logo

иҷтимоиёт

КВОТА ВА КАМОЛОТИ МАЪНАВИИ ҶАВОНОН

Татбиқи босамари сиёсати давлатии ҷавонон, ки дар меҳвари таваҷҷуҳи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қарор дорад, барои камолоти маънавию огоҳии сиёсии ҷавонон ва ҷалби бештари онҳо дар умури давлатдориву вазифаҳои роҳбарӣ масири нав кушод.
Дар заминаи боварӣ ба ин неруи созанда солҳои охир вазифаҳои пурмасъули давлатию ҷамъиятӣ ба уҳдаи ҷавонон гузошта шудааст, ки қадами устуворе ба рушди минбаъдаи давлатдорӣ арзёбӣ мешавад. Вале барои расидан то ба ин марҳила, аз қабл барномарезиҳои зиёди давлатӣ сурат гирифтанд, ки таъсиси Квотаи президентӣ аз ҷумлаи чунин иқдомоти беназиру арзишманд аст. Ин амр, ки бевосита аз ҷониби Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон сурат гирифт, дар тарбияи ҷавонони ҳушманд, пурра гардидани сафи зиёиён ва рӯи кор овардани роҳбарони ҷавон муосидат намуд. То кунун ҷалби ҳазорон нафар хатмкардагон, бахусус ҷавондухтарони навоҳии дурдасти мамлакат, тариқи квота ба таҳсилоти олӣ натиҷаҳои пурбор овардааст. Маҳз аз ҳисоби хатмкардагони Квотаи президентӣ норасоии омӯзгорон дар муассисаҳои таҳсилоти миёнаи умумӣ коҳиш ёфт ва кадрҳои ҷавону болаёқат сари кор омаданд.
Нодираи Маҳмадисо, соли 1986 дар ноҳияи зебоманзари Тоҷикобод ба дунё омада, аз зумраи духтарони лаёқатмандест, ки соли  2004  баъд аз хатми муассисаи таҳсилоти миёнаи умумии № 1 тариқи Квотаи президентӣ ба факултети ҳуқуқшиносии Донишгоҳи миллии Тоҷикистон дохил шуд. Нодира баъд аз хатми муваффақонаи донишгоҳ ба зодгоҳаш баргашт ва дар бахши кор бо занон ва оилаи назди мақомоти иҷроияи маҳаллии ҳокимияти давлатии ноҳия ба кор шурӯъ намуд. Ӯ замони кор дар ин бахш, аз худ навоварӣ нишон дода, дар назди бахши кор бо занон ва оила маркази маслиҳати ҳуқуқӣ ташкил намуд, ки минбаъд дар дигар шаҳру навоҳӣ аз ин таҷриба истифода карданд. Маҳорати баланди кордонӣ буд, ки ин бонуи ҷавон зина ба зина боло рафт, чанд муддат ба ҳайси мудири бахши кор бо занон ва оила фаъолият кард. Соли 2012 муовини раис ва аз соли 2016 бо Фармони Президенти Ҷумҳурии Тоҷикистон раиси ноҳияи Тоҷикобод таъйин гардид.
Ҳамсуҳбати мо изҳор дошт, ки таъсиси Квотаи президентӣ барои дарёфти истеъдодҳои ҷавон, тарбия ва ташаккули касбияти онҳо нақши бузург дорад. Зеро солҳои пеш бисёре аз духтарони кӯҳистонӣ соҳиби саводи хуб буданд, аммо шароити таҳсил дар донишгоҳҳоро надоштанд. Бо ташаббусу дастгириҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон имкон фароҳам омад, ки духтарони деҳоти дурдаст тариқи квота соҳиби маълумоти олӣ шаванд. «Агар Квотаи президентӣ намебуд, шахсан ман имкон надоштам, ки соҳиби маълумоти олӣ шавам».
Дар мулоқоти нахустини худ бо Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки дар арафаи Рӯзи Модар сурат гирифта буд, Нодира бо азми қавӣ ба  Пешвои миллат қавл дод, ки ҳамеша ба халқу Ватани азизи худ содиқона хизмат мекунад. Ӯ он замон бо ифтихор гуфта буд: «Мо духтарони тавассути Квотаи президентӣ таҳсилнамударо дар ноҳия «духтарони Президент» меноманд.
Нодираи Маҳмадисо аз ҷумлаи ҷавонтарин кадрҳои роҳбарикунанда дар сатҳи раисони шаҳру навоҳии ҷумҳурӣ ба ҳисоб меравад. Тавре мушоҳида кардем, дар замони роҳбарии ӯ ноҳияи Тоҷикобод ба дастовардҳои чашмрас ноил гардидааст. Ҷалби кадрҳои ҷавону кордон ба вазифаҳои роҳбарикунанда, таъмиру навсозии биноҳои маъмуриву хизматӣ ва дастгирии ҷавонон барои идомаи таҳсил дар муассисаҳои таҳсилоти олии касбӣ аз аввалин ташаббусҳои раиси ҷавон мебошанд. Кордонӣ, муносибати ҳасана бо зердастон, дастгирии пирону ниёзмандон, таваҷҷуҳ ба арзу шикояти шаҳрвандон ва ҳалли саривақтии онҳо Нодираро соҳибэҳтиром гардондаанд. Номбурда азм дорад, ки дар партави сиёсати бунёдгарои Ҳукумати ҷумҳурӣ ва бо такя ба неруи мардуми сарбаланди Тоҷикобод дастовардҳои иқтисодиву иҷтимоии ноҳияро афзун намояд.
- Аз ҷониби Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон эълон гардидани Соли ҷавонон аз таваҷҷуҳи рӯзафзуни Ҳукумати ҷумҳурӣ нисбат ба ҷавонон ва ояндаи дурахшони онҳо башорат медиҳад. Албатта, чунин ғамхориҳо нисбат ба ҷавонон масъулияти моро дар ободии ҳар гӯшаи Тоҷикистони азиз бештар менамояд.
Аз Соли ҷавонон интизории зиёд дорем то чеҳраҳои нав муаррифӣ гардида, дар устувор намудани пояҳои ваҳдати миллӣ ва рушду нумӯи кишварамон нақш гузоранд. Дӯст доштани Ватан, арҷгузорӣ ба арзишҳои миллӣ ва ҳифзи таъриху фарҳанги ниёгонро шиори ҳамешагии худ қарор бидиҳанд. Зеро мо - ҷавонон пайравони Пешвои миллат ва идомадиҳандаи кору пайкори ин сиёсатмадори сатҳи ҷаҳонӣ ҳастем, - мегӯяд Нодираи Маҳмадисо.  
Лашкар ШАРИФЗОДА,   «Ҷумҳурият»


Баёни ақида (0)    Санаи нашр: 04.05.2017    №: 91    Мутолиа карданд: 674

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд


Дар сомонаҳои дигари Тоҷикистон хонед