logo

иқтисод

ҚАРЗИ МАОШ ДАР СУҒД. КӢ МАСЪУЛИЯТРО БАР ДӮШ МЕГИРАД?

Бинобар иҷро нашудани нақшаи ҷамъоварии андоз дар шаҳру навоҳии Конибодом, Ҷаббор Расулов ва Зафаробод музди меҳнати кормандони буҷетӣ сари вақт пардохт намешавад.
Абдураҳмон Қодирӣ, раиси вилояти Суғд, аз кормандони нозироти андози ин шаҳру ноҳияҳо талаб кард, ки фаъолияти кории худро аз рӯи талаботи рӯз ба роҳ монда, ҷиҳати дарёфти сарчашмаҳои нави андозбандӣ ва ба ин васила таъмини вазъи муътадили иҷтимоӣ талош намоянд. То оғози моҳи апрел қарзи музди меҳнати кормандони буҷетии шаҳри Исфара 3,4 миллион, Ҷаббор Расулов 2,4 миллион ва Зафаробод зиёда аз 200 ҳазор сомониро ташкил медиҳад.
Ҳамчунин, масъалаи пардохти музди меҳнат дар дигар соҳаҳои хоҷагии халқи вилоят беҳбудӣ мехоҳад. Бино ба иттилои расмии раёсати Хадамоти назорати  давлатӣ дар соҳаи меҳнат, муҳоҷират ва шуғли аҳолӣ дар вилояти Суғд, то 1 апрели соли равон қарзи музди меҳнати корфармоён дар назди кормандон ба 10 миллиону 262,9  ҳазор сомонӣ расидааст, ки боиси ташвиш аст.
Бинобар напардохтани музди меҳнат дар корхонаҳои ҶСК «Комбинати маъдантозакунии Адрасмон», ҶСК «Комбинати фулузоти нодир», КВД «Идораи консозии Адрасмон» ва Иттифоқи касабаи ҶСК «Комбинати маъдантозакунии Адрасмон»-и шаҳри Гулистон қарзи маош дар назди кормандон ба зиёда аз 6,5 миллион сомонӣ расидааст, ки миёни шаҳру навоҳии дигари вилоят ҳолати ташвишовар  маҳсуб меёбад. Вале роҳбарону масъулини мақомоти иҷроияи маҳаллии ҳокимияти давлатӣ ва муассисаю корхонаҳои шаҳри Гулистон бо сабабҳои номаълум ҷиҳати ҳалли мушкилот тадбирҳои мушаххасу муассир роҳандозӣ накардаанд.
Мусаллам аст, ки аксари навоҳии вилояти Суғд обёрии зироатҳоро тавассути пойгоҳҳои обкашӣ ба роҳ мемонанд, яъне фаъолияти муътадили идораҳои давлатии беҳдошти замин ва обёрии шаҳру навоҳӣ кафолати обёрии саривақтӣ дар тамоми фасли сол аст. Аммо мушоҳидаҳо аз он бозгӯйӣ доранд, ки вазъи пардохти маош дар аксари ин идораҳо ташвишовар аст. Масалан, қарзи музди меҳнат фақат дар идораи давлатии беҳдошти замин ва обёрии ноҳияи Ҷаббор Расулов 1 миллиону 121 ҳазору 231 сомониро ташкил медиҳад.
Вазъи пардохти музди меҳнат дар идораҳои давлатии беҳдошти замин ва обёрии шаҳру навоҳии Зафаробод, Мастчоҳ, Панҷакент, Бобоҷон Ғафуров ва Ашт низ беҳбудӣ мехоҳад. Дар ин ҳол кӣ кафолат дода метавонад, ки  хоҷагиҳои деҳқонӣ сари вақт дар мавсими имсола бо об таъмин мешаванд?
  Қонунгузории ҷории кишвар корфарморо муваззаф месозад, ки, сарфи назар аз вазъи молиявӣ, ба корманд барои кори иҷро кардааш музди меҳнати муқарраршударо пардохт намояд. Акси ҳол поймолсозии ҳуқуқи корманд маҳсуб ёфта, мутобиқи қонун барои он муҷозот муқаррар шудааст.
Ҷовиди АШТӢ, «Ҷумҳурият»


Баёни ақида (0)    Санаи нашр: 18.05.2017    №: 100    Мутолиа карданд: 629

11.12.2019


Баррасии масоили тақвияти ҳамкориҳо

Бахтиёр Худоёрзода бо ҳайати Дафтари ниҳодҳои демократӣ ва ҳуқуқи инсони САҲА мулоқот намуд

Намоиши филмҳои тоҷикӣ дар Бангладеш

“МАҲБУБИ ВАТАН”

Трамп: «Бо Лавров вохӯрии хубе гузарондем»

Зеленский гуфт, ки бо Путин гуфтушунид кардан мураккаб аст

Сарвазири Эфиопия соҳиби Ҷоизаи сулҳи Нобел шуд

«Толибон» дар шимоли Афғонистон 40 куҳансолро рабуданд

МУСОБИҚАИ СИТОРАҲОИ ДЗЮДО. Бори нахуст кишварро 4 гӯштигир намояндагӣ мекунад

Ҷаҳон дар як сатр

10.12.2019


Мулоқоти Қоҳир Расулзода бо Хуан Тсзян Жун

Шиносоии Азим Иброҳим аз ҷараёни корҳои сохтмонии роҳҳои Душанбе

Дар доираи Озмуни ҷумҳуриявии «Сайри гули лола» машварати корӣ баргузор гардид

Дар Париж, Москва ва Киев оид ба муовизаи асирон ба мувофиқа омаданд

Туркия ба рафъи хатари «Давлати исломӣ» дар Афғонистон мусоидат мекунад

Сарвазири нави Финляндия - ҷавонтарин дар ҷаҳон сарвари ҳукумат

Disney дар остонаи рекорди нави ҷаҳонӣ

Ҷаҳон дар як сатр

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр


Дар сомонаҳои дигари Тоҷикистон хонед