logo

сиёсат

АМИТ "ХОВАР": "ЧОРАБИНИИ АКСИЯИ "ПОЛКИ АБАДӢ" НАҚШАБАНДӢ НАШУДААСТ"

Рӯзҳои охир дар расонаҳои хабарии дохилӣ ва хориҷӣ оид ба доир нагардидани аксияи «Полки абадӣ» андешаҳои мухталиф интишор шуда истодаанд.
Ба иттилои воситаҳои ахбори омма расонда мешавад, ки доир ба баргузории Рӯзи Ғалаба - 9 май як моҳ қабл Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба масъулон дастур доданд, ки чорабинии мазкурро дар сатҳи баланди сиёсӣ дар «Боғи Ғалаба» баргузор намоянд.
Нақшаи чорабиниҳо ва сенарияи баргузории паради ҳарбӣ аз ҷониби Сарвари давлат тасдиқ гардида, корҳои ташкилию фарҳангӣ аз ҷониби мақомоти дахлдор оғоз гардидаанд. Аммо доир ба аксияи «Полки абадӣ» иқдоме сурат нагирифта, он ташаббуси иттиҳодияҳои алоҳидаи ғайриҳукуматӣ мебошад.
Бо мақсади амалӣ кардани супориши Сарвари давлат Вазорати мудофиаи Ҷумҳурии Тоҷикистон ва дигар сохторҳои қудратии кишвар ҷиҳати омодагӣ ба паради ҳарбӣ машқҳоро дар «Боғи  Ғалаба» оғоз карданд. Дар паради ҳарбӣ ҷузъу томҳои Пойгоҳи низомии 201-уми Федератсияи Русия низ иштирок менамоянд.
Паради ҳарбиро Сарфармондеҳи Олии Қувваҳои Мусаллаҳи Ҷумҳурии Тоҷикистон, Президенти Ҷумҳурии Тоҷикистон муҳтарам Эмомалӣ Раҳмон қабул намуда, дар он намояндагони Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон, корпусҳои дипломатӣ, Сарвазири Ҷумҳурии Тоҷикистон ва бархе аз аъзои Ҳукумати Ҷумҳурии Тоҷикистон иштирок менамоянд.
Дар қисмати дуюми чорабинӣ қасамёдкунии наваскарон ва гулгузории беш аз 3000 нафар ҷавонон ба нақша гирифта шудааст. Ҷавонон ба хотири пос доштани хотираи иштирокчиёни Ҷанги Бузурги Ватанӣ ва шахсоне, ки дар ақибгоҳ ҳисса гузоштаанд, дар назди «Оташи абадӣ» - и «Боғи Ғалаба» ҳамчун рамзи эҳтиром ба иштирокчиёни ҶБВ гул гузошта, садоқати худро ба диловарони Ватан ифода менамоянд.
Барои дар сатҳи баланд доир гардидани ин чорабинӣ, вазоратҳо ва мақомоти иҷроияи ҳокимияти давлатии шаҳри Душанбе омодагӣ гирифта, сайругашти оммавӣ ва консерти идонаи ҷавонони пойтахт низ дар «Боғи Ғалаба» ба нақша гирифта шудааст.
Ба хотири ҳифзи амнияти иштирокчиёни чорабинии Рӯзи Ғалаба мақомоти дахлдор тартиботи ҷамъиятиро назорат менамоянд.
Идома доштани ҷанг дар мавзеъҳои наздики сарҳади Ҷумҳурии Тоҷикистон ва Ҷумҳурии Исломии Афғонистон имкон намедиҳад, ки аксияҳои иловагӣ баргузор карда шаванд. Мувофиқи суннатҳои исломӣ низ бо акси фавтидагон баромадан ба кӯчаю хиёбонҳо нораво буда, аксияи мазкур хилофи арзишҳои исломию мазҳабӣ мебошад.
Дар Ҷумҳурии Тоҷикистон ҳамагӣ 447 иштирокчӣ ва маъюбони ҶБВ боқӣ мондаанд, ки аксари онҳо маъюб, барҷомонда ва ниҳоят пиру хастаҳол шудаанд. Баровардани ветеранҳои ҶБВ ба кӯчаҳо ва ташкил кардани вохӯриҳо бо онҳо ғайриимкон мебошад.  Аз ин рӯ, Сарвари давлат ба раисони вилоятҳо, шаҳру ноҳияҳо ва шаҳри Душанбе супориш доданд, ки вобаста ба имконот ба иштирокчиён ва маъюбони ҶБВ ёрӣ расонда, дар маҳали зисташон табрикот ва кумакҳои аввалияро расонанд.
Сарвари давлат, инчунин, ба Вазорати тандурустӣ ва ҳифзи иҷтимоии аҳолии Ҷумҳурии Тоҷикистон дастур доданд, ки ба ин табақаи ниёзманд дар ҳамаи шаҳру ноҳияҳо ёрии тиббӣ расонанд.
Ҳамчунин, бо Амри Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон барои ҳар як иштирокчӣ 3000 сомонӣ ҷудо карда шуда, айни замон аз ҷониби масъулони Дастгоҳи иҷроияи Президенти Ҷумҳурии Тоҷикистон, вазоратҳои соҳавӣ ва роҳбарони кумитаҳо дастрасии ин туҳфаҳои Пешвои миллат ба ҳар як иштирокчӣ амалӣ шуда истодааст.
Гузаштаро қадр кардан, поси хотираи ҳар як сарбози диловари кишварро донистан аз ҳидоятҳои Сарвари давлат Эмомалӣ Раҳмон сарчашма мегирад. Аз ин рӯ, хотираи шаҳидони ҶБВ дар ҷумҳурӣ қадр мешавад ва чорабиниҳои ба он алоқаманд дар сатҳи зарурӣ доир мегарданд.
Аз баъзе «дӯстон» хоҳиш мешавад, ки аввал масъаларо доир ба аксияи мазкур дуруст равшан намоянд ва пасон барои таблиғ иқдом гиранд.
Дар ҳар як давлат чорабинии сиёсиву фарҳангӣ дар чаҳорчӯбаи қонунгузории  амалкунандаи ҳамон кишвар доир карда мешавад. Дар ҷумҳурии мо низ иқдоми пешгирифтаи Ҳукумат оид ба Рӯзи Ғалаба саривақтӣ буда, ҷавононро дар рӯҳияи ватандӯстӣ тарбия хоҳад намуд.


Баёни ақида (0)    Санаи нашр: 05.05.2017    №: 92    Мутолиа карданд: 582
04.06.2020


ОБОДКОРИҲОИ БЕҚИЁС ДАР ТОҶИКОБОД

ЁРИИ ХАЙРИЯВӢ БАҲРИ ПЕШГИРИИ КОРОНАВИРУС

ФУТБОЛ. ҶАЛИЛОВҲО МЕХОҲАНД ҲАМЕША ДАР САФИ ПЕШ БОШАНД

КОРОНАВИРУС ДАР ИТАЛИЯ: БЕШ АЗ ЯК МОҲ ИНҶОНИБ СИРОЯТЁБӢ КАМ МЕШАВАД

ДАР КРЕМЛ БА ХОҲИШИ БО РОССИЯ СОЗИШНОМАИ ЯДРОӢ БАСТАНИ ТРАМП БАҲО ДОДАНД

ТРАМП ҶОНИБДОРИ ҲУЗУРИ ПУТИН ДАР G7

ҶАҲОН ДАР ЯК САТР

02.06.2020


ХАБАРИ ФАВРӢ. БОЗ БЕШ АЗ 200 БЕМОР АЗ КОРОНАВИРУС ШИФО ЁФТ

МУБОРИЗА БО COVID-19. КОРМАНДОНИ АНМН БА СУРАТҲИСОБИ МАХСУС 50 000 ГУЗАРОНДАНД

ХУҶАНД. ТАШХИСГОҲИ НАВИ ВИРУСОЛОГӢ БУНЁД ГАРДИД

ХАТЛОН. СОҲИБКОРОН ТАДБИРҲОИ МУҲИМРО ТАТБИҚ МЕСОЗАНД

ВАРЗОБ. 112 ИНШООТИ ҶАШНӢ МАВРИДИ ИСТИФОДА ҚАРОР ГИРИФТ

КФО АВВАЛИН ОНЛАЙН-КОНФРОНСРО ДОИР МЕКУНАД

ДОРУИ ЗИДДИ COVID-19 ДАР БЕМОРХОНАҲОИ РОССИЯ 11 ИЮН ПАЙДО МЕШАВАД

ҶАҲОН ДАР ЯК САТР

01.06.2020


ХУШХАБАР. ДАР ТОҶИКИСТОН БЕШ АЗ 2000 СИРОЯТЁФТА ШИФО ЁФТ

РОҶЕР ФЕДЕРЕР. ГАРОНАРЗИШТАРИН ВАРЗИШГАРИ САЙЁРА

29.05.2020


ТОҶИКИСТОН. АЗ COVID - 19 БОЗ 423 НАФАРИ ДИГАР ШИФО ЁФТ

28.05.2020


ТОҶИКИСТОН. БОЗ 385 НАФАР АЗ КОРОНАВИРУС ШИФО ЁФТ

ВМКБ. ҲАМОВОЗӢ БА ИҚДОМИ НЕКИ ПЕШВОИ МУАЗЗАМИ МИЛЛАТ

ХИЗМАТИ ҲАРБӢ. НАҚШАИ ДАЪВАТ ПЕШ АЗ МУҲЛАТ ИҶРО ШУД

ВАРЗОБ. ҶОЙҲОИ КОРӢ БЕШТАР МЕГАРДАНД

БУНДЕСЛИГА. РАҚОБАТИ "БАВАРИЯ" БО "БОРУССИЯ" БАРОИ ПОЙГАИ ҚАҲРАМОНӢ

ШАҲРВАНДОНИ ТОҶИКИСТОН БО ПАРВОЗИ МАХСУС АЗ ДЕҲЛӢ ВА ДУБАЙ БА ВАТАН БАРМЕГАРДАНД

ҶАҲОН ДАР ЯК САТР

27.05.2020


436 НАФАРИ ДИГАР АЗ БЕМОРИИ COVID – 19 ШИФО ЁФТ

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

ТАҚВИЯТИ ҲАМКОРИҲОИ ТОҶИКИСТОНУ ӮЗБЕКИСТОН ДАР МУБОРИЗА АЛАЙҲИ COVID – 19

ДАР РӮИ ҒИЗО ЗАРРАҲОИ COVID-19 НЕСТ!

НОҲИЯИ САНГВОР. МУБОРИЗА АЛАЙҲИ COVID-19 БО УСУЛИ “ХОНА БА ХОНА”

ТАШВИҚОТИ ҲИЗБИ ПЕШОҲАНГ ДАР ПАРТАВИ ҲИДОЯТИ ПЕШВОИ МИЛЛАТ

ЛИГАИ ЧЕМПИОНҲО. МУАЛЛИФИ БЕҲТАРИН ГОЛ БЕҲТАРИН МУРАББӢ ШИНОХТА ШУД

ГАРМО МЕТАВОНАД СИРОЯТИ COVID-19-РО ДАР ӮЗБЕКИСТОН КОҲИШ ДИҲАД

ҶАҲОН ДАР ЯК САТР

26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ


Дар сомонаҳои дигари Тоҷикистон хонед