logo

фарҳанг

ҲАДАФ, ҚУДРАТ ВА ИРОДА

Нафаре, ки дар борааш сухан мегӯем, мехоҳад собит созад, ки тоҷикон фарҳанги либоспӯшии хоси худро доранд ва он мояи ифтихорашон аст. Барои расидан ба ин ҳадаф ӯро ҳунар, иродаи шикастнопазир ва ҷасорат ҳамроҳанд. Ҳатто дар саҳнаҳои муд барои муаррифии офаридаҳояш ба ӯ намоишгар (модел) ҳам лозим нест, маҳсули дастранҷашро тариқи саҳифаи шахсӣ дар Facebook ва иштирок дар намоишгоҳҳои байналмилалӣ ба ҷаҳон мебарорад.

Барои ин, миёни бонуфузтарин занони тоҷик аз ҷониби Global Voices - платформаи байналмилалии блогсозӣ мақоми “Симои муди тоҷик” – ро соҳиб гашт.
Қаҳрамони ин сатрҳо Макнуна Ниёзова мебошад, ки либоси миллии тоҷиконро обуранги хос ва зебоӣ бахшид. Дар эҷодиёташ беҳтарин анъанаҳои либоси миллӣ бо хусусиятҳои хоси замон тавъам инъкос ёфтаанд. Макнуна мегӯяд, ки тарҳи либоси муосири аврупоӣ пеш рафтааст ва қариб дар тамоми кишварҳои ҷаҳон истифода мешавад. Бинобар ин, гумон мекунам, ки мо ҳам бояд бо ҷаҳон ҳамқадам бошем, аммо дар баробари пешравӣ тарҳи либоспӯшии миллиро нигоҳ дорем. Масалан, симои зани тоҷик дар ҳар давру замон вобаста аз таъсири пешрафти муд имкони тағйир кардан дорад. Аз ин лиҳоз, муҳим аст, ки дар либоспӯшӣ ба расму оини миллӣ такя намуда, ҳамвора пеш равем. Яъне, дар асоси таърихи фарҳангу тамаддуни хеш либосҳои навро эҳё созем.
Касбиятро Макнуна Ниёзова дар раванди омӯзиш ва кор дар Донишгоҳи технологии Тоҷикистон, факултаи технология ва дизайн бо дастгирии устодону дизайнерон аз худ карда, пайваста такмил медиҳад, агарчи орзу ҳам мекард мисли Хайринисо Юсуфӣ бонуи сиёсат бошад. Вале, ҳунаре, ки аз модар мерос монда буд, боло гирифт ва ӯро миёни мардум шинохта кард, балки шуҳрати ҷаҳонӣ бахшид.  Макнуна аввалин тарроҳест, ки дар давраи донишҷӯӣ иштирокчии озмуни байналмилалии дизайнерони ҷавон гардид. Вай ғолиби Фестивали ҷаҳонии “Муди Осиё” – и Кореяи Ҷанубӣ мебошад. Дар озмуни байналмилалии  «Ситораҳои Кремл» миёни 24 давлати ҷаҳон ба финал баромада, барои иштирок дар «Ҳафтаи муд» - и Амрико роҳхат гирифт. Музаффариятро Макнуна дар гузоштани мақсад ва талоши расидан ба он медонад, махсусан бо шиори худ - “Нафаре, ки бохтан метавонад, қаҳрамон аст”. Рақобат карданро меписандад. Мегӯяд, ки ман агар дар коре ноком гардам, баръакс барои муваффақ шудан бо қудрат ва тавоноии дучанд талош меварзам.
Ҳамаи ин талошҳо муҳаббати самимии Макнуна Ниёзоваро ба Ватан ва касби пешакардааш бозгӯй менамояд, ин самимият ҳангоми суҳбат дар идораи рӯзнома воқеан эҳсос шуд. Вай ҳамчун Зан - Модар пешрафти ҳар як бонуи тоҷик ва саҳми ӯро дар ҷомеа муҳим медонад. Айни замон Макнуна Ниёзова, роҳбари Маркази таълимӣ – тренинги “Муди чаманоро” – и Донишгоҳи давлатии Данғара мебошад. “Чаманоро” – ро худаш ном гузошт, зеро он ифодагари зебоии табиати диёр аст. Тарроҳӣ ҳам зебосозист, вале зан – зеботару қудрати зиёди зебоиофарӣ дорад. Макнуна Ниёзова ҳам дар тамоми унсурҳои табиат зебоиро мебинад, эҳсос мекунад ва дар эҷодиёташ инъикос менамояд. Дар маркази  “Муди чаманоро”  таваҷҷуҳи асосӣ ба омӯзиш ва ҷалби занону духтарони деҳот ба донишомӯзӣ ва эҳёи либосҳои муосири миллӣ равона шудааст. Марказ бо 12 нафар занони соҳибкасб беш аз сад духтари деҳотро тариқи курсҳои кӯтоҳмуддати дӯзандагӣ ва рассомӣ ба омӯзиш фаро гирифтааст.
Ба гуфтаи Макнуна Ниёзова, аз солҳое, ки таваҷҷуҳи Ҳукумати мамлакат ба либоси миллӣ бештар гардид, суръати пешрафти соҳаи дизайн комилан тағйир ёфт. Бовар аст, ки муди миллӣ бо эҳёи либосҳои нави миллӣ ва расму оини қадимаи замоне фаромӯшшуда дар ҷумҳурӣ ва ҷаҳон мақоми навро касб мекунад.
Айни замон Макнуна дар баробари таҳияи маҷмӯи либосҳои нав, ки бештар либосҳои корию фароғатии занонаро дар бар мегирад, муаҳассили Донишкадаи идоракунии давлатии назди Президенти ҷумҳурӣ мебошад. Фикр мекунад, ки барои пешрафти худ ва ҷомеа ҳанӯз анҷом додани корҳои зиёд дар пешанд. 
О. ВАФОБЕКЗОДА, “Ҷумҳурият”


Баёни ақида (0)    Санаи нашр: 01.05.2017    №: 88    Мутолиа карданд: 551

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд


Дар сомонаҳои дигари Тоҷикистон хонед