logo

иҷтимоиёт

ЛЁТЧИК

То он ки тайёраро аз наздик бубинад, дар дил меҳри идора кардани онро мепарварид. Ва аҷибу ҳайратовараш он аст, ки ӯ дар домани кӯҳи баланд дар деҳаи Дашти Майдони ноҳияи Балҷувон, ки даҳҳою садҳо километр дур аз фурудгоҳу аэродромҳо воқеъ аст, дар оилаи коргари одӣ ба дунё омадааст.
Ҳамон ҷо айёми тифлию наврасияшро гузаронд ва муассисаи таҳсилоти миёнаи асосиро бомуваффақият хатм кард. Устодонаш аз ӯ бо ифтихор ёдовар мешаванд ва мегӯянд, ки шогирдашон ҳанӯз аз айёми наврасияш суҳбатро дар бораи тайёра дӯст медошт. Ба саволи онҳо дар оянда кӣ мешавӣ,  Нисориддин ҳамеша кӯтоҳ, вале ҷиддӣ ҷавоб медод: «Лётчик!». Агарчи рафтору гуфтор ва хонишу донишаш шоистаю аъло буд, вале дар оянда ҳавонавард гардиданашро як орзуи дастнораси кӯдакӣ мепиндоштанд. Бо вуҷуди ин, касе ба фарқи орзуҳояш муште намезад, баръакс рӯҳбаланду дилпураш месохтанду таҳсину офаринаш мегуфтанд.
Дар вақти мактабхонӣ бештар ба фанҳои дақиқ – математика, геометрия, химия, физика, биология ва дар баробари онҳо ба забонҳои хориҷӣ ва тарбияи ҷисмонӣ мароқ зоҳир мекарду аз ин фанҳо баҳои аъло мегирифт. Бо рафтор ва одобу ахлоқи ҳамидааш намунаи ибрати дигарон буду бо ҳушёрию зиракӣ ва чусту чолокиаш аз дигар хонандаҳо бартарӣ дошт.
Вадудов Нисориддин мактаби нуҳсолаи деҳаашро хатм карду соли 2010-ум  ҳуҷҷатҳояшро ба литсейи ҳарбии Вазорати мудофиа супурд ва аз санҷишу имтиҳонҳо сарбаландона гузашта, барои амалӣ гардидани орзуҳояш заминаи боэътимод гузошт.  Дар литсей ӯ аз рӯзҳои аввал худро ҳамчун донишҷӯи бозаковат ва лаёқатманд нишон дода, дере нагузашта миёни ҳамсабақону омӯзгорон бо донишу малака ва одоби ҳамида обрӯву эътибори хоса пайдо кард. Тартибу низоми муайяншударо риоя ва супоришҳоро саривақту босифат ба иҷро мерасонд.  Донишу қобилият, садоқат ва ҷасурию далериашро ба инобат гирифта, соли 2012 - ум барои идомаи таҳсил ба Донишгоҳи олии ҳарбии ҳавоии шаҳри Краснодари Федератсияи Русия роҳхат доданд. Яъне, ба қуллаи мурод ва ба хонаи орзуҳояш. 
Нисориддин Вадудов айни ҳол дар курси панҷуми ин донишгоҳ дар ихтисоси сарнишини тайёраи ҳарбӣ идомаи таҳсили илм ва сайқали истеъдоду ҳунар дорад. Ва, ҳамзамон, бо ибрози шукрона инро низ дарк мекунад, ки дар Ватани азизамон Тоҷикистони соҳибистиқлол, бо дастгириву ғамхориҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон тамоми шароитҳои таҳсилу омӯзиш муҳайё гардида, дар партави сиёсати сулҳҷӯёнаи ӯ дари донишкадаю омӯзишгоҳҳои мамолики хориҷӣ низ ба рӯйи ҷавонони тоҷик боз аст. Ҷавонони мо имконият доранд, ки берун аз марзи кишвар ҳам таҳсили илм намуда, донишу малакаи худро сайқал диҳанд.  Нисориддин Вадудов аз ҷумлаи чунин ҷавононест, ки бо истифода аз ин имконият дар хориҷи кишвар илму ихтисоси муосиру замонавӣ меомӯзад. Чуноне ки худи ӯ иброз намуд, вай дар тайёраҳои ҳарбии тирандози Су - 27, Су - 37 ва МиГ - 29 ихтисоси сарнишин – нишонзанро аз худ намуда истодааст.  Ин ҷавони далери тоҷик, ки дар домани кӯҳи баланди Тоҷикистон ба дунё омадаю ба воя расидааст, акнун соли сеюм аст, ки тайёраро ба осмон бароварда, ҳангоми машқҳои ҳарбӣ тирҳоро бехато ба ҳадафҳои эҳтимолӣ мерасонад. Нисориддин мақсаду орзуи онро дорад, ки баъди хатми Донишгоҳи олии ҳарбии ҳавоӣ ба Тоҷикистон баргашта, дар Қӯшунҳои ҳарбӣ - ҳавоӣ хизмати Ватан-Модарро ба ҷо орад. Ӯ хушбахт аз он аст, ки ба орзуҳояш расид ва шукр аз он менамояд, ки ватане  орому осуда чун биҳишт - Тоҷикистони азизро дорад.
Муҳаммади ШОҲ, рӯзноманигор


Баёни ақида (0)    Санаи нашр: 03.05.2017    №: 90    Мутолиа карданд: 409

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"

Ҷаҳон дар як сатр

08.07.2019


Баррасии ҷараёни иҷрои Барномаи давлатии тарбияи ватандӯстӣ ва таҳкими ҳувияти миллии ҷавонон

"Душанбе - қалби Тоҷикистон"

Ҳамоиш оид ба таҳияи маҳсулоти сайёҳӣ

Россия нахусткайҳоннаварди арабро бо ғизои махсус таъмин месозад

Зиёни иқтисодии Гурҷистон аз коҳиши сайёҳони рус беш аз $700 миллион хоҳад шуд

Дар Қазоқистон то соли 2021 нияти ифтитоҳи 20 мактаби олӣ ва 180 коллеҷро доранд

СММ: "Қирғизистон нахустин кишварест, ки мушкили бешаҳрвандиро ҳал кард"

Зеленский пурра иҷро кардани созишномаи Минскро ваъда дод

Ҷаҳон дар як сатр

04.07.2019


Ҷаласаи Комиссияи муштараки ҳамкории иқтисодию тиҷоратии Тоҷикистону Покистон

Масъалаи татбиқи ҳамгироии сиёсати давлатии ҷавонон баррасӣ гардид


Дар сомонаҳои дигари Тоҷикистон хонед