logo

иҷтимоиёт

САДОҚАТЕ, КИ ШОЁНИ ТАҲСИН АСТ

Вакили Маҷлиси намояндагони Маҷлиси Олии Ҷумҳурии Тоҷикистон, раиси фраксияи Ҳизби Халқии Демократии Тоҷикистон  дар Маҷлиси намояндагони Маҷлиси Олии Ҷумҳурии Тоҷикистон, доктори илмҳои ҳуқуқшиносӣ, профессори кафедраи ҳуқуқи инсон ва ҳуқуқшиносии муқоисавии Донишгоҳи миллии Тоҷикистон - ҳамаи ин вазифаву унвонҳо ба Бахтовар Сафарзода тааллуқ доранд.
Бахтовар Сафарзода ҷавонтарин вакил дар таърихи Маҷлиси намояндагон мебошад. Вай 1 марти соли 2015 ҳамчун номзади пешниҳодшуда ба вакилии Маҷлиси намояндагони Маҷлиси Олии Ҷумҳурии Тоҷикистон аз Ҳизби Халқии Демократии Тоҷикистон аз ҳавзаи якмандатии интихоботии Вахш № 32 бо дарёфти 90 дарсади овозҳо интихоб мегардад. Он вақт ӯ 31 сол дошт.
Соли 2006 мувофиқи тақсимоти давлатӣ ӯ ба сифати аспиранти  шуъбаи рӯзона фаъолияти илмии худро шурӯъ намуда, соли 2010 бо ҳимояи рисолаи  номзадии худ (Қонуниятҳои ташаккули нахустин давлати исломӣ) сазовори дараҷаи илмии номзади илмҳои ҳуқуқшиносӣ мегардад. Ҳамзамон аз соли 2007 ба сифати ассистенти кафедраи ҳуқуқи инсон ва ҳуқуқшиносии муқоисавии факултети ҳуқуқшиносии ДМТ оғоз менамояд. Аз 31 августи соли 2009 то 2 марти соли 2015 ба сифати мудири кафедраи ҳуқуқи инсон ва ҳуқуқшиносии муқоисавии факултети ҳуқуқшиносии ДМТ интихоб шуда, фаъолият намудааст. Аз 2 январи соли 2014 то 2 марти соли 2015 ба сифати муовини ректори Донишгоҳи миллии Тоҷикистон оид ба илм ифои вазифа намудааст. Бо забонҳои русиву англисӣ озодона ҳарф мезанад.
Давоми беш аз ду соли фаъолият ҳамчун вакил ба як қатор санадҳои қонунгузорӣ бо истифода аз ҳуқуқи ташаббуси қонунгузорӣ  ҳамчун муаллиф пешниҳодҳо манзур доштааст, ки аксари онҳо пазироии хуб ёфтаанд. Гузашта аз ин, раиси фраксияи Ҳизби Халқии Демократии Тоҷикистон дар порлумон интихоб шудааст, ки айни ҳол 43 вакил дар он ҷамъ омадаанд. 
Эмомалӣ Насриддинзода, раиси Кумитаи оид ба қонунгузорӣ ва ҳуқуқи инсони Маҷлиси намояндагон дар суҳбат бо мо иброз дошт, ки фаъолият ва роҳи интихобнамудаи Бахтовар Сафарзода метавонад барои ҷавонони дигар намунаи ибрат бошад. Лоиҳаҳои санадҳои қонунгузорие, ки аз ҷониби вакили ҷавон Бахтовар Сафарзода пешниҳод шудаанд, ҳар як ба хотири баланд бардоштани фарҳанги ҳуқуқиву сиёсии мардум, масъулияти иштирокчиёни муносибатҳои ҳуқуқӣ вобаста ба масъалаҳои рӯзмарра таҳия гардидаанд. Инҳо тағйиру иловаҳо ба Қонуни конститутсионии Ҷумҳурии Тоҷикистон «Дар бораи мақомоти прокуратураи Ҷумҳурии Тоҷикистон», Кодекси ҷиноятии Ҷумҳурии Тоҷикистон, Кодекси ҳуқуқвайронкунии маъмурии Ҷумҳурии Тоҷикистон, Кодекси мурофиаи граждании Ҷумҳурии Тоҷикистон ва ғайраҳо мебошанд.
- Дар фаъолияти қонунгузории вакилон ғайр аз истифодаи ҳуқуқи ташаббуси қонунгузорӣ, инчунин, ба иҷлосия омода намудани лоиҳаҳои ба кумита вобасташуда низ дохил мешаванд, ки он ҳам заҳмати зиёд ва нозукбиниро талаб менамояд. Дар ин ҷода низ Бахтовар Сафарзода ҳамчун вакили масъул иштироки фаъол дорад, - мегӯяд раиси кумита.
Ба гуфтаи ӯ рисолаи доктории Бахтовар Сафарзода дар мавзӯи «Инъикоси стандартҳои байналмилалӣ оид ба ҳуқуқи инсон дар низоми ҳуқуқии Ҷумҳурии Тоҷикистон», ки 9 октябри соли 2015 дифоъ намуда, соҳиби унвони доктори илмҳои ҳуқуқшиносӣ гардид, манфиатҳои давлатро дар арсаи байналмилаӣ муаррифӣ менамояд.
Б. Сафарзода рисолаи доктории худро дар синни 32 - солагӣ дифоъ намудааст ва ҷавонтарин доктори илмҳои ҳуқуқшиносӣ дар таърихи Ҷумҳурии Тоҷикистон ба шумор меравад. Доираи таҳқиқоти илмиаш дар бахшҳои назария ва таърихи давлат ва ҳуқуқ, ҳуқуқи инсон, ҳуқуқи конститутсионӣ ва ҳуқуқи байналмилалӣ буда, муаллифи беш аз 120 маводи илмию таҳқиқотӣ мебошад.
Барои хизматҳои шоён дар рушди илми ҳуқуқшиносии кишвар бо мукофотҳои гуногун сарфароз гардонда шудааст, ки «Ифтихорномаи Донишгоҳи миллии Тоҷикистон» (соли 2009), «Ҷоизаи ба номи Исмоили Сомонӣ» барои олимони ҷавон дар соҳаи илм ва техника (соли 2011), «Аълочии маорифи Ҷумҳурии Тоҷикистон» (соли 2013), Медали ҷашнии «90 - солагии адлияи тоҷик» (соли 2014) аз ҷумлаи онҳо ба шумор мераванд.
Шояд хонандаи мо суол диҳад, ки чӣ тавр новобаста аз ҷавон будан ба Б. Сафарзода муяссар гашт, ки ба қуллаи баланд бирасад? Дар ҷодаи интихобкарда муваффақ гардад, эҳтиром, эътимод ва муҳим аз ҳама боварии мардум ва атрофиёнро сазовор шавад?
Албатта, кӯшиш, ғайрат, талош, майлу хоҳиш ва истодагарӣ ҳамеша ӯро ҳамроҳ буданд. Аммо дар ин ҷода барои ноил шудан ба музаффариятҳои бузург бархе аз устодон ба ӯ ёвар буданд.
- Муваффақияти ҳар шахс қабл аз ҳама ба муҳити иҳотакарда вобастагӣ дорад, - мегӯяд Б. Сафарзода. Гурӯҳе, ки шуморо иҳота мекунад, оилае, ки дар он ба воя расидед, ҳайате, ки шумо дар он кор мекунед, устодону ҳамкасбон, роҳбарону роҳбаладон нисбати шумо бояд хайрхоҳ бошанд. Беҳтареро аз байни бисёрӣ ҷудо кардан ниҳоят мушкил аст. Ва дили васеву нияти некро талаб менамояд, то як нафари хомро пухта кунӣ, ба роҳи рост, муваффақиятҳои пай дар пай ва баъзан, ҳатто ба вазифаҳои аз худ ҳам болотар ҳидоят намоӣ.
Воқеан ҳам донишу заковат ва кордониву ташаббускории  қаҳрамони мо  қобили таҳсин аст. Симои ӯ  сиёсатмадори ояндадорро мемонад. Ба ӯ дар роҳи интихобнамудааш, ки саропо садоқату эътимод ба ояндаи дурахшони Тоҷикистони соҳибистиқлол ва хизмати сазовор ба миллату давлат аст, барору комёбӣ хоҳонем.
Шаҳноз ҚУРБОН, «Ҷумҳурият»


Баёни ақида (0)    Санаи нашр: 02.05.2017    №: 89    Мутолиа карданд: 583
01.07.2020


ҚАРОР ДАР БОРАИ ТАЪЙИН ВА ПАРДОХТИ КУМАКПУЛИИ ИҶТИМОӢ

4568 МУБТАЛОИ COVID – 19 ДАР ТОҶИКИСТОН ШИФО ЁФТ

ҶАЛАСАИ ШӮРОИ ИҚТИСОДИИ ИДМ

НИШАСТИ САТҲИ БАЛАНД ДАР ҚОЛАБИ С5+1

ЛИГАИ ОЛӢ. ЭҲСОН ВА ВИТАЛИЙ БЕҲТАРИНҲОИ МОҲИ ИЮН

НАҚШАИ РУШДИ ИДМ БО НАЗАРДОШТИ COVID-19 ТАТБИҚ МЕШАВАД

ҶАҲОН ДАР ЯК САТР

30.06.2020


МУРАШКО: «РОССИЯ ОМОДА АСТ, ВАКСИНАҲОИ КОРОНАВИРУСРО БА БОЗОРИ ҶАҲОНӢ ВОРИД СОЗАД»

ҶАҲОН ДАР ЯК САТР

26.06.2020


75 ДАРСАДИ СИРОЯТЁФТАГОНИ COVID – 19 ДАР ТОҶИКИСТОН ШИФО ЁФТАНД

БОХТАР. ХИЗМАТЧИЁНИ ДАВЛАТӢ САВГАНД ЁД КАРДАНД

ФУТБОЛ. БОЗИИ РАФИҚОНАИ ДУ КИШВАРИ ДӮСТ

СУТ ХУРУҶИ НАВИ КОРОНАВИРУСРО ДАР АВРУПО ТАСДИҚ НАМУД

ҶАҲОН ДАР ЯК САТР

25.06.2020


COVID – 19. ДАР ТОҶИКИСТОН 4194 СИРОЯТЁФТА СИҲАТ ШУД

24.06.2020


ХУШХАБАР. ДАР ТОҶИКИСТОН 73,8 ДАРСАДИ МУБТАЛОЁНИ КОРОНАВИРУС ШИФО ЁФТАНД

АРАБИСТОНИ САУДӢ ҲАҶРО БАРОИ ЗОИРИНИ ХОРИҶӢ МАНЪ КАРД

ҶАҲОН ДАР ЯК САТР

23.06.2020


ТОҶИКИСТОН. БОЗ 44 СИРОЯТШУДА СИҲАТ ШУД

АШТ. ОҒОЗИ МУМФАРШКУНИИ РОҲИ ШАЙДОН - ПОНҒОЗ

БОЗГАШТИ ШАҲРВАНДОНИ ТОҶИКИСТОН АЗ ҚАЗОҚИСТОН ВА ӮЗБЕКИСТОН

ТАБИБОН НИШОНАҲОИ АСОСИИ КОРОНАВИРУСРО ДАР КӮДАКОН МУАЙЯН НАМУДАНД

ЛИГАИ НАВРАСОН ФАРДО БО ИШТИРОКИ 9 ТИМ ОҒОЗ МЕШАВАД

ИҚТИСОДИ ҶАҲОНӢ АЗ ПАНДЕМИЯ КАМАШ $126 МИЛЛИАРДРО ТАЛАФ ДОД

ҶАҲОН ДАР ЯК САТР

22.06.2020


ХУШХАБАР. 72,4 ДАРСАДИ СИРОЯТШУДАГОНИ COVID – 19 ДАР ТОҶИКИСТОН ШИФО ЁФТАНД

ҚУБОДИЁН. БОЗДИДИ ҚУРБОН ҲАКИМЗОДА АЗ КОРХОНАИ ИСТЕҲСОЛИ ЯХМОС

ЧЕМПИОНАТИ ТОҶИКИСТОН – 2020. АВВАЛИН БОХТҲОИ "ФАЙЗКАНД" ВА "ХАТЛОН"

СУТ: «МО ШОҲИДИ ҚАҲРАМОНӢ ВА ФИДОКОРИИ ПИЗИШКОНИ ТОҶИК БУДЕМ»

ҶАҲОН ДАР ЯК САТР

ТОҶИКИСТОН. 71,2 ДАРСАДИ ГИРИФТОРОНИ КОРОНАВИРУС СИҲАТ ШУДАНД

НУРОБОД. МАЙДОНИ КИШТИ КАРТОШКА ТАВСЕА МЕЁБАД

ЧЕМПИОНАТИ ОСИЁ – 2020. ДАСТАҲОИ МИЛЛИИ ТОҶИКИСТОН (U-16) ВА (U-19) БА КАДОМ ГУРӮҲ ШОМИЛ ШУДАНД?

18.06.2020


ХАТЛОН. ҶАЛАСАИ СИТОДИ ВИЛОЯТӢ ОИД БА ПУРЗӮР КАРДАНИ ТАДБИРҲОИ ЗИДДИЭПИДЕМИЯВӢ


Дар сомонаҳои дигари Тоҷикистон хонед