logo

иҷтимоиёт

МАЪЮБОН. ДОИРАИ ҒАМХОРИҲО ТАВСЕА МЕЁБАД

Мусаллам аст, ки дастгирии ҳамешагии қишри осебпазири ҷомеа, бахусус маъюбону бепарасторон, аз самтҳои афзалиятноки сиёсати иҷтимоии давлату Ҳукумат ба ҳисоб рафта, ҷиҳати таъмини зиндагии шоиста барои онҳо тадбирҳои зиёде рӯи даст гирифта мешаванд. Дар радифи сиёсати иҷтимоии Ҳукумати кишвар Иттиҳодияи миллии маъюбони Тоҷикистон яке аз ташкилотҳоест, ки саҳм гузоштан дар таъмини шароити кору зиндагии беҳтар барои маъюбонро аз ҳадафҳои меҳварии худ қарор додааст.
Бино ба гуфтаи раиси иттиҳодия Асадулло  Зикрихудоев, ҳадаф аз фаъолияти ташкилот ин ба маъюбон тарғиб намудани зиндагии мустақил, фаъ-олияти чашмрас дар ҷомеа ва саҳмгузорӣ дар рушди Ватани азизамон мебошад. Бавижа, оянда дар назди коргоҳҳои навтаъсис ташкили ҷойҳои махсуси корӣ барои ин қишри ҷомеа аз мақсадҳои асосии иттиҳодия маҳсуб меёбад.
Бешак, маъюбон ҳам ҷузъи ҷудонопазири ҷомеаи мо ба шумор мераванд ва чун тамоми шаҳрвандони дигар ҳуқуқ ба манзили зист ва ҷои кор доранд. Аз ин рӯ, ниҳоят муҳим аст, ки дар назди ҳамаи муассисаву корхонаҳо барои маъюбон шароити кор ва муҳити созгор фароҳам оварда шавад. Махсусан, шароити муассисаҳои таълимӣ ба талабот муосир вобаста ба имкониятҳои ин қишри осебпазир бояд ҷавобгӯ бошад. Мутаассифона, имрӯз шароити омаду рафти маъюбон ба дарс дар муассисаҳои таълимӣ ба инобат гирифта нашудааст, ки душвориҳои зиёдеро барои онҳо эҷод мекунад. Аз ин рӯ, зарур меояд, ки  масъулон ҳангоми бунёди иншоот ба ин нуктаи муҳим диққати махсус зоҳир намоянд.
- Ҳукумати кишвар, хоса Пешвои муаззами миллат  муҳтарам Эмомалӣ Раҳмон ба ин ва масъалаҳои дигари вобаста ба маъюбон таваҷҷуҳи доимӣ доранд. Дар ин замина соли 2014 бо мақсади муто-биқсозии шароитҳои иншооти сохташаванда бо имкониятҳои  ин қишри ҷомеа низомномаи махсус қабул гардид. Мутобиқи меъёру қоидаҳои шаҳрсозии низомномаи мазкур ва моддаҳои  5 ва 13 - и Кодекси шаҳрсозии Ҷумҳурии Тоҷикистон барои лоиҳасозӣ ва сохтмони иншооту биноҳои нав ва таъмиру таҷдиди биноҳои истифодашаванда корҳои сохтмонӣ вобаста ба шароити аҳолии имконияти ҷисмониашон маҳдуд пурра нишон дода шудааст.
Бо ташаббуси шаҳрдорӣ автобусҳои наве, ки чанде пештар ба пойтахт ворид шуданд, шароитҳои лозимиро  барои маъюбон дар худ доранд. Маъюбон бе мамоният  ва бе ёрии нафари дигар метавонанд тавассути онҳо равуо намоянд. Ҳамчунин, дар марказҳои савдои «АШАН», «Дунёи нав» ва маҷмааи «Истиқлол» барои маъюбон  шароитҳои хубу муосир фароҳам оварда шудааст, ки қобили ибрату пайгирист.  Бояд ёдовар шуд, ки дар кишвари мо беш аз 140 ҳазор маъюб ба қайд гирифта шудааст, ки на ҳамаи онҳо дар шаҳрҳо зиндагӣ мекунанд. Мутаассифона, дар маҳалҳо ба шароити кору зиндагии маъюбон камтар таваҷҷуҳ дода мешавад. Дар қиёс ба шаҳр дар маҳалҳо сатҳи донишу малакаи ташкилотҳои маъюбон ва маъюбони фаъол хеле маҳдуд буда, таваҷҷуҳи бештарро тақозо менамояд. Аз ин рӯ, мо тасмим гирифтаем, ки оид ба таъмини муҳити зисти дастрас ба шахсони имконияташон маҳдуд ва такшилотҳои ҷамъиятии онҳо дар минтақаҳо семинарҳои омӯзишӣ гузаронем. Бо дастгирии Сафорати Амрико дар Тоҷикистон аз моҳи октябри соли гузашта сар карда, дар шаҳрҳои Қӯрғонтеппа, Хоруғ ва Хуҷанд семинарҳо оид ба тайёр кардани мутахассисони соҳаи муҳити зисти дастрас барои маъюбон ҷараён доранд. Бо боварии комил метавон гуфт, ки онҳо дар оянда масъалаи таъмини муҳити зисти дастрасро дар минтақаҳо мустақилона пеш мебаранд,  - изҳор дошт Асадулло  Зикрихудоев. 
Лола РИЗОЕВА, «Ҷумҳурият»


Баёни ақида (0)    Санаи нашр: 04.05.2017    №: 91    Мутолиа карданд: 483

24.06.2019


Президенти Филиппин моҳи октябр ба Россия меояд

Трамп бо Эрон омодаи гуфтушунид буданашро тасдиқ намуд

Дар Ҳиндустон афтидани хайма боиси марги 14 нафар шуд

СУҒД. Оғози мусобиқаи байналмилалӣ

"ФИЛОСОФИЯ ОТДЫХА" имкониятҳои сайёҳии Тоҷикистонро таҳлил намуд

Ҷаҳон дар як сатр

21.06.2019


Мулоқоти Хайринисо Юсуфӣ бо Валериу Кивер

Ҳамоиш бахшида ба таъмини устувории макроиқтисодӣ

Муаррифии натиҷаҳои фаъолият дар самти безараргардонии башардӯстонаи минаҳо

20.06.2019


Гумерова: «Омӯзгорони рус дар Тоҷикистон мондан мехоҳанд»

СММ: «Ҳиндустон дар нуфуси аҳолӣ баъди 8 сол аз Чин мегузарад»

Пекин тавсеаи ёрии иқтисодӣ ва башарӣ ба Сурияро зарур мешуморад

Дар Ҷопон ҷазои ҷисмонии кӯдаконро манъ карданд

Ҷаҳон дар як сатр

19.06.2019


Дар Кӯлоб Фестивали ҷумҳуриявии дӯстии ҷавонон баргузор шуд

Баррасии вазъ ва дурнамои ҳамкориҳо

Боздид аз Муассисаи давлатии «Боғи миллии Ваҳдат”

ПАНҶАКЕНТ. Омодагиҳо ба ҷашни фархунда

Писарбачаи тоҷик дар Хабаровск дӯсташро аз чоҳи оби ҷӯш наҷот дод

Тоҷикистону Беларус: «Муҳокимаи тақвияти ҳамкориҳои низомӣ»

Си Ҷинпин азми сафари Ҷумҳурии Халқии Демократии Корея дорад

Ҷаҳон дар як сатр

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад


Дар сомонаҳои дигари Тоҷикистон хонед