logo

иҷтимоиёт

ФАРХОР. МУАММОҲОИ ТЕРМИНАЛИ МУСОФИРКАШОНӢ

Ҳарчанд гилаю шикояти сокинони ноҳия, хусусан ронандагон, аз бенизомиҳои  роҳи мошингузари назди терминали мусофиркашонӣ то рафт зиёд мегардад, ҷиҳати рафъи ин мушкилӣ то ҳол аз ҷониби масъулон чораандешӣ нашудааст.
Аҳмад Ҷабборов, сокини шаҳраки Фархор, гуфт, ки аз масири  терминали мусофиркашонии маркази ноҳия гузаштан бисёр муҳол аст. Ронандаҳо бо овози баланд мусофиронро даъват намуда, баъзан ҳар ду қисмати роҳро  банд  менамоянд. Касе нест, ки танзими нақлиётро дар ин нуқта ба роҳ монда, ҷилави чунин қоидавайронкуниҳоро бигирад.
Ҳоло майдони васеи терминал қариб холист. Аксаран бо сабаби банд будани роҳ ронандагон маҷбур мешаванд ба самти муқобил ҳаракат кунанд. Ба аломати «Таваққуф манъ аст» аҳамият ҳам намедиҳанд. 
Ба гуфтаи Файзиддин Ҳомиддинов, директори терминали мусофиркашонии ҶДММ «Самартранс» - и ноҳия, ронандагони мазкур  бо корхонаи онҳо шартнома набастаанд ва ҳуқуқи дохили терминал даромаданро надоранд.
Ронандагон сабаби шартнома набастанашонро бо ин корхона ба одитарин талабот ҷавобгӯ набудани дохили терминал арзёбӣ намуданд.
Акмалҷон Самиев, сокини ноҳия, изҳор дошт, ки терминал аз соли 2008  инҷониб ба ҷуз аз рангу бори рӯякӣ таъмири ҷиддӣ нашудааст.
- Воқеан, мусофиркашонӣ дар шафати роҳи маҳаллаи  асосии шаҳрак ғайриқонунист. Аксарияти соҳибони воситаҳои нақлиётро ҳатто ду маротиба ҷарима бастем, аммо ба ин эътибор надода, фаъолияташонро идома медиҳанд, - изҳор дошт Ҷамолиддин Ятимов, иҷрокунандаи вазифаи сардори раёсати Хадамоти давлатии назорат ва танзим дар соҳаи нақлиёт дар минтақаи Кӯлоб.
Тавре  Файзиддин Ҳомиддинов гуфт, терминал бояд пурра навсозӣ мешуд. Аммо бо сабаби буҳрони иқтисодӣ нақшаи мазкур амалӣ нагардид. Роҳбари терминал илова намуд, ки  дар ояндаи наздик ният доранд терминалро аз таъмири ҷорӣ бароранд. 
Ба иттилои Ҷамолиддин Ятимов, зимни санҷишҳо ба роҳбарияти терминали мусофиркашонии Фархор барои ба талабот ҷавобгӯ набудани он огоҳинома ва ҷиҳати ислоҳи камбудиҳои ҷойдошта муҳлат дода шудааст.
Муҳлати иҷозатномаи фаъолияти терминали мусофиркашонии ноҳия ду моҳ боз тамом шудааст ва терминал ҳуқуқи фаъолият карданро надорад.
Ҳайронем, ки агар терминал иҷозатномаи фаъолият надорад, пас чӣ гуна аз ронандаҳо пул меситонад? Танзимгарон (албатта, бо супориши соҳибмулкони терминал) аз ҳудуди терминал берун баромада, аз соҳибони воситаҳои нақлиёт пули бе дарди миён мерӯёнанд. Тазод низ ҳамин аст, ки агар миёни ин ду тараф шартномаи ҳамкорӣ нест, пас ин маблағҳо дар кадом асос рӯёнда шудаву ба кадом киса мерезанд?! Ба ин ҳама бесарусомониҳо кӣ нуқта мегузорад? Хадамоти назорати давлатии танзим дар соҳаи нақлиёт ё мақомоти иҷроияи маҳаллии ҳокимияти давлатии ноҳияи Фархор? Суолест, ки посух мехоҳад!
Раҳматулло КАРИМЗОДА, «Ҷумҳурият»


Баёни ақида (0)    Санаи нашр: 19.05.2017    №: 101    Мутолиа карданд: 513

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед