logo

сиёсат

ҚАЗОҚИСТОН. ҶОНИБДОРӢ АЗ МАНЪИ РИШУ ҲИҶОБ

 Дар Ҷумҳурии Қазоқистон бо ҷонибдорӣ аз пешниҳоди Президенти ин кишвар Нурсултон Назарбоев оид ба танзими қонунии фарҳанги либоспӯшӣ ва ришмонии ҷавонон иқдоми тоза рӯи даст гирифта шудааст.

Бар пояи иттилои расонаҳо, пешниҳоди президент оид ба манъи ришу ҳиҷоб феълан мавриди баррасӣ қарор гирифта, шуморе аз намояндагони мақомоти давлатӣ, вакилони порлумон ва ниҳодҳои динии Қазоқистон ҷонибдории худро аз он баён намуданд. Аз ҷумла иҷрокунандаи вазифаи раиси Кумита оид ба корҳои дини Вазорати умури дин ва ҷомеаи шаҳрвандии Ҷумҳурии Қазоқистон Бакитҷон Кулекеев дар суҳбат бо шабакаи телевизионии «Остона» гуфтааст, ки вобаста ба пешниҳоди президент омӯзиши афкори умум идома дорад.
Бунгоҳи хабарии tengrinews.kz низ бо такя ба ин манбаъ аз қавли Бакитҷон Кулекеев навиштааст, ки қарор аст, то поёни соли ҷорӣ дар ин бора ба қонунгузории амалкунанда тағйирот ворид шавад. Вобаста ба ин гурӯҳи корӣ таъсис шуда, ҳамчунин, таҷрибаи дигар давлатҳо омӯхта мешавад. Ин дар ҳолест, ки ҷомеаи шаҳрвандии Қазоқистон сиёҳпӯшии бонувон, риши салафимонанд ва пӯшидани шими кӯтоҳро ба фарҳанги либоспӯшии худ бегона медонанд. Ба гуфтаи Бакитҷон Кулекеев, ин тасвир дар ҷамъият ташвишовар аст, чунки арзишҳои анъанавии мондагор ва ҷаҳонбиниро аз байн мебарад. «На танҳо Қазоқистон, балки тамоми ҷомеаи ҷаҳонӣ аз мушкилоти омехта кардани дин бо сиёсат, ки дар он хусусияти зоҳирӣ аз ҳолати ботинии инсон боло гузошта мешавад, дар ташвиш аст. Масалан, дар Аврупо пӯшидани фаранҷӣ ва ниқобро манъ мекунанд. Дар мо низ ин масъала ба миён меояд. Ҳамааш бояд ба манфиати аксарият ва аз рӯи анъана бошад», - изҳор доштааст Бакитҷон Кулекеев.
Ҳамчунин, Берганим Айтимова, узви палатаи болоии порлумони Қазоқистон қонунан манъ намудани чунин тарзи либоспӯшӣ ва ришмониро зарур мешуморад. Хабаргузории  Informburo.kz. аз қавли ӯ овардааст: «Дар кишвари мо дин аз давлат ҷудост ва Қазоқистон кишвари дунявӣ буда, бояд зери ливои қонунҳои дунявӣ зиндагӣ кунем». Зимнан, идораи муфтиёт ва дигар ниҳодҳои динии Қазоқистон баъд аз пешниҳоди президент ба мусулмонони кишвар тавсия додаанд, ки аз пӯшидани чунин либосҳо ва тақлид ба фарҳанги бегона худдорӣ кунанд ва ба анъанаҳои миллии хеш арҷ гузоранд.
Ёдовар мешавем, ки Президенти Ҷумҳурии Қазоқистон Нурсултон Назарбоев чанде қабл дар мулоқот бо доираҳои динӣ ва дигар сохторҳои давлатӣ пешниҳод кард, ки ришмонии ҷавонон ва худро пурра сиёҳпӯш кардани духтарҳо қонунан манъ карда шавад. - Аз ноогоҳии динӣ ҷавонони мо риш мемонанд, шимҳояшонро кӯтоҳ месозанд, теъдоди духтароне меафзояд, ки пурра сияҳпӯшанд. Ин ҳама ба мардум ва анъанаҳои мо хос нест, - таъкид карда буд Сарвари давлати Қазоқистон.
Аз баҳсу баррасиҳои мавзӯи мавриди назар дар расонаҳои хабарӣ, минҷумла дар ВАО-и Ҷумҳурии Қазоқистон пайдост, ки чунин равия аз таъсири идеологии ҷараёнҳои хатарзо ба миён омада, таҳдид ба манфиатҳои милливу давлатӣ дорад. Вале он танҳо мушкили Қазоқистон набуда, ба дигар давлатҳои минтақа низ бетаъсир нахоҳад буд.
Пайдост, ки пайдоиши равияҳои номатлубе дар мисоли «Салафия», ки нишонаҳои мустақими он дар тарзи либоспӯшӣ дида мешавад, ҳосили рақобати шадиди тамаддунҳо буда, талоше барои соя афкандан ба рӯи  арзишҳои исломист. Ин аст, ки доираҳои мухталифи Ҷумҳурии Қазоқистон талоши роҳбарият ва мақомоти кишварашонро дар амри ҷилавгирӣ аз тақлид ба фарҳанги бегонаи либоспӯшӣ ва ришмоние, ки аслан хоси пайравони ин ҷараёни номатлуб аст, иқдоми саривақтӣ мешуморанд.
Ф. ҶУМЪАЕВ, «Ҷумҳурият»


Баёни ақида (0)    Санаи нашр: 26.04.2017    №: 85    Мутолиа карданд: 512

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"

Ҷаҳон дар як сатр

08.07.2019


Баррасии ҷараёни иҷрои Барномаи давлатии тарбияи ватандӯстӣ ва таҳкими ҳувияти миллии ҷавонон

"Душанбе - қалби Тоҷикистон"

Ҳамоиш оид ба таҳияи маҳсулоти сайёҳӣ

Россия нахусткайҳоннаварди арабро бо ғизои махсус таъмин месозад

Зиёни иқтисодии Гурҷистон аз коҳиши сайёҳони рус беш аз $700 миллион хоҳад шуд

Дар Қазоқистон то соли 2021 нияти ифтитоҳи 20 мактаби олӣ ва 180 коллеҷро доранд

СММ: "Қирғизистон нахустин кишварест, ки мушкили бешаҳрвандиро ҳал кард"

Зеленский пурра иҷро кардани созишномаи Минскро ваъда дод

Ҷаҳон дар як сатр

04.07.2019


Ҷаласаи Комиссияи муштараки ҳамкории иқтисодию тиҷоратии Тоҷикистону Покистон

Масъалаи татбиқи ҳамгироии сиёсати давлатии ҷавонон баррасӣ гардид


Дар сомонаҳои дигари Тоҷикистон хонед