logo

иҷтимоиёт

ПУШАЙМОНӢ

Побанди зиндагии хеш будан имкон намедод зуд - зуд ба зиёрати волидонам ба русто равам.  Ҳар гоҳе чунин имконият даст медод, бидуни таъхир ба дидори мубораки эшон мешитобидам. Ҳамон лаҳза дӯстону наздикон аз омаданам бохабар гардида, яке паси дигар ба диданам меомаданд.
Аммо дидорбиниҳо бо ин хотима намеёфт. Суҳбатҳои кӯтоҳ хумори шиддати иштиёқи висолро шикаста наметавонист. Ба меҳмонӣ мехонданд дӯстон ва ин нишастҳо гоҳо то нимашабҳо идома меёфт. Модари бузургворам гила мекард: “бачам, ба номаш ба аёдати ман омадаӣ... аз дидорат сер нашудам...”. Шабе  чун аз хонаи як дӯстам ба хона баргаштам, як поси шаб гузашта буд. Дари дарвозаи хонаамонро боэҳтиёти тамом кушодам, ки мабодо садо барораду модарам бедор шавад ва оҳиста - оҳиста бо нӯги по қадам гузошта, аз таги тирезаи ҳуҷраи ӯ гузаштанӣ будам, ки садои задани ангушт ба шишаи тиреза ба гӯшам расид.  Хоҳарамро дидам паси шишаи тирезаи ҳуҷраи модарам. Маро диду бо нишони таассуф сар ҷунбонд.  Мазмун: чаро дер кардӣ, модарам хавотир шуд? Ман ангушт ба лаб ниҳодам. Гуфтан хостам, ки хомӯш бош, модарам бедор мешавад. Аммо саробро об пиндошта будам. Модарам то кунун хоб набуда. Ба ҳуҷраи хоби худ рафтам шитобон ва зуд либосҳоямро кашидаму чароғро хомӯш карда, даруни ҷойгаҳ даромадаму кӯрпаро ба сарам кашидам. Лаҳзае нагузашта, буд, ки садои тақ - тақ ба рӯйи фарши тахтагии долони хона кӯбидани асои модарам баланд гардид. Шунидани садои во шудани дари дарвоза оромаш накарда буд. Мехост муътақид шавад, ки воқеан ҳам писараш омада. Худро ба хоб андохтам. Омаду назди бистарам сари по нишаст. Даст ба китфам ниҳод. Гӯшаи кӯрпаро  як сӯ кард. Палмосида, даст ба сару рӯям бурду навозишам кард ва сипас қабати кӯрпачаҳои ҷойгаҳро як - як шумурд. Чун эътимод ҳосил кард, ки омадаам ва бистари хобам бароҳат аст, хотираш ҷамъ шуду рафт ба ҳуҷраи хобаш. 
Он лаҳза бо дидани ин ҳол ин суол дар хонаи зеҳнам рӯшан шуд, ки модоме модарам дар чиҳилсолагиам ин қадар бароям хавотир аст ва ҳоло ҳам дар интизори омаданам хоби ширинашро ҳаром мекунад, дар тифлию наврасиам чӣ ҳол дошт? Посух наёфтам ба ин суол. Пушаймон шудам аз дер омаданам. Хобам парид. Хестаму ба ҳуҷраи хоби модарам гузаштам. Ҳанӯз хоб набуд.
Сироҷиддин ИКРОМӢ


Баёни ақида (0)    Санаи нашр: 12.05.2017    №: 96    Мутолиа карданд: 370

25.09.2018


Тавсеаи равобити байнипарлумонии Тоҷикистону Корея

Баргузории ҷамъомад оид ба пешгирии ҷинояткорӣ

Анҷоми марҳилаи якуми амалиёти «Кӯкнор-2018»

Гутерриш ба муборизаи фаъолтар алайҳи маводи мухаддир даъват сохт

Теъдоди қурбониёни садамаи киштӣ дар Танзания ба 225 нафар расид

Сеул барои дучандсозии теъдоди сайёҳон $640 миллион харҷ карданист

Фаронса қатораи дуошёнаи тезгард месозад

Ҷаҳон дар як сатр

Ҷом насиби кӣ мешавад?

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД


Дар сомонаҳои дигари Тоҷикистон хонед