дарозии он 74,3 километр буда, бо харҷи 11,2 миллион доллари амрикоӣ бунёд шуд. Бо фаъол гардидани ин хат ва зеристгоҳҳои нави он, ки бо таҷҳизоти навтарини стандарти ҷаҳонӣ дар шаҳри Гулистон ва ноҳияи Ашт насб шуданд, ноҳия ба шабакаи ягонаи барқии кишвар пайваст гардид. Ҳамзамон, интиқоли неруи барқ 4 баробар зиёд гашта, талафоти техникии он коҳиш ёфт. Таъмини аҳолӣ ва хоҷагиҳои кишоварзӣ бо об бештару беҳтар ва имкони азхуд кардани заминҳои партову бекорхобида афзун гашт.
Иншооти дигари барои ноҳия зарур Кохи фарҳанг буда, он бо 800 ҷойи нишаст ба маблағи 28 миллиону 720 ҳазор сомонӣ бунёд ва дар рӯзҳои таҷлили Наврӯзи соли 2016 ба истифода дода шуд. Ин бинои муҳташами замонавӣ, ки рӯзи ифтитоҳаш бо иқдому супориши Президенти кишвар Муассисаи давлатии вилоятии Театри мусиқӣ - драмавии ба номи Маҳмудҷон Воҳидов дар ноҳияи Ашт унвон гирифт, дар ҳаёти фарҳангии мардуми ноҳия гардиши куллӣ ба вуҷуд овард.
Бо дастур ва ҳидояти Пешвои миллат мардуми деҳот соҳиби замин гашта, имрӯзҳо ҷойҳои зиёди корӣ фароҳам меоянд. Шумори онҳое низ кам нест, ки аз роҳи муҳоҷирати корӣ пас гашта, рӯ ба замину кишоварзӣ овардаанд. Алҳол дар ноҳия 4562 хоҷагии деҳқонии инфиродиву оилавӣ бо фарогирии 11860 аъзо (аз онҳо 5195 нафар занон) ва 20550 гектар замин мавҷуд буда, ин боиси истифодаи оқилонаи замин ва фаровонии маҳсулот мегардад. Масоҳати боғоти ноҳия сол ба сол меафзояд. Алҳол ноҳия, дар маҷмӯъ дорои 16896 гектар боғ буда, аз он 8,5 ҳазор гектараш мевадиҳанда аст. Дар  сурати пурра ҳосилдеҳ гардидани боғоти мавҷуда, Ашт тадриҷан ба ноҳияи аз ҷиҳати истеҳсоли мева калонтарини кишвар  табдил хоҳад ёфт. Барои коркарди саноатии мева низ андешидани тадбирҳои амиқ дар назар аст.
Албатта, ин ҳама таҳаввули мусбат шукргузории сокинони ноҳияро нисбат ба падидаҳои неку босамари даврони соҳибистиқлолӣ ба фузунӣ мебарад. Онҳо ба ояндаи боз ҳам сабзу хуррами Ватану диёрамон эътимоди комил дошта, таҳти ҳидояти Пешвои миллат бо меҳнати содиқонаву созандаи хеш минбаъд низ ба сӯи ояндаи боз ҳам дурахшон қадамҳои устувор мегузоранд.
Юнусалӣ  СИДДИҚОВ,
узви Иттифоқи журналистони Тоҷикистон


Баёни ақида (0)    Санаи нашр: 25.04.2017    №: 84    Мутолиа карданд: 540

22.07.2019


МЕЪМОРӢ ВА СОХТМОН. Қонуншиканиҳо ҳанӯз зиёданд

ТАҲСИЛОТИ САЛОҲИЯТНОК ТАТБИҚ МЕГАРДАД

ЗАМИН. Камбуди оби полизӣ мушкили ҳалталаб боқӣ мемонад

Гилерми: «Тоҷикон соҳиби кишвари афсонавианд»

Швейтсария дар Тоҷикистон бонк мекушояд

Ҷаҳон дар як сатр

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад


Дар сомонаҳои дигари Тоҷикистон хонед