logo

сиёсат

ҶАВОНОН ВА НАҚШИ МЕҲВАРИИ ОНҲО ДАР ТАҲКИМИ ВАҲДАТИ МИЛЛӢ

Бо гузашти 20 сол беш аз пеш собит мегардад, ки хотима бахшидан ба ҷанги таҳмилии шаҳрвандӣ ва муваффақият дар имзои Созишномаи умумии истиқрори сулҳ ва ризояти миллӣ дар Тоҷикистон аз бузургтарин дастовардҳои таърихи навини миллати тоҷик маҳсуб меёбанд.

Ин дастоварди бунёдии кишвари мо, ки бо талошҳои бесобиқаи роҳбарияти олии мамлакат ба даст омад, дар оянда метавонад ҳамчун намунаи беҳтарини ба ҳам овардани тарафҳои даргир дар кишварҳои дигари ҷаҳон, ки ба оташи ҷанги шаҳрвандӣ кашида шудаанд, хизмат намояд.
Бо назардошти рӯйдодҳои сиёсии ҷаҳони муосир моро зарур аст, ки дастовардҳои Истиқлолияти давлатӣ ва ваҳдати миллиро мисли гавҳараки чашм ҳифз намоем, зеро ҳанӯз ҳам гурӯҳҳои манфиатхоҳи дохилию хориҷӣ бо ҳар роҳ мехоҳанд амнияту суботи кишварро халалдор созанд. Дар ин замина, дар баробари давлату Ҳукумат тамоми сохторҳо бояд таваҷҷуҳи асосиро ба сиёсати давлатӣ дар соҳаи ҷавонон равона сохта, ин қишри ҷомеаро дар рӯҳияи баланди ватандӯстию меҳанпарастӣ тарбия намоянд. Ин вазифаи муқаддас бояд кори ҳаррӯзаи оила, мактаб ва дигар ниҳодҳои дахлдор бошад.
Ин нукта ба он хотир таъкид шуд, ки ҳизбу ҳаракатҳои экстремистию террористӣ ва гурӯҳҳои ҷудоихоҳ барои ноил гардидан ба ҳадафҳои хеш, пеш аз ҳама, ба ҷавонон такя менамоянд ва аз надоштани таҷрибаи кофии зиндагии онҳо ба хубӣ истифода мебаранд. Ин моро водор месозад, ки ҷавононро бештар ба зиракиву ҳушёрӣ, худогоҳию меҳанпарастӣ даъват намуда, барои дар рӯҳияи ваҳдату ягонагӣ ба камол расондани онҳо дар саросари кишвар заминаи воқеӣ муҳайё созем. Бо назардошти ин, мувофиқи мақсад мебуд, ки ҳангоми амалисозии барномаҳои зиёди марбут ба сиёсати ҷавонон баъзе омилҳои номатлуби ҷаҳони муосир, аз қабили буҳрони глобалии ҷаҳонӣ, таҳоҷуми фарҳангии кишварҳои дуру наздик ба инобат гирифта шаванд.
Мутаассифона, солҳои охир гурӯҳҳои манфиатдор ба воситаи шабакаи ҷаҳонии интернет барномаҳои махсуси ғаразноки хешро ба хотири таъсир расондан ба шуури шаҳрвандони мо, бахусус ҷавонон хеле зиёд пахш мекунанд. Табиист, ки на ҳама метавонад дурустӣ ва ё нодурустии ин иттилоотро дарк намоянд. Аз ин рӯ, зарурате пеш омадааст, ки дар мақомоти дахлдор аз ҳисоби намояндагони ВАО гурӯҳи фаврӣ таъсис дода шавад, ки барномаҳои вокуниширо дар шабакаҳои иҷтимоӣ таъмин намояд. Ин иқдом метавонад ҳадафҳои таҳиягарони барномаҳои ғаразнокро барбод дода, ба ташаккули андешаи созандаи ҷавонон таъсири мусбат расонад.
Гузашта аз ин, мушоҳидаҳо собит месозанд, ки қисми зиёди мардуми деҳот, бахусус ҷавонон бештар ба тамошои филмҳои таблиғкунандаи фарҳанги бегона таваҷҷуҳ зоҳир менамоянд. Ҳукумати мамлакат, мақомоти дахлдор дар ин самт тадбирҳои муассир андешидаанд. Аммо, набояд фаромӯш кард, ки пешгирии истеҳсол ва манъи филмҳои таблиғотӣ ҳалли ниҳоии масъала набуда, балки мебояд ин фазои бози маънавиро бо филмҳои дорои хусусияти ватандӯстидошта пур кард. Аз ин рӯ, фурсати он расидааст, ки баҳри пурра бартарафсозии филмҳои тарғибгари падидаҳои бегонапарастию ифротгароӣ ба наворгирии филмҳои ватанӣ роҳандозӣ шавад, то онҳо ба муттаҳидсозии доираҳои васеи ҷомеа, бахусус ҷавонон мусоидат карда тавонанд.
Бо назардошти аҳамияти ин мавзӯъ дар ҳаёти сиёсии кишвар бо ибтикори Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон соли 2017 Соли ҷавонон эълон гардид. Ин иқдоми Сарвари давлат бори дигар заминаи мусоидро дар кори тарбияи ҷавонон дар рӯҳияи ватандӯстию худогоҳии миллӣ ва ҷалби онҳо ба корҳои созандагию бунёдкорӣ фароҳам сохт. Ба назари мо, зарурате ба миён омадааст, ки бо мақсади ҷалби бештари ҷавонон ба идоракунии давлат, таъмини масъулияти баланди шаҳрвандии онҳо ва пойдории ваҳдати миллӣ барномаи давлатӣ «Дар бораи пойдории ваҳдати миллӣ» қабул карда шавад. Барномаи мазкур метавонад минбаъд сарҷамъии миллати тоҷик, шаҳрвандони Тоҷикистон, бахусус ҷавононро дар амалисозии сиёсати давлатӣ таъмин сохта, пеши роҳи омилҳои номатлуби таҳмилии хориҷиро боз дорад. Ҳамзамон, ба таври мунтазам баргузор кардани чорабиниҳои гуногуни тарғибкунандаи арзишҳои миллии халқияту миллатҳои муқими Тоҷикистонро низ набояд фаромӯш кард. Зеро ин иқдом имкон медиҳад, ки ҷавонон бо фарҳанги халқияту миллатҳои дигар, ки Тоҷикистонро Ватани худ донистаанд, аз наздик шинос шаванд.
Масъалаи дигаре, ки амалисозии он, ба назари мо, таъхирнопазир аст, гузарондани тадқиқоти сотсиологӣ бо иштироки донишмандони ин соҳа, бо мақсади муайян намудани сатҳи таҳаммулпазирии ҷавонон дар маҳалҳо мебошад. Зеро натиҷаи чунин таҳқиқот имкон медиҳад, ки мо дар ҳар як минтақа на танҳо сатҳи таҳаммулпазирӣ, худшиносии миллӣ, ифтихори миллӣ, шинохти ҳувияти миллӣ ва пойдор нигоҳ доштани ваҳдати миллиро дар миёни ҷавонон муайян созем, балки нуктаҳои осебпазирро низ дақиқ намоем. Ин маълумот имкон фароҳам меорад, ки дар вақти амалисозии барномаҳои гуногуни марбут ба соҳаи ҷавонон таваҷҷуҳи махсусро, пеш аз ҳама, ба кадом минтақа ва маҳал равона созем. Дар амал татбиқ гардидани ин тавсияҳо метавонад дар кори тарбияи ҷавонон дар рӯҳияи ватандӯстию худогоҳии миллӣ, эҳтиром ба арзишҳои миллию умумибашарӣ, ифтихори ватандорӣ ва пойдории ваҳдати миллӣ мусоидат намояд.
Сунатулло АНВАРЗОДА,  коршинос


Баёни ақида (0)    Санаи нашр: 01.05.2017    №: 88    Мутолиа карданд: 1067

22.02.2019


Ҷаласаи Комиссияи сетарафаи танзими муносибатҳои иҷтимоию меҳнатӣ

Забони тоҷикӣ таърихи зиёда аз чорҳазорсолаи хату алифбо дорад

ББТ барои фаъолияти оператори низоми пардохтии “Осон” иҷозатнома гирифт

МАВСИМИ НАВИ ЛИГАИ ОЛӢ МОҲИ АПРЕЛ ОҒОЗ МЕГАРДАД

Путин самтҳои асосии сиёсати хориҷии Россияро тавзеҳ дод

Хадамоти вижаи 7 кишвари ИДМ машқи "Арарат-Антитеррор" мегузаронанд

Чин дар кайҳон неругоҳи барқи офтобӣ месозад

21.02.2019


ХУҶАНД. Оғози сохтмони бинои нави «Тоҷикстандарт»

ФУТБОЛ. Тақвими бозиҳои тими мунтахаби олимпии кишвар муайян гардид

Табибон аз Тотористон бо ҳампешаҳои тоҷики худ мубодилаи таҷриба мекунанд

Роҳандозии лоиҳаҳои инноватсионӣ дар Қазоқистон

Дар Ҳиндустон 13 иштирокдори тӯй зери чархи мошини боркаш монд

Сӯхтор сабабгори марги ҳафт кӯдак дар Канада

Ҷаҳон дар як сатр

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид


Дар сомонаҳои дигари Тоҷикистон хонед