logo

паёмҳо

Паёми Президенти Ҷумҳурии Тоҷикистон Эмомалӣ Раҳмон ба муносибати фарорасии моҳи шарифи Рамазон, 21 августи соли 2009

Ҳамватанони азиз!
Инак, субҳи фардо дар кишвари мо чун дар тамоми олами ислом моҳи мубораки Рамазони соли 1429-уми ҳиҷрии қамарӣ - моҳи кушода шудани дарҳои раҳмату мағфират, файзу баракат ва айёми иҷобати дуоҳо фаро мерасад.
Мардуми мусулмони кишвари соҳибистиқлоли мо ҳар сол ин моҳи муборакро бо хушҳоливу ниятҳои нек истиқбол гирифта, тавассути он бо рӯзадорӣ, тоату ибодат, хайру саховат ва нафақа дар роҳи ризои Худои таъоло бо Парвардигорашон наздикӣ меҷӯянд.
Чунон ки ҳамаи шумо медонед, моҳи шарифи Рамазон сайиди моҳҳои сол шинохта шудааст. Сабаби бартарии Рамазон аз он иборат аст, ки Худованд маҳз дар ҳамин моҳ Қуръонро ҳамчун роҳнамо барои бандагонаш нозил кардааст.
Воқеан, ин моҳ аз аввалин то ба охирин лаҳзаҳояш пур аз хайру баракат ва файзу раҳмат аст. Шахсе, ки дар моҳи мубораки Рамазон барои ризои Худо як амали некеро анҷом медиҳад, монанди касест, ки ҳафтод амали фарзиро дар ғайри ин моҳ анҷом додааст.
Рӯзаи моҳи шарифи Рамазон, ки рукни сеюми дини мубини ислом аст, аҷру савоби бузург ва подоши бешумор дорад. Паёмбари гиромӣ рӯзаи моҳи Рамазонро сипар ва нигаҳдорандаи соҳиби худ аз оташ номида, фармудааст, ки “рӯза доштан танҳо нахӯрдану наошомидан нест, балки парҳез аз суханҳои ношоиста ва корҳои зишт низ мебошад”.
Худдорӣ кардан аз хӯрдану ошомидан ва ҳавасҳои дигар дар соатҳои рӯз, тарки афъоли зишту нописандида, роҳ надодан ба фикру андешаҳои носавоб – ҳама якҷоя василаи бузурги поксозии ҷисм ва тақвияти рӯҳу равони инсон мебошанд. Яъне риояи шартҳои моҳи шарифи Рамазон роҳи беҳтарини фарқ гузоштан байни амали раво ва амри нораво, сафои қалб, ҳусни ботин ва одобу ахлоқи ҳамидаи мардуми мусулмон ба шумор меравад.
Намунаи бисёр барҷастаи парҳезгории ҷисмониву маънавиро мо дар зиндагиномаи фарзанди фарзонаи миллатамон Имоми Аъзам - Абӯҳанифа Нӯъмон ибни Собит, яке аз нобиғаҳои тамаддуни исломӣ ва пешвои мазҳаби ҳанафия, ки беш аз нисфи мусулмонони ҷаҳон аз он пайравӣ менамоянд, мебинем. Дар соли бузургдошти Имоми Аъзам аз тариқи чопи маводи фаровон доир ба аҳволу осори гаронбаҳои ин абармарди таърих ва роҳнамои уммати ислом метавон яқин ҳосил кард, ки арзишҳои волои инсонӣ - парҳезгориву накӯкорӣ, муҳаббату ҳусни муошират ва раҳму шафқат рукни умдаи таълимоти мазҳаби ҳанафияро ташкил медиҳанд.
Ва итминон дорам, ки ҳар фарди мусулмони кишвар ҳамчун пайрави ин мазҳаби инсондӯстиву таҳаммулгароӣ ва вориси ин мероси бузурги ҷовидонӣ сулҳу суботи сарзамин, ойини неки хайрхоҳӣ ва дӯстиву муҳаббат ба ҳамдигарро ҳамеша пос дошта, минбаъд низ ба хотири ободии Ватан ва осоиши мардум кӯшиш хоҳад кард.
Ҳамчунин бовар дорам, ки амали хайри кӯмак ба ятимону маъюбон, мӯҳтоҷону дармондагон ва оилаҳои камбизоат дар ин моҳи шариф, ки айёми иҷрои амалҳои неку савоб аст, ривоҷи тоза пайдо хоҳад кард.   
Бо изҳори чунин ниятҳои нек фарорасии моҳи шарифи Рамазонро ба кулли мардуми мусулмони кишвар муборакбод гуфта, аз даргоҳи Худованди мутаол ба ҳар хонавода хушҳоливу хушрӯзӣ, ризқу рӯзии фаровон ва рӯзгори босаодат металабам.
Орзу дорам, ки тоату ибодати моҳи мубораки Рамазон барои ҳар яки мо айёми сабру парҳезгорӣ, ҷавонмардиву саховатмандӣ ва файзу баракат дар хонадони ҳар кадоми мо гардад!
Ҳамеша саломату сарбаланд бошед, ҳамватанони азиз!


Баёни ақида (0)    Санаи нашр:    №:    Мутолиа карданд: 986

23.10.2019


Тоҷикистон ба рейтинги ҷаҳонии беҳтарин ҷойҳои саёҳат дар соли 2020 ворид шуд

Дар майдони ҳарб машқҳои СААД «Бародарии шикастнопазир — 2019» мегузаранд

Баъди гуфтушуниди Сочи Туркия амалиёти «Манбаи сулҳ» дар Сурияро қатъ менамояд

Трамп мехоҳад бо Россия ва Чин созишномаи ядроӣ бибандад

Ҷаҳон дар як сатр

22.10.2019


Иштироки ҳайати Тоҷикистон дар Форуми ҳамкориҳои Чин – Осиёи Марказӣ

Вохӯрии Сироҷиддин Муҳриддин бо Ҳейти Мяемеэс

Тоҷикистон дар раддабандии «AFAR» ҷойи аввалро гирифт

Дар Исфара машварати омӯзишӣ баргузор мешавад

9 ноябр - бозии дӯстонаи мунтахаби Тоҷикистону Малайзия

Амалиёти Туркия дар Сурия боиси тарки манзил кардани 70 ҳазор кӯдак шуд

Дар Қазоқистон ба собиқ Президент Назарбоев ваколатҳои бештар доданд

ВКХ Туркия: «Мо амалиётро идома медиҳем, агар террористон нараванд»

Омодашавии ИМА барои аз Афғонистон пурра баровардани артиш

Громов: «Имтиёзҳои андозбандиву гумрукӣ метавонанд “Газпром”- ро ба Тоҷикистон ҳавасманд кунанд

Ҷаҳон дар як сатр

21.10.2019


Баррасии рушди ҳамкориҳои байнипарлумонии Тоҷикистону Россия

Вохӯрии Давлаталӣ Саид бо Шэн Юэюэ

Ҷаласаи Шӯрои ҳамоҳангсозии фаъолияти мақомоти ҳифзи ҳуқуқ

Ҷонсон аз Иттиҳоди Аврупо то январи соли 2020 мавқуф гузоштани Брекситро хоҳиш намуд

Трамп умед дорад, ки ба қарибӣ бо Чин шартномаи тиҷоратӣ мебандад

Кандашавии сарбанд дар қарибии Красноярск боиси марги 15 нафар гашт

ИМА аз Афғонистон 5 ҳазор низомиашро мебарорад

Володин: «Россия ба кормандон аз Тоҷикистон ниёз дорад»

Ҷаҳон дар як сатр

18.10.2019


Дар Арабистони Саудӣ садамаи автомобилӣ боиси ҳалокати 35 зоир гашт

Нигаронии муовини Дабири кулли СММ аз афзудани хавфи сарзании ҷанги ядроӣ

Артиши Сурия бори аввал дар панҷ сол вориди Раққа шуд

Таллин барои дучархасавор шудани сокинон 195 миллион евро харҷ мекунад

Ҷаҳон дар як сатр

Қонунгузорӣ. Ҷазо барои шиканҷа пурзӯр мегардад

Суғд. 557 ҳодисаи фавқулода дар нуҳ моҳ

Хуҷанд мизбони Чемпионати Осиё оид ба самбо - 2022

15.10.2019


Иштироки низомиёни тоҷик дар машқҳои СААД дар вилояти Нижегород


Дар сомонаҳои дигари Тоҷикистон хонед