logo

иқтисод

ВАҚТЕ ДАР ҶӮЙБОР ОБ НЕСТ...

Як ҳафта боз Канали калони Ҳисор пуроб аст. Ин нишони он мебошад, ки мавсими нави таъмини оби полизӣ ба хоҷагиҳои деҳқонӣ ва ҷамоавии водии Ҳисор сар шуд, сарфи  назар аз он ки ба кишоварзон нисбат ба соли гузашта тақрибан 40 рӯз дертар об дода шуд. Аммо на  ҳамаи шабакаҳои обёрӣ дар минтақаҳо фаъоланд.
Сабабаш агар аз як ҷиҳат сербориш омадани баҳор бошад, аз ҷиҳати дигар сари вақт омода набудани идораҳои дар шаҳру ноҳияҳобудаи Агентии беҳдошти замин ва обёрии ҷумҳурӣ ба мавсими нав мебошад.
- Соли ҷорӣ идораҳои давлатии беҳдошти замин ва обёрии шаҳру ноҳияҳо бо 4875 истифодабарандаи об дар майдони 559328  гектар шартномаи додугирифти обро ба нақша гирифтанд, ки ин нишондод нисбат ба ҳамин давраи  соли гузашта 5777 гектар кам мебошад. Дар ин самт шуъбаи беҳдошти замин ва обёрӣ дар Вилояти Мухтори Кӯҳистони  Бадахшон (19%), идораҳои давлатии беҳдошти замин ва обёрии  ноҳияҳои Хуросон (81%), Дӯстӣ  (88%) ва Шаҳринав (89%) камфаъолиятӣ зоҳир намуда, нақшаи шартномабандиро иҷро накарданд. Ҳамчунин, иҷрои корҳои тоза намудани заҳбуру заҳкашҳо аз ҷониби  идораҳои давлатии беҳдошти замин ва обёрии ноҳияҳои Панҷ (30%), Вахш (35%) ва Ҷайҳун (40%) ғайриқаноатбахш ба ҷо оварда шудаанд, - мегӯяд Шафоат Назифов, сардори раёсати ҳавзавии беҳдошти замин ва обёрии агентӣ.
Тавре аз гуфтаи ӯ бармеояд, дар бисёр шаҳру ноҳияҳо ба ин масъалаи доғи рӯз кам аҳамият додаанд. Ҳол он ки моҳҳои марту апрел барои ғаллакорону сабзавоткорон моҳҳои ҳалкунандаи тақдири ҳосил  ба шумор мераваду аз рӯйи таҷрибаи деҳқонони ботаҷриба ҳеҷ вақт боришот ҷойи обёрии заминро пӯшонда наметавонад. Ғаллаи замини обиро ҳатман дар баҳор як – ду маротиба об додан зарур аст. Ногуфта намонад, ки бисёр деҳқонони бетаҷриба ба умеди боришот шуда, аз ҳар як гектар заминҳои обӣ аз 10 то 15 – сентнерӣ ҳосилро аз даст медиҳанд.
Чандин сол аст, кишоварзон аз он шикоят доранд, ки мавсими обёрӣ дер шурӯъ мешаваду киштаҳои пиёзу сабзӣ, караму помидор, бодирингу қаланфур ва ғайра аз беобӣ месӯзад. Танҳо барои он ки оби полизӣ дер сар дода мешавад, дар минтақаи Кӯлоби вилояти Хатлон ҳазорҳо нафар кишоварзон ба кишти барвақтии зироатҳо машғул нашуда, қариб як ҳосилро аз даст медиҳанд.
Семоҳаи якуми соли 2017 ба поён расида бошад ҳам, корҳои тоза намудани шабакаҳои обёрӣ дар  шаҳру ноҳияҳои Носири Хусрав  22%, Сарбанд 45%, Восеъ 54%, Ваҳдат 62% ба анҷом расонда шудаасту халос. Ин шаҳодати он аст, ки мақомоти иҷроияи маҳаллии ҳокимияти давлатии ин шаҳру ноҳияҳо ва идораҳои шаҳру ноҳиявии беҳдошти замин ва обёрӣ ба мавсими обёрӣ омодагии ҳаматарафа надидаанд. Бояд гуфт, ки ҳар кор мавсими худро дорад ва масъулин бояд онро дар муҳлати муайян ба анҷом расонанд. Моҳҳои марту апрел дар бисёр минтақаҳои ҷумҳурӣ давраи обхезии дарёҳост. Ҳоло бисёр техникаю мошинолот ба корҳои соҳилмустаҳкамсозӣ сафарбар шудаанд ва ин кор қариб як моҳи дигар идома меёбад. Дар ин ҳолат масъулони идораҳои беҳсозии замин ва обёрӣ чӣ гуна метавонанд, ки шабакаҳои обёриро пурра омода созанд?
- Дар семоҳаи аввал тибқи дархости кишоварзон ба миқдори 17,2 миллион метри мукааб об бо арзиши 296,4  ҳазор сомонӣ  расонда шуд, аммо, мутаассифона, ҳамагӣ 64 % - и он бо санадҳои додугирифт тасдиқ гардидааст. То 31 марти соли ҷорӣ  аз ҷониби идораҳои  агентӣ корҳои мелиоративӣ  ба маблағи 770 ҳазор сомонӣ ба анҷом расонда, ҳолати 920 гектар заминҳо беҳтар карда шудааст. Аз ҷумла, 620 гектар аз ҳисоби маблағҳои ҳаққи хизмати обрасонӣ, 190 гектар аз ҳисоби буҷети маҳаллӣ, 110 гектар аз ҳисоби лоиҳаи Фарғона дар вилояти Хатлон беҳтар карда шуда, дар ин самт корҳо идома доранд, - гуфт дар хотима Шафоат Назифов.
Аммо “гапи хона ба бозор рост намеояд” мегӯянд. Бо ҳисобот киштзори кишоварзонро шодоб намудан ғайриимкон аст. Деҳқон ҳамон вақт ба гирифтани ҳосили фаровон дилпур аст, ки дар ҷӯйи саргаҳи заминаш об ҷорӣ бошад. Инро бояд масъулони Агентии беҳдошти замин ва обёрии ҷумҳурӣ хуб донанд.
Мирзои ФИРӮЗ, “Ҷумҳурият”


Баёни ақида (0)    Санаи нашр: 27.04.2017    №: 86    Мутолиа карданд: 587
07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД

ИҶРОИ НАҚШАИ АНДОЗИ ИҶТИМОӢ 101 ДАРСАД ТАЪМИН ГАШТ

БАЛҶУВОН. ҲАҶМИ ИСТЕҲСОЛИ МАҲСУЛОТИ КИШОВАРЗӢ КОҲИШ ЁФТ

МАҲАЛ. ҶАЛБИ НИЁЗМАНДОН ВА ТИҶОРАТИ КИШОВАРЗӢ

ВМКБ. БОЗДИДИ РАМАЗОН РАҲИМЗОДА АЗ РАФТИ БУНЁДИ ИНШООТИ ҶАШНӢ

МОЛИЯ. МАБЛАҒГУЗОРИИ СОҲАҲОИ ИҶТИМОӢ АФЗУД

ФУТБОЛ. ТИМИ МИЛЛӢ МОҲИ СЕНТЯБР ДУ БОЗИИ САНҶИШӢ МЕГУЗАРОНАД

ЧИН ВАКСИНАИ АЛАЙҲИ КОРОНАВИРУСРО ДАР БРАЗИЛИЯ ВА АМА МЕОЗМОЯД


Дар сомонаҳои дигари Тоҷикистон хонед