logo

иҷтимоиёт

"САРНАВИШТ" - И МАСТУРАИ ҶАСУР

Дар муассисаи давлатии китобхонаи бачагона ба номи Мирсаид Миршакар вохӯрии яке аз ходимони барҷастаи давлатӣ, дорандаи ордени Шараф дараҷаи 1 Мастура Ашӯрова баргузор гардид. Дар баробари вохӯрӣ китоби нави ӯ «Сарнавишт», ки аз воқеаҳои ибратбахши рӯзгори 90-солаи муаллиф нақл мекунад, муаррифӣ шуд.
Мастура Ашӯрова фаъолияти меҳнатии худро аз омӯзгории мактаб дар ноҳияи Ғончӣ (имрӯза Деваштич) оғоз бахшида, минбаъд ҳамчун мудири маориф, дар солҳои 1960 - 1975 котиби комитети партиявӣ ва раиси комиҷроияи ноҳия шуда фаъолият бурдааст.
Дар маҳфил собиқ раиси ноҳия Қаҳҳор Ойматов, шоирону нависандагони маъруф Саидалӣ Маъмур, Латофат Кенҷаева, Зулфия Атоӣ ва сарояндагони ансамбли «Сипар» - и Вазорати корҳои дохилии ҷумҳурӣ бо сардории Хушбахт Ҳакимов иштирок доштанд. Номбурдагон ҳамчун парвардаҳои мактаби бузурги адабиву сиёсии Мастура Ашӯрова сухан карда, хизматҳои ӯро дар замони Ҷанги Бузурги Ватанӣ, бавижа солҳои ҷанги шаҳрвандӣ суруданду сутуданд.
Солҳои панҷоҳуми асри ХХ, дар замоне, ки занҳо ба озодиву истиқлол тоза ноил шуда буданду аз маҳви бесаводӣ ба сӯи илму дониш мешитофтанд, Низорамоҳ Зарифова, Бӯринисо Бердиева ва Мастура Ашӯрова барин бонувони қавиирода дар вазифаҳои баланди роҳбарӣ кор карда, собит намуданд, ки занҳо низ қишри муҳими пешбарандаи ҷомеаанд.
Бино ба гуфтаи ӯ, дар замони Ҷанги Бузурги Ватанӣ ва баъд аз ҷанг ӯро ба ордену медалҳо ва ифтихорномаву нишонҳои сарисинагии бисёре сазовор донистанд, аммо ордени Шараф дараҷаи 1, ки аз тарафи Асосгузори сулҳу ваҳдати миллӣ - Пешвои миллат Эмомалӣ Раҳмон барои таҳкими пояҳои Ҳукумати конститутсионии Тоҷикистон тақдим гардид, қадру қимат ва ифтихори дигаре дорад.
- Соли 1995 вақте собиқ раиси вилояти Ленинобод Қ. Қосимов маро ба маркази вилоят хонда, ба зимма гирифтани вазифаи муовини раиси Кумитаи падару модарони аскарони вилоятро хоҳиш намуд, бе ҳеҷ мулоҳизаву дудилагӣ розӣ шудам. Зеро аз оғози солҳои навад инҷониб диламро ғами парешонии миллат ва саргадониҳои халқ фигор мекард.
Қарори ман ва дигар ҳамроҳонам қатъӣ буд. Халқу Ватанро дар рӯзҳои мушкил танҳо гузоштану аз нобасомониҳои давр фирор кардан, моро гирифтори азоби якумринаи виҷдон мекард, - нақл мекунад қаҳрамони мо.
- Қиссаи кӯчактарин хизмати мо ба гӯши Сарвари давлат Эмомалӣ Раҳмон расид магар, ки дар вилояти Суғд шахсан худашон бо ордени Шараф дараҷаи 1 қадрдонӣ карданд. Мисли як модари ҷафодида он рӯз ашки шодӣ рехтам ва Эмомалӣ Раҳмонро оғӯш карда, эҳсос кардам, ки сарнавишти неки халқу миллат дар дасти ҳамин ҷавонмард аст, - изҳор медорад Мастура Ашӯрова.
Аз шунидани қиссаҳои ҷолиби рӯзгори ӯ ҷавонону наврасони ҷамъомада як ҷаҳон маънӣ бардоштанд ва бори дигар неъмати бузург будани ваҳдат ва оромишу осоиши кишварро дарк карданд. Аз рӯи ёддоштҳои ӯ, ки дар китоби «Сарнавишт» сабтанд, саҳначаи тарбиявии хонандагони мактаб намоиш дода шуд.
Бузургмеҳри БАҲОДУР,  «Ҷумҳурият»


Баёни ақида (0)    Санаи нашр: 10.05.2017    №: 94    Мутолиа карданд: 518

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд


Дар сомонаҳои дигари Тоҷикистон хонед