logo

иҷтимоиёт

ДАР ҲАСРАТИ БАРОДАРИ ГУМШУДА

Падарам гоҳ – гоҳ аз бародараш Шералӣ Раҳмонов дар назди мо ёдовар мешуд. Ба ин ҳангом беихтиёр мегирист ва оби чашмашро манъ карда наметавонист. Ба ҳар бор саъй мекард, то аз рӯзгори ӯ бе оби дида ҳикоят бикунад, аммо ба ин ҳеҷ муваффақ намегардид.

Аз рӯи нақли падарам бародараш муассисаи таҳсилоти миёнаи асосиро бо баҳои хубу аъло хатм карда буд. Дар мактаби деҳаи Бобосафоли ноҳияи Фархор аз рӯи зарурат, яъне нарасидани муаллимон таълиму тарбияи хонандагонро ба уҳда мегирад. Бо оғози ҷанги Финляндия ихтиёран ба фронт меравад. Ҳарчанд аз рӯи имтиёзе, ки барои омӯзгорон муқаррар карда буданд, бояд намерафт.
Дар куҷо маълумоти ҳарбӣ гирифтааст, маълум нест. Ин қадар медонем, ки рутбаи ҳарбӣ доштааст. Баъдан дар муҳофизати шаҳри Москва ширкат варзидааст. Пайваста аз корзор, яъне фронт нома менавиштааст, ки ҳолаш хуб мебошаду бар зидди фашистони гитлерӣ меҷанганд. Маҷрӯҳ низ гардидаву ба табобат фаро гирифта шудааст.
Баъдҳо, яъне аз соли 1942 алоқа қатъ мегардад. Аз ӯ дигар нома намеояд. Модараш барои ин писари дӯстдораш, ки хонадор нашуда буд, ҳамеша мегирист. Ҳамаи номаҳои аз ӯ расидаро дар ин маврид дар наздаш мегузошт. Ҳеҷ кас монеи ин амалу гиряаш намешуд, зеро медонистанд, ки ин ягона воситаи таскинбахшиаш буд. Дунёро ӯ ба ин сурат падруд гуфт. Вазъи падарам низ, тавре ёдовар шудам, хуб набуд. Ғамаш сол ба сол дар ҳасрати бародари гумшудаву модари ҷигарсӯхтааш меафзуд. Ва ӯ низ соли 2001 аз олам чашм пӯшид, албатта, бо андуҳу ҳасрат. Мегуфт, ки суроғи бародарашро бигирем, ҷустуҷӯяш бикунем, шояд зинда бошад, охир дар бораи вафоташ ҳеҷ маълумоте нарасидааст. Ман баъдҳо дарёфтам, ки дар он рӯзгор номаҳои сиёҳро ба хотири наафзудани ранҷу андуҳ ва ноумедӣ ба соҳибонашон намерасондаанд. Ин номаҳо ҳанӯз ҳам маҳфузанд.
Чӣ қадар афсӯс хӯрдам, ки хотираҳои падарамро дар бораи бародари ҷавонмаргаш на навиштам ва на сабт кардам. Барои ин худро ҳанӯз ҳам набахшидаам, агарчи бас ранҷ мебарам. Ин хатоест, охир, ки ман онро дигар ҳеҷ гоҳ ислоҳ карда наметавонам.
Баъдҳо ба ҳама мақомотҳо, шахсони масъул чи дар Русия ва чи дар кишварамон дар ин хусус муроҷиат кардам. Посухам медоданд, ки номи чунин ҷанговарро ҳеҷ пайдо нанамудаанд. Дарёфтам, рӯзноманигор Аскар Абдусамадов бо номи «Садоқат» аз корнамоиҳои ҷангии нафароне, ки аз ноҳияи Фархор дар Ҷанги Бузурги Ватанӣ иштирок доштаанд, китобе таълиф карда ва ба нашр расондааст. Дар саҳифаи 201 – уми он дар рӯйхати ҷанговароне, ки фавтидаю бе ному нишон гардидаанд, номи амакам – Раҳмонов Шер навишта шудааст.
Ҳамин тавр, дар бораи амакам дигар ҳеҷ маълумоте пайдо карда натавонистам. Оре, агарчи бисёр мехостам, ки ормонҳои падару модарашро ба ин васила бишканаму рӯҳашонро шод бинамоям. Бо ин ҳама, ноумед нестам, чун дунё ба умед аст. Бовар дорам, ки рӯзе ин гуна ҷанговарони тоҷикро нафаре пайдо мекунад ва дар бораи зиндагию диловариҳояшон менависад. Ба ин хотир аст, ки дар бораи онҳо мегӯянду менависанд: «Ҳеҷ кас ва ҳеҷ чиз фаромӯш намешавад». Ман ба ин гуфтаву навишта бовар дорам. Аммо бисёр мехоҳам, ки дар ин хусус бештару бештар тадбирандешӣ шавад. Аз рӯзгори иштирокчиёни ин ҷанг боз ҳам китобҳо таълиф намоянд. Шумораи ин ҷанговарон сол ба сол камтар мешавад. Онҳо хотираҳои зиёдро аз ин ҷанг, ки мислашро таърихи инсоният надидааст, бояд нақл бикунанду бо худ набаранд.
Қурбоналӣ РАҲМОНОВ


Баёни ақида (0)    Санаи нашр: 08.05.2017    №: 93    Мутолиа карданд: 552

21.08.2019


Путин 4 сентябр бо Сарвазири Ҳиндустон музокирот мегузаронад

Амири Қатар даъвати Путинро ба ФИБП пазируфт

Даҳ ҳазор нафар бинобар сӯхтор дар пойтахти Бангладеш бе сарпаноҳ монд

Токио имкони ба мадор баровардани радифҳои ҳарбиро баррасӣ дорад

Ҷаҳон дар як сатр

ШИНОВАРӢ. Варзишгарони тоҷик ба Чемпионати ҷаҳон рафтанд

19.08.2019


Баррасии асосноккунии техникиву иқтисодии роҳи Қалъаи Хумб – Ванҷ

Баргузории ҳамоиши "Ҷавонони эҷодкор – парчамбардорони миллат ва пайравони Пешвои миллат"

15.08.2019


Муносибатҳои Ҳиндустон ва ҶМЧ бояд суботи ҷаҳонро таъмин созанд

Дар Япония бар асари гармии ҳаво наздики 13 ҳазор кас бистарӣ шуд

Мулоқоти сарони Россия, Эрон ва Туркия моҳи сентябр доир мешавад

Ҷаҳон дар як сатр

05.08.2019


Ҷаҳон дар як сатр

01.08.2019


Вохӯрии Сироҷиддин Муҳриддин бо Кан Ҷе - квон

Масоили муҳоҷират матраҳ гардид

Фестивали яхмос ва обҳои ташнагишикан дар Душанбе

АКАДЕМИЯИ ИЛМҲО. Аз таъсиси маркази тарҷума то ҷашни Саразм

64 дарсади зарари молиявӣ барқарор шуд

ШАҲРИ ТУРСУНЗОДА. Корҳои ободонӣ вусъат мегиранд

ҲИСОР. Саноатикунонӣ дар мадди аввал

ФАЙЗОБОД. Афзоиши истеҳсоли маҳсулоти кишоварзӣ

НОҲИЯИ РӮДАКӢ. Саноат рӯ ба беҳбудӣ дорад

ДДТТ. Нуфузи байналмилалӣ меафзояд

Ҷаҳон дар як сатр

30.07.2019


Фестивали тобистонаи Душанбе доир мешавад

Мулоқоти Шодихон Ҷамшед бо Хуанг Деҳаи

Соҳибкорони ватанию хориҷӣ дар Бадахшон ҷамъ меоянд

БЕҲСОЗИИ ТАЪМИНОТ БО ОБ. Барои он зиёда аз 27 миллион ҷудо гардид

ШАҲРИНАВ. 160 иншооти ҷашнӣ ба истифода дода шуд

Трамп то интихоботи соли 2020 артишашро аз Афғонистон бароварданист

Душанбе 80 шаҳрванди Афғонистонро, ки дар Тоҷикистон ҳукм гирифтааст, ба Кобул истирдод намуд

Ҷаҳон дар як сатр

29.07.2019


ҲИФЗИ ИҶТИМОӢ. Як нишасти муҳим

ДУШАНБЕ. Рушди саноат дар мадди аввал


Дар сомонаҳои дигари Тоҷикистон хонед