logo

иҷтимоиёт

РӮЗГОРЕ БАРОИ ИБРАТ

Марг ҳам натавонист ному муҳаббати  Бобохон Почохонов, собиқадори ҷангу меҳнат, шахсияти маъруфи ноҳияи Ховалингро  аз лавҳи хотирҳову дилҳои дӯстону наздикон ва онҳое, ки ӯро мешинохтанд, бизудояду бибарад. Баръакс, собиту ошкор сохт, ки ӯ аз маҳбубияту шуҳрати хос бархӯрдор мебошад. Инчунин, ҳеҷ заҳмату ҷонфидоӣ, хидмати содиқона ба Ватан бе аҷру подош намемонад.

- Ба қадри ин Ватан, сулҳу субот ва хидматҳои бесобиқаи Пешвои миллат Эмомалӣ Раҳмон бояд расид. Миллатро аз нестшавӣ наҷот дод. Сулҳ оварду кишвари ҷангзадаву харобгардидаро обод намуд, - мегуфт зимни суҳбат ва насиҳат ба наврасону ҷавонон.
Сухану панду андарзҳояш зуд ба дилҳо роҳ меёфт, муассир буд. Ин ҳамаро, охир, марди рӯзгордидаву гармиҳову сардиҳои дунёро дида мегуфт. Ҳамеша шукр менамуд, ки аз самараҳои дарахти истиқлол баҳравар гардидааст, бо Пешвои миллат вохӯрдаву аз наздик суҳбат кардааст. Ӯро тараҳҳуми Парвардигор барои миллату давлат медонист.
Бобохон Почохонов 18-сола набуд, ки Ҷанги Бузурги Ватанӣ оғоз гардид. Ариза навишту дархост намуд, ки ӯро ихтиёран ба корзор, бар зидди фашизми гитлерӣ, ҳимояи Ватан бифиристанд.
Дар муҳорибаҳои шадиди озодкунии Краков, Варшава, Лодск ва дигар шаҳрҳо иштирок карда, аз худ ҷасорату шуҷоатмандӣ нишон додааст.
Мегуфт, ки махсусан муборизаашон бо фашистони гитлериро дар соли 1944 ҳеҷ аз ёд набаровардааст. То ба ҳол он корзорро бо ҳама даҳшаташ дар хоб низ мебинад. Ҷанговарони дигар зикр мекарданд, ки ҳатто ёду пеши рӯ овардани ин муҳориба басо вазнин аст.
Зимистони бисёр сарду пурбарф бо ду ҳамнабардаш супориш гирифт, ки нуқтаҳои оташфишони душманро нест кунанд, аз миён бибаранд. Барф имкон намедод, ки роҳи махсус кушода ба ҷониби душман ҳаракат бинамоянд. Ба ҷуз ин, дар пеш монеаҳои зиёду душвор, симхору истеҳком, майдонҳои ҳамвор воқеъ буданд. Аммо супоришро бояд иҷро кард. Иҷрои он ҳифзу  пойдории Ватан аст. Дар ин маврид набояд аз ҷону додани он бияндешӣ. Гаваккашон ба болои барф рафтанд. Ба нуқтаҳои оташфишон бисёр наздик шуданд. Лаҳзае нафас рост карданду ба амалиёти ҷангӣ шурӯъ карданд. Гранатаи нахустин ба нишон расид. Садои таркиши он ба дили душманон тарсу ваҳм оварду ангехт. Онҳо майдони ҳамворро дар ҷавоби ин амал тирборон карданд. Чун садои тирпарронӣ хомӯш гардид, аз фурсати муносиб истифода бурданду боз ду нуқтаи оташфишонро маҳв сохтанд.  Ҳамин тавр, амалиёт бобарор анҷом ёфт. Барои ин бо ордени «Шараф», дараҷаи 3 мукофотонида шуд.
Аз марг, аз ҳеҷ кас, аз ҳеҷ чиз наметарсид. Ҳамеша дар корзор дар сафи пеш қарор дошт. Барои озод кардани шаҳри Варшава бо ордени Ҷанги Бузурги Ватанӣ ноил гардид. Аз И. В. Сталин, сарфармондеҳи Қувваҳои Мусаллаҳи Иттиҳоди Шӯравӣ, сипоснома гирифт.
Бо фарҷоми ин ҷанг, ки таърих мислашро дар ёд надорад, ба Ватан, ба зодгоҳаш баргашт. Дар замоне ки дар соҳаи маориф мутахассисон, шахсони соҳибмаълумот намерасиданд, сарварии яке аз коллективҳои педагогиро ба уҳда гирифт. Пас аз он ӯро ҳамчун ҷавони фаъолу кордону лаёқатманд сарвари кумитаи ҷавонони ноҳияи Ховалинг таъйин намуданд.
Соли 1951 ба мактаби фаъолони хоҷагӣ дар шаҳри Душанбе дохил шуд ва онро бомуваффақият хатм намуд. То соли 1974 дар вазифаҳои котиби ташкилоти ҳизбӣ, сардори бригадаи чорводорӣ ва дигар вазифаҳои пурмасъулият пурсамару чашмрас кор кард. Пас аз он раиси Ҷамоати деҳоти Ховалинг интихоб шуд. То соли 1992, замони баромадан ба нафақа, дар ин вазифа содиқона хизмат кард.
Ҳамин тавр, ӯ дар ду ҷабҳа бо матонату садоқат шуҳрат ёфт.
Сайҷалол САТТОРЗОДА, ноҳияи Ховалинг


Баёни ақида (0)    Санаи нашр: 04.05.2017    №: 91    Мутолиа карданд: 483
07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД

ИҶРОИ НАҚШАИ АНДОЗИ ИҶТИМОӢ 101 ДАРСАД ТАЪМИН ГАШТ

БАЛҶУВОН. ҲАҶМИ ИСТЕҲСОЛИ МАҲСУЛОТИ КИШОВАРЗӢ КОҲИШ ЁФТ

МАҲАЛ. ҶАЛБИ НИЁЗМАНДОН ВА ТИҶОРАТИ КИШОВАРЗӢ

ВМКБ. БОЗДИДИ РАМАЗОН РАҲИМЗОДА АЗ РАФТИ БУНЁДИ ИНШООТИ ҶАШНӢ

МОЛИЯ. МАБЛАҒГУЗОРИИ СОҲАҲОИ ИҶТИМОӢ АФЗУД

ФУТБОЛ. ТИМИ МИЛЛӢ МОҲИ СЕНТЯБР ДУ БОЗИИ САНҶИШӢ МЕГУЗАРОНАД

ЧИН ВАКСИНАИ АЛАЙҲИ КОРОНАВИРУСРО ДАР БРАЗИЛИЯ ВА АМА МЕОЗМОЯД


Дар сомонаҳои дигари Тоҷикистон хонед