logo

иҷтимоиёт

ЛАХШ. ЗАРАРДИДАГОН ҲАМАҶОНИБА ДАСТГИРӢ МЕЁБАНД

Пас  аз заминларзаи шадиди 5 майи соли равон дар  ноҳияи Лахш бо дастури Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ  Раҳмон гурӯҳи кории махсус бо роҳбарии Рустам  Назарзода, раиси Кумитаи ҳолатҳои фавқулода ва мудофиаи граждании кишвар, фавран ба минтақаи  офати табиӣ   сафарбар гардид.  Гурӯҳи  корӣ дар якҷоягӣ бо роҳбарияти ноҳия аз манзилҳои харобгардида дидан  намуда,  барои ёрии саривақтӣ ба зарардидагон ва  рафъи оқибатҳои офати табиӣ тадбирҳои зарурӣ роҳандозӣ намуд.

Баҳодиҳӣ ба ҳолати манзилҳои зарардида
Баъди  нисфирӯзии 6 май ҳайати комиссия оид ба ҳолатҳои фавқулодаи ноҳия бо сардории Баротзода Файзулло, раиси ноҳия ва Суҳроб Маҳмудов, раиси ситоди ҳолатҳои фавқулодаи водии Рашт, ба кори баҳодиҳии ҳолати манзилҳои зисти шаҳрвандон оғоз намуд. Аён гашт, ки  дар натиҷаи зилзила  аксари манзилҳои зисти шаҳрвандон  ва бинои муассисаҳои таълимӣ  дар деҳоти Сафеддара, Муъминобод, Себзор, Қарамиқ ва Сарғуй зарар дидаанд. Аъзои комиссияи номбурда  - масъулони бахшҳои меҳнат, муҳоҷират ва шуғли аҳолӣ, заминсозӣ, сохтмону меъморӣ, ҳифзи табиат ва шахсони дигари масъул ҳолати бавуҷудомадаро дар ҳар як манзили зисти сокинони деҳоти мазкур мавриди омӯзиш қарор доданд.

Ҳазар аз овозаҳои бардурӯғ
-  Ҳайати комиссия  аз  6 то  8 майи соли равон наздики 600  манзили зисти шаҳрвандонро, ки дар минтақаи мазкур аз заминларза осеб дидаанд, мавриди омӯзиш қарор дод. Дар маҷмӯъ 6 хона пурра ва 54 манзили зисти дигар қисман хароб гардидаанд. Рӯзҳои наздик ҳаҷми хисороти моддие, ки ба аҳолии деҳот расидааст, дақиқ ва ба вазорату идораҳои марбута  пешниҳод мешавад.  Ҳарчанд пешгӯйии заминҷунбӣ  аз ҷиҳати илмӣ имконнопазир аст, хабарҳои беасос дар бораи такрор ёфтани зилзила бошандагони деҳаҳои номбурдаро ба ҳарос андохт. Аз ин рӯ, аъзои ситод оид ба ҳолатҳои фавқулода дар ноҳия тасмим гирифтааст, ки корҳои фаҳмондадиҳиро дар байни аҳолии мавзеи офати табиӣ пурзӯр намояд. Сарчашмаи  иттилооти воҳимаангези  бепоя низ  муайян гардида, ба он вокуниш нишон дода хоҳад шуд, - гуфт Қутбиддин Муродов, сардори ситоди ҳолатҳои фавқулода ва мудофиаи граждании ноҳияи Лахш.

Маҳсулоти арзон барои аҳолии осебдида
Бахши Агентии захираҳои моддии давлатии назди Ҳукумати ҷумҳурӣ дар минтақаи Рашт маҳсулоти ғизоиро бо нархи нисбатан арзон ба  аҳолӣ дастрас намуд. Тавре масъулони агентӣ иттилоъ доданд, барои сокинони деҳаҳои номбурда рӯзҳои 7 – 8 май маҳсулоти хӯрокворӣ –  орд  500, гандум 60, шакар  20, биринҷ 40 ва  макарон 37 халта,  инчунин,  равғани рустанӣ 900 литр   бо нархи арзон пешкаш гардид. Чунин дастгирӣ то бартарафсозии пурраи оқибатҳои офати табиӣ дар диёри Лахш идома хоҳад ёфт.       

Ба ҷойи хулоса
Ҳангоми суҳбату вохӯриҳо сокинони деҳоти номбурда барои ғамхорӣ ба Сарвари давлат изҳори миннатдорӣ  намуданд. Чораҳои зарурие, ки аз ҷониби Ҳукумати ҷумҳурӣ баҳри рафъи мушкилоти мардуми осебдида  роҳандозӣ шуд, боиси умедвории онҳо гардидааст. Дар ин маврид комиссия оид ба ҳолатҳои фавқулодаи ноҳияро зарур аст,  ки дар доираи  иҷрои супориши  Президенти кишвар муҳтарам Эмомалӣ Раҳмон ҷиҳати ёрӣ расондан ба осебдидагон фаъолияти мунсифона анҷом диҳанд. Гузашта аз ин, дар раванди шиносоии мо аз  вазъи манзилҳои зарардида маълум гардид, ки бисёри хонаҳои истиқоматӣ дар деҳоти мазкур  дафтари хона, сертификат ва шиносномаи техникӣ надоранд. Инчунин, дар доманакӯҳ сохта шудаанд, ки мавзеъҳои хавфнок ба ҳисоб мераванд. Собиқ роҳбарони ноҳия тайи солҳои охир барои ба қайд гирифтани манзилҳо чораҳои зарурӣ наандешидаанд. Пас, андозе, ки соҳиби хонаҳои беҳуҷҷат супурдаанд, ба куҷо рафтааст? Саволест, ки аз масъулон посух мехоҳад.
Ташрифулло САЪДУЛЛОЕВ, «Ҷумҳурият»


Баёни ақида (0)    Санаи нашр: 15.05.2017    №: 97-98    Мутолиа карданд: 458

22.02.2019


Ҷаласаи Комиссияи сетарафаи танзими муносибатҳои иҷтимоию меҳнатӣ

Забони тоҷикӣ таърихи зиёда аз чорҳазорсолаи хату алифбо дорад

ББТ барои фаъолияти оператори низоми пардохтии “Осон” иҷозатнома гирифт

МАВСИМИ НАВИ ЛИГАИ ОЛӢ МОҲИ АПРЕЛ ОҒОЗ МЕГАРДАД

Путин самтҳои асосии сиёсати хориҷии Россияро тавзеҳ дод

Хадамоти вижаи 7 кишвари ИДМ машқи "Арарат-Антитеррор" мегузаронанд

Чин дар кайҳон неругоҳи барқи офтобӣ месозад

21.02.2019


ХУҶАНД. Оғози сохтмони бинои нави «Тоҷикстандарт»

ФУТБОЛ. Тақвими бозиҳои тими мунтахаби олимпии кишвар муайян гардид

Табибон аз Тотористон бо ҳампешаҳои тоҷики худ мубодилаи таҷриба мекунанд

Роҳандозии лоиҳаҳои инноватсионӣ дар Қазоқистон

Дар Ҳиндустон 13 иштирокдори тӯй зери чархи мошини боркаш монд

Сӯхтор сабабгори марги ҳафт кӯдак дар Канада

Ҷаҳон дар як сатр

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид


Дар сомонаҳои дигари Тоҷикистон хонед