logo

иқтисод

РУШДИ БАХШИ ХУСУСӢ. МУШКИЛӢ ДАР ЧИСТ?

Муҳаррики асосии пешбарандаи иқтисоди миллӣ рушди бахши хусусии ҷумҳурӣ мебошад. Ҳиссаи он дар ташаккули маҷмӯи маҳсулоти дохилӣ 67 дарсадро ташкил медиҳад. Азбаски рушди ин бахш, аз ҷумла соҳибкорӣ, яке аз самтҳои муҳими сиёсати иқтисодӣ ба ҳисоб меравад, доир ба тақвияти шарикии давлат бо бахши хусусӣ, дастгирии давлатии соҳибкорӣ, содагардонии расмиёти бақайдгирии соҳибкорӣ ва танзими фаъолияти иҷозатдиҳӣ корҳои назаррас анҷом дода мешаванд.

Дар натиҷаи ислоҳот ва тадбирҳои амалигардида шумораи субъектҳои соҳибкорӣ дар семоҳаи аввали соли ҷорӣ ба 292 ҳазор расид. Аммо дар самти фароҳам овардани фазои сармоягузории мустақим ва дастгирии соҳибкорӣ ҳанӯз баъзе монеаҳо ба назар мерасанд. Бештари онҳо ба низоми андозбандӣ, қарзҳои бонкӣ ва монеаҳои маъмурие, ки ҳангоми назорат ва санҷиши бемаврид аз ҷониби баъзе мақомотҳои санҷишӣ ба амал меоянд, вобастаанд.
Дар Паёми навбатии Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон махсус таъкид гардид, ки вазъи имрӯзаи фаъолияти соҳибкориву сармоягузорӣ бо назардошти таъсири омилҳои берунӣ ба соҳибкорон имтиёзҳои бештар доданро тақозо менамояд. Бинобар ин, ба мақомотҳои дахлдор супориш дода шуд, ки барои суръат бахшидан ба раванди саноатикунонӣ, рушди истеҳсолот ва содирот дар асоси омӯзишу таҳлилҳои ҳамаҷониба механизми пешниҳоди дастгирии давлатӣ ва имтиёзҳоро барои истеҳсолкунандагон ва содиркунандагони молу маҳсулоти ватанӣ пешниҳод намоянд. Ҳамчунин, бо назардошти сатҳи баланди ҳамгироии иқтисодиёти кишварамон бо савдои байналмилалӣ ҷиҳати рақобатпазирӣ дар ҷалби сармоя ва бозорҳои молии ҷаҳон баробар кардани сатҳи андозбандӣ бо шарикони асосии иқтисодиву тиҷоратӣ ва давлатҳои ҳамсоя муҳим арзёбӣ шуд. Дар ҷараёни таҳлил бештар масъалаи низоми андозбандӣ аз арзиши иловашуда мавриди таваҷҷуҳ қарор гирифт. Пешниҳод шуд, ки меъёри он аз 18 то ба 11 дарсад коҳиш дода шавад.
Руслан Қодирзод, сардори раёсати ислоҳоти иқтисодӣ ва рушди бахши хусусии Вазорати рушди иқтисод ва савдои ҷумҳурӣ, дар ин бора иброз дошт, ки амалисозии механизми баробар кардани меъёрҳои низоми андоз бо андозҳои кишварҳои минтақа, хусусан Қирғизистон, бояд самараи дилхоҳ диҳад, яъне воридоти ғайриқонунии маҳсулот пешгирӣ гардад. Дар баробари ин, агар ҳатто тӯли ду сол ин механизм ба буҷети давлат таъсир гузорад ҳам, фаъолияти соҳибкорӣ бо назардошти зиёд гардидани шумораи субъектҳои хоҷагидор ва истеҳсоли ҳаҷми зиёди маҳсулот ба манфиат хоҳад буд. Ба ҳамин мақсад номгӯйи молҳои воридотие, ки аз андозу пардохтҳои гумрукӣ озоданд, аз ҷумла техникаю таҷҳизоти муосири ба истеҳсолот нигарондашуда аз 34 ба 65 расонда шуд.
 Амалисозии як қатор корҳои дигар низ барои бартараф сохтани мушкили соҳибкорон такони ҷиддӣ мебахшад. Инҳо кам кардани монеаҳои маъмурӣ ва ташкили инфрасохтор, таъсиси бизнес - инкубаторҳо, пурзӯр кардани ҳуқуқҳои молу мулкӣ ва рушди рақобат, таъсиси ниҳод оид ба ҳифзи ҳуқуқи соҳибкорон,  ҳамчунин, истифодаи механизми шарикии давлат бо бахши хусусӣ ва дастгирию ҳавасмандии истеҳсолкунандагон ва содиркунандагони молҳои ватанӣ мебошанд.  Масалан, - гуфт Руслан Қодирзод, - таъсиси ниҳод оид ба ҳифзи ҳуқуқи соҳибкорон ва бизнес - инкубаторҳо ба соҳибкорон барои ҳимояи ҳуқуқҳо ва мукаммал гардондани дониши соҳавии худ имконият фароҳам меоваранд. Дар аксар маврид соҳибкорон маҳз бо ҳамин мушкилӣ рӯ ба рӯ мешаванд. 
О. ВАФОБЕКЗОДА, «Ҷумҳурият»


Баёни ақида (0)    Санаи нашр: 18.05.2017    №: 100    Мутолиа карданд: 671

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд

Китоби Президенти Тоҷикистон Эмомалӣ Раҳмон дар Теҳрон рӯнамоӣ мешавад

Мирзиёев раиси шаҳри Душанбе Рустами Эмомалиро ба ҳузур пазируфт

Департаменти давлатӣ: «ИМА Россияро маблағгузори терроризм намешуморад»

Ҳукумати Албания хисороти заминҷунбии мудҳишро ҳисоб намуд

Москва ва Киев созишномаи 10 – солаи таҳвили нафтро ба имзо расонданд

Ҷаҳон дар як сатр

03.12.2019


Дар пойтахт барӯйхатгирии аҳолӣ ва фонди манзил гузаронда мешавад

Дар майдони «Дӯстӣ» арчаи солинавӣ қомат меафрозад

«Лолаи тиллоӣ» синамогарони тоҷикро ба ҳам овард

Дар Британия намояндагии маҳфили “Ҷавонони дар хориҷи кишвар таҳсилдошта” ифтитоҳ ёфт

Россия ва Беларус қисме аз ваколатҳоро ба ҳукумати ягона медиҳанд

Олимон суду зиёни қаҳванӯширо ном бурданд

Ҷаҳон дар як сатр

САМБО. Медали биринҷии Сорбон дар Қазоқистон

02.12.2019


Дар Бишкек кишварҳои аъзои СААД 15 санад ба имзо расонданд

Эрдуғон кишварҳои арабро ба ёрии Албания даъват намуд


Дар сомонаҳои дигари Тоҷикистон хонед