logo

иҷтимоиёт

ДЕҲҚОНБАЧАЕ БО АРОБАИ МАЪЮБӢ

Гузарам аз роҳи канори деҳаи ба номи Мадҳасан Қурбонови деҳоти Тугараки ноҳияи Восеъ иттифоқ афтод. Дарахтони саросар ғарқаи гули қисмати чапи роҳ, бахусус дидани гармхонаҳои қатораки он,  диққатамро бидуни ихтиёр ба худ кашиду аз роҳи хеш  пас гашта,  пушти дари яке аз гармхонаҳо қарор гирифтам.
- Чӣ хизмат кунам? - аз даруни гармхона чеҳраи худро намоён карда, гуфтанд марди дар назар 65 - 70 - солае.
Ӯ аз  мақсадам  огаҳ шуда, дарҳол бо як ифтихору қаноатмандии афзуда  гуфтанд: - Ин гармхонаҳо, ки масоҳати умумиашон 20 сотихро ташкил менамояд, мансуби хоҷагии деҳқонии «Фирӯз» аст, ки сарварии онро писари ман Фирӯзи Наврӯз ба уҳда дорад. Алҳол дар ҳамаи ин гармхонаҳо зироатҳои барвақтӣ  дар нашъунамоанд ва қисмате аз онҳо пухта расида, дар сарҳади  ҷамъоварист.
Ниҳолҳои бодиринги дар гулу ҳосил саршорро дида, ҳамон нешханди ҳунарманди ҳаҷвнигор ба хотир расиду дар ҳамон қолаб  гуфтам: - Дар ноҳияи Шумо ҳам мешудаст - ку!
Пас аз шиносоӣ ба вазъи гармхонаҳо, хоҳиши ба роҳбари хоҷагӣ суҳбат намудан  пеш омад. 
- Ҳоло дараки ӯро меёбем, гуфта, - падар аз ҷайб телефони ҳамроҳашро бароварду  бо писар дар тамос шуд.
   Бо гузашти фурсате сабукрави тамғаи «Опел» намоён гардиду   сипас оҳиста омада,  дар паҳлуи аробачаи барқии маъюбие, ки андак аз мо дуртар меистод,  қарор гирифт. Ва ҷавонмарди дар бари ронанда нишаста, аз сабукрав поён шуда, аробачаро дар паҳлуи дари кушодаи ронанда  ҷафс намуд…
- Роҳбари хоҷагӣ ана ҳамин деҳқонбачааст. Бо амри қисмат  дар  14 - солагӣ ба беморие мубтало гардиду дар натиҷа пойҳояш аз ҳаракат монданд. Ёздаҳ  сол боз бе ин аробача ҳаракат карда наметавонад. Аз замони ташкил намудани хоҷагии деҳқонӣ ҳамеша дар паҳлуям қарор дорад, - зимни муаррифӣ гуфт падар.
Ба гумонам Фирӯз дар банди нобоварӣ мондани ҳамсуҳбати хешро эҳсос кард, ки якбора ба шарҳи зиндагию  фаъолияти хоҷагии деҳқонии худ пардохт: - Ҳама талошҳоям баҳри рӯи по хестан барабас рафтанд, ба ҷуз умеду боварӣ ба зиндагию оянда. Вобаста ба  табиати  хеш муҳтоҷию  дастнигариро хуш намебинам. Ба ин  хотир талош мекунам, ки  касеро ташвиш  надодаю  сарборӣ  нашавам. Акнун  ин сабукраву  аробачаи   барқӣ, пойҳои  равону  умеди  фардои  мананд. Тавассути ин аробача вориди гармхонаҳо шуда, ба вазъи зироатҳои кошта  шинос мешавам ва дар ҷараёни боздид бо аъзои хоҷагӣ ҳамсуҳбат мегардам. Ва дар ҳолатҳои зарурӣ тавсияву маслиҳатҳо медиҳам. Сарчашмаи тавсияҳо, аслан ин шабакаи  ҷаҳонии интернет аст. Ҳоло  дар ин се гармхона бодиринг дар авҷи нашъунамою ҳосилбандист.  Имсол бо иллати сардии обу ҳаво баровардани ҳосил андаке дертар шуд. Соли гузашта аввалин шуда,  ҳосили бодирингро ба бозорҳои ноҳия ман бароварда будам. Акнун  баъди як ҳафта  ба ҷамъоварии ҳосил оғоз мекунем.
Темуршоҳи ФАЙЗАЛӢ, рӯзноманигор


Баёни ақида (0)    Санаи нашр: 26.04.2017    №: 85    Мутолиа карданд: 413

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр

БОКС. Иштироки варзишгарони тоҷик дар Чемпионати Осиё

12.04.2019


Бо иштироки Сарвазири мамлакат дар шаҳри Кӯлоб як қатор иншоот ба истифода дода шуд

Ҷаласаи Шӯрои ҳамоҳангсозони миллии давлатҳои аъзои СҲШ

Форуми байналмилалии рушди сармояи инсонӣ доир мегардад

ЧЕМПИОНАТИ ОСИЁ – 2019 ОИД БА ФУТЗАЛ. Рақибони Тоҷикистон муайян гаштанд

"Кашшофи падидаҳои наврас"

НОҲИЯИ РӮДАКӢ . Сафи соҳибкорони ватандӯст меафзояд

НУРОБОД . Эҳтиром ба шахсиятҳои таърихӣ

Ҷаҳон дар як сатр

11.04.2019


"Тоҷикон" ба забони ӯзбекӣ нашр шуд


Дар сомонаҳои дигари Тоҷикистон хонед